25th MAY 2024 - (Ethnic language program-CHO_DAAI) by Radio NUG

 

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ မေလ ( ၂၅ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ ချင်းပူးပေါင်းတပ်က မြို့နှစ်မြို့ ထပ်မံထိန်းချုပ်

 

ချင်းပြည်၊ ကျီခါးမြို့ကို ချင်းအမျိုးသားတပ်မတော် (CNA) နဲ့ ချင်းပြည်ကာကွယ်ရေးတပ်ဖွဲ့ (CDFs) ပူးပေါင်းတပ်က အပြည့်အဝထိန်းချုပ်လိုက်ပြီလို့ The Chin Journal က ရေးသားပါတယ်။

မေ ၁၉ရက် မနက်မှာ ကျီခါးမြို့ရှိ စစ်ကောင်စီတပ်စခန်းထဲ ၀င်ရောက်ပြီး ထိန်းချုပ်လိုက်နိုင်တာလို့ ပြောပါတယ်။

အနောက်ဘက်တံခါးလို့ လူသိများတဲ့ ကျီခါးဟာ ချင်းပြည် - အိန္ဒိယနိုင်ငံ မဏိပူပြည်နယ်အကြားရှိ နယ်စပ်မြို့ တမြို့ပါ။

ဒါ့အပြင် ကျီခါးမြို့နဲ့ မိုင် ၅၀ ကျော်ဝေးတဲ့ တွန်းဇံမြို့ရှိ စစ်ကောင်စီ အထိုင်တပ်စခန်းကိုလည်း (CNA) နဲ့ (CDFs) ပူးပေါင်းတပ်က ထိန်းချုပ်ထားပြီလို့ သိရပါတယ်။

ဒီစစ်ဆင်ရေးတွေကို CDF-Tonzang, CNA, CDF-Thantlang, PDA (Tedim), CDF CDM-Siyin, CDF-Hualngoram, YPDF (Yaw), Asho Chin Defence Force (ACDF), CDF-Hakha, CDF-Zanniatram၊ CDF-Matupi အပါအ၀င် ချင်းပြည်ကောင်စီအဖွဲ့၀င် တော်လှန်ရေးတပ်ဖွဲ့တွေက ပူးပေါင်းတိုက်ပွဲ၀င်နေတာဖြစ်ပါတယ်။

 

========================

 

📌📌 ၂။ တွန်းဇံမှာ  နိုင်ငံရေးအကျဉ်းသားသုံးဦးကို ချင်းပူးပေါင်းတပ်က ကယ်ထုတ်ဟုဆို၊ နှစ်ဖက်တို၊က်ပွဲ ဆက်ဖြစ်နေ

 

ချင်းပြည်၊ တွန်းဇံမြို့စစ်ခုံရုံးကနေ တသက်တကျွန်းနဲ့ နှစ်ရှည်ထောင်ဒဏ် ချမှတ်ထားတဲ့ နိုင်ငံရေးအကျဉ်းသားသုံးဦးကို မေလ ၂၂ ရက်နေ့မှာ ချင်းပူးပေါင်းတပ်က ကယ်ထုတ်နိုင်ခဲ့တယ်လို့ တွန်းဇံမြို့နယ်ပြည်သူ့အုပ်ချုပ်ရေးအဖွဲ့က ပြောတဲ့အကြောင်း RFA Burmese ရဲ့ သတင်းမှာ ဖော်ပြပါတယ်။

 

ထောင်ဒဏ် တသက်တကျွန်း ချမှတ်ခံထားရတဲ့ CDM မူလတန်းပြဆရာမနဲ့ ထောင်ခုနစ်နှစ် ချခံထားရတဲ့ သူ့ဖခင်အပါအဝင် အမျိုးသားတဦးတို့ကို ကယ်ထုတ်နိုင်ခဲ့တာလို့ ပါရှိပါတယ်။

 

CDM မူလတန်းပြဆရာမနဲ့ သူ့ဖခင်တို့ဟာ ၂၀၂၄ ဖေဖော်ဝါရီလ ၂၄ ရက်နေ့က သူတို့နေအိမ်အတွင်း မတရားဖမ်းဆီးခံရသူတွေလို့လည်း ဆိုပါတယ်။

 

မေ ၁၉ရက် မနက်ပိုင်းက အိန္ဒိယနိုင်ငံ မဏိပူရ်ပြည်နယ် - ချင်းပြည်အစပ်ရှိ ကျီခါးမြို့ကို ချင်းပူးပေါင်းတပ်က ထိန်းချုပ်လိုက်ပြီး မြို့နယ်အဆင့်ရှိတဲ့ တွန်းဇံမှာတော့ စစ်ကောင်စီရဲ့ အင်အားဖြည့်တင်းမှုတွေကြောင့် နှစ်ဖက်တို၊က်ပွဲ ဆက်ပြင်းထန်နေတာ ဖြစ်ပါတယ်။

 

တွန်းဇံမြို့ စစ်ဆင်ရေးမှာ စစ်ကောင်စီ ၂၀ ဝန်းကျင်သေဆုံးနိုင်ပြီး ချင်းပူးပေါင်းတပ်ဘက်က နှစ်ဦးကျဆုံးတယ်လို့ CNF/ CNA ပြောရေးဆိုခွင့်ရ ဆလိုင်းထက်နီက ပြောတဲ့အကြောင်း Khonumthung Burmeseက ရေးသားပါတယ်။

 

ဒါ့အပြင် စစ်ကောင်စီထံက လက်နက်မျိုးစုံ ၅၀ ကျော်နဲ့ ကျပ်သိန်းပေါင်း ၃,၀၀၀ ဝန်းကျင်ကို ချင်းပူးပေါင်းတပ်က သိမ်းဆည်းရရှိထားကြောင်းလည်း သတင်းထွက်နေပါတယ်။

Tonzang Township Administration Board ကတော့ မြို့တွင်းမှာ ပစ်ခတ်သံ ဆက်လက်ကြားနေရပြီး ‌နေအိမ်အချို့ မီးလောင်ခဲ့တယ်လို့ အသိပေး ထုတ်ပြန်ထားပါတယ်။

မေလ ၂၂ ရက်ကလည်း အချိန်မီဆေးကုမှုမရတဲ့ စစ်ရှောင်လူငယ်တဦး အသက်ဆုံးရှုံးမှုဖြစ်စဉ် ဖြစ်ပွားခဲ့ပြီး တဖြည်းဖြည်းတိုးလာနေတဲ့ စစ်ရှောင်ပြည်သူတွေအတွက် အကူအညီများစွာ လိုအပ်နေတယ်လို့ ဆိုပါတယ်။

 

========================

 

📌📌 ၃။ မြေပြန့်ဒေသမှာ မဟာဗျူဟာ ထိုးစစ် စတင်မယ်လို့ MoD NUG ဆို

 

လက်ရှိဖြစ်ပွားနေတဲ့ နိုင်ငံရေး၊ စစ်ရေးအခြေအနေတွေအရ မကြာခင် ထုအင်အားတည်ဆောက်ပြီး မြေပြန့်ဒေသ မဟာဗျူဟာ ထိုးစစ်စတင်မယ်လို့ MoD NUG က ပြောကြားလိုက်ပါတယ်။

 

၂၀၂၄ မေ ၁၄ ရက်နေ့ မကွေးတိုင်းကွပ်ကဲရေးရုံးကပြုလုပ်တဲ့ NCO အကြပ်သင်တန်း အပတ်စဉ် ၂ သင်တန်းဆင်းပွဲကို ပေးပို့လိုက်တဲ့ သဝဏ်လွှာမှာ အခုလိုဖော်ပြတာပါ။

 

စစ်ရေးလိုအပ်ချက်တွေ ကြိုတင်ပြင်ဆင်တဲ့အနေနဲ့ အခုလိုစစ်ရေးသင်တန်းမျိုး နေရာအနှံ့မှာ စီစဉ်ဖွင့်လှစ်ရတာလို့လည်း ပြောထားပါတယ်။

 

ပြည်သူလူထုရဲ့ ကူညီပံ့ပိုးမှု၊ တပ်မှူး၊ တပ်သားတွေရဲ့ စွန့်လွှတ်တိုက်ခို၊က်မှုတွေကြောင့် နိုင်ငံမြောက်ပိုင်းကနေ တောင်ပိုင်းအထိ ကျယ်ပြန့်တဲ့ နယ်မြေ တလျောက်မှာ လှုပ်ရှားတိုက်ခို၊က်နိုင်နေပြီလို့လည်း အဲဒီသဝဏ်လွှာမှာ ဖော်ပြထားတယ်။

#RadioNUGLocalNews

#SpringRevolution