09 SEP 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ စက်တင်ဘာလ ( ၉ ) ရက်နေ့ ရပြည်တွင်းသတင်းများ

📌📌 ၁. ပလက်ဝ၊ဆမီးမြို့ကအရပ်သား အမျိုးသမီးတစ်ဦး မိုင်းနင်းမိ၍ သေဆုံး

 

The Matupi Times ၊ စက်တင်ဘာ ၂ ၊၂၀၂၄

ချင်းပြည်နယ်၊ ပလက်ဝမြို့နယ်၊ ဆမီးမြို့က ဒေသခံ အမျိုးသမီး တစ်ဦးသည် ဩဂုတ်လ(၃၁)ရက်နေ့နံနက်ပိုင်းက မြေမြှုပ် မိုင်းနင်းမိ၍ သေဆုံးသွားကြောင်း ဒေသခံတွေထံက သိရပါတယ္။

အဆိုပါအမျိုးသမီးသည် နံနက်(၁၀)နာရီအချိန်ခန့်၌ ဝါးမျှစ်ရှာရန်သွားနေစဥ် မြေမြှုပ်မိုင်းနင်းမိခဲ့ခြင်းဖြစ်ပြီး၊ ခြေထောက်နှစ်ဖက်စလုံးပြတ်ကာ ဆေးရုံသို့ ပို့ဆောင်ပေးခဲ့သော်လည်း သွေးထွက်လွန်ခြင်းကြောင့် သေဆုံးသွားကြောင်းသိရသည်။

သေဆုံးသူ၏ အမျိုးသားဖြစ်သူသည်လည်း ပြီးခဲ့သည့် ၂၀၂၃ခုနှစ်တွင် အာရက္ခတပ်တော်နှင့် စစ်ကောင်စီတို့ တိုက်ပွဲအတွင်း သေနတ်သံကြားပြီး နှလုံးရပ်သေဆုံးခဲ့ကြောင်း သိရသည်။

 

========================

 

📌📌 ၂. မင်းတပ်မြို့မှာ စစ်ကောင်စီက လေယာဉ်ဖြင့်ရိက္ခာထပ်ဖြည့်နေ

 

ချင်းပြည်နယ်၊ မင်းတပ်မြို့၊ ခလရ ၂၇၄ တပ်ရင်း ထဲကို စစ်ကောင်စီတပ်က ဒီကနေ့ စက်တင်ဘာ ၃ ရက်နေ့လယ် ၁၂ နာရီအချိန်ခန့်မှာ လေယာဉ်မှလေထိီးြဖင့် ရိက္ခာများထပ်မံ ဖြည့်တင်းမှုပြုလုပ်နေတယ်လို့ သိရပါတယ္။

"ယခု Y-12 ကုန်တင်လေယာဥ်မှမင်းတပ်မြို့ပေါ် ပျံဝဲနေပြီး၂၇၄ တပ်ရင်းထဲသို့ လေထီးဖြင့်ခဲယမ်း နှင့် ရိက္ခာထုပ်များ ချနေတာ ၃ ထုပ်ခန့် ရှိနေပါပြီဗျ။" လို့ HKL-Mindat ရေးသားဖော်ပြထားပါတယ္။

စစ်ကောင်စီတပ်ကအခုရက်ပိုင်း မကြာခဏလေကြောင်းတို်က်ခို်က်မှုတွေပြုလုပ်နေတာကြောင့် မင်းတပ်မြို့မှာ အချိန်မရွေး နှစ်ဖက်တိုက်ပွဲ ဖြစ်ပွားနိုင်တယ်လို့ CDF-Mindat ကကြေငြာပြီးနောက် လေယာဉ်ဖြင့်ရိက္ခာဖြည့်တင်းမှုတွေမကြာခဏပြုလုပ်လာတာဖြစ်ပါတယ္။

 

========================

 

📌📌 ၃. ဟားခါးမြို့က ရဲတပ်ဖွဲ့ဝင်(3)ဦး CDF-Hakha ထံအလင်းဝင်

 

The Matupi Times ၊ စက်တင်ဘာ ၅ ၊ ၂၀၂၄

စက်တင်ဘာလ ပထမပတ်အတွင်း ချင်းပြည်နယ် ၊ ဟားခါးမြို့က စစ်ကောင်စီလက်အောက်ခံ ရဲတပ်ဖွဲ့ဝင်(၃)ဦးသည် လက်နက်နဲ့အတူ ဒေသခံကာကွယ်ရေးတပ်ဖွဲ့ CDF-Hakha ထံသို့ အလင်းဝင်လာကြေင်းသိရသည်။

 

ဟားခါးမြို့က ရဲတပ်ဖွဲ့ဝင်(၁)ဦးသည် စက်တင်ဘာလ(၂)ရက်နေ့မှာ အလင်းဝင်ခဲ့ပြီး၊ စက်တင်ဘာလ ၄ ရက်နေ့မှာ ရဲတပ်ဖွဲ့ဝင်(၂)ဦး ထပ်မံအလင်းဝင်လာခဲ့ပါတယ်။  လက်နက်ယူဆောင်၍ အလင်းဝင်လာသူတွေကို CDF-Hakha မှ ဆုကြေးငွေပေးအပ်ချီးမြှင့်ခဲ့ပြီး လွတ်မြောက်နယ်မြေသို့ပို့ဆောင်ပေးခဲ့သလို စစ်ကောင်စီလက်အောက်တွင် တာဝန်ထမ်းနေသူများအနေဖြင့် အလင်းဝင်လိုပါက ကောင်းမွန်စွာလက်ခံကြိုဆိုသွားမည်ဖြစ်ကြောင်းနှင့် လွတ်မြောက်နယ်မြေသို့ပို့ဆောင်ပေးမည်ဖြစ်ကြောင်း CDF-Hakha ကသတင်းထုတ်ပြန်ထားပါတယ္။

 

========================

 

📌📌 ၄. စစ်ကောင်စီက(၂)ရက်အတွင်း မြန်မာပြည်အနှံ့ လေကြောင်း ဗုံးကြဲ ၊ သေဆုံးသူ ၃၀ ဝန်းကျင်အထိရှိနေ

 

The Matpupi Times ၊ ၆ စက်တင်ဘာ၊ ၂၀၂၄

တော်လှန်ရေးအင်အားစုတွေကို ထိုက်သင့်တဲ့ တုံ့ပြန်မှုလုပ်မယ်လို့ စစ်ခေါင်းဆောင် မင်းအောင်လှိုင်ရဲ့ ပြောဆိုမှုအပြီး ချင်းပြည်နယ်၊ မင်းတပ်မြို့နယ်အပါအဝင် မြန်မာပြည်အနှံ့မှာ လေကြောင်းဗုံးကြဲတို၊က်ခိုက်မှု ဆက်တိုက် ပြုလုပ်ခဲ့ပါတယ်။

 

စစ်ကောင်စီက  ပြီးခဲ့တဲ့ စက်တင်ဘာလ ၅ ရက်နှင့် ၆ ရက်နေ့  (၂ ရက်အတွင်း) ရှမ်းမြောက်ဒေသ၊ ရှမ်းတောင် (ဖယ်ခုံ)နဲ့ ကရင်နီဒေသက မြို့တွေအပြင် မန္တလေးတိုင်း၊ မကွေးတိုင်းနဲ့ ချင်းပြည်နယ်ကမြို့တွေနဲ့ ကျေးရွာတွေကို လေကြောင်းကနေ ဗုံးကြဲတိုက်ခိုက်ခဲ့ပါတယ်။

 

အဆိုပါလေကြောင်းတိုက်ခိုက်မှုတွေကြောင့် ဗုံးခိုကျင်းထဲ ဝင်ပုန်းနေတဲ့ ကလေးငယ်အပါအဝင် လူ ၅ ဦး နေရာတင် အသက်ဆုံးရှုံးခဲ့တာတွေရှိသလို ကရင်နီ၊ ရှမ်းမြောက် နမ့်ခမ်းမြို့မှာလည်း လေကြောင်း ဗုံး၊ကြဲတိုက်ခို၊က်ခံရလို့ က၊လေးသူငယ် အမျိုးသမီးစုစုပေါင်း လူ ၂၀ ဦးထက်မနည်း သေ၊ဆုံးပြီး အများအပြားထိခိုက်ဒဏ်ရာရတဲ့ ဖြစ်စဉ် ဖြစ်ပွားခဲ့ပါတယ်။

 

========================

 

📌📌 ၅. ONE:168 ပွဲမှာ ဒိုင်ပွဲရပ်ဖြင့်အောင်လရှုံးနိမ့်

 

The Matupi Times ၊ စက်တင်ဘာ ၇ ၊ ၂၀၂၄ ၊

ဒီကနေ့ မနက်က မစ်ဒယ်ဝိတ်တန်း၌ ယှဥ်ပြိုင် ထိုးသတ်ခဲ့တဲ့ One Championship(ONE:168)ပြိုင်ပွဲမှာ မြန်မာဖိုက်တာ အောင်လအန်ဆိုင်းဟာ ပြိုင်ဖက်တူရဂီဖိုက်တာကိို ဒုတိယအချီမှာဘဲ ဒိုင်ပွဲရပ်ဖြင့်ရှုံးနိမ့်ခဲ့ ပါတယ်။

One Championship (ONE:168) ပြိုင်ပွဲကို မြန်မာစံတော်ချိန် စက်တင်ဘာ ၇ ရက် မနက်အစောပိုင်း တွင် အမေရိကန်နိုင်ငံ၊ ကော်လိုရာဒိုပြည်နယ်၊ ဒန်ဗာမြို့၌ ကျင်းပခဲ့တာဖြစ်ပါတယ်။

 

========================

 

📌📌 ၆. လာမည့်အပတ်မှာ မက္ကဆီကိုဖိုက်တာနဲ့ joshua Van ထိုးသတ်မည်

 

The Matupi Times ၊ စက်တင်ဘာ ၄ ၊ ၂၀၂၄

ချင်းလူငယ်ဖိုက်တာ Joshua Van ဟာ လာမည့် စက်တင်ဘာလ ၁၄ ရက်နေ့၌ အမေရိကန်ပြည်ထောင်စု၊ လာစ်ဗီးဂတ်စ် မှာကျင်းပပြုလုပ်မည့် UFC: 306 ပြိုင်ပွဲမှာ မက္ကဆီကိုဖိုက်တာ Edgar Chairez နဲ့ ယှဉ်ပြိုင်ထိုး သတ်သွားမှာဖြစ်ကြောင်းသိရပါတယ္။

UFC : 306 ပြိုင်ပွဲမှာ Edgar Chairez ဟာ Kevin Borjas နဲ့ထိုးသတ်မည်ဖြစ်ကြောင်းကနဦးကြေငြာခဲ့ပေမယ့် Kevin Borjas နှုတ်ထွက်သွားတာကြောင့် Joshua Van နဲ့ ပွဲဲတည်ပေးလိုက်တာဖြစ်ပါတယ္။

အခုပြိုင်ဘက် Edgar Chairez ဟာ ပွဲပေါင်း (၁၆) ပွဲထိုးသတ်ထားပြီး (၁၁)ပွဲနိုင်၊ (၅)ပွဲရှုံးရလဒ်ပိုင်ဆိုင်ထားပါတယ္။ Joshua Van ကတော့ ပြီးခဲ့တဲ့ ဇူလိုင်လ ၁၄ ရက်မှာ ထိုးသတ်ခဲ့တဲ့ ချာလ်းဂျွန်ဆင်နဲ့ ပွဲမှာ အလဲထိုးနဲ့ရှုံးနိမ့်ခဲ့ပြီး UFC ပြိုင်ပွဲမှာ (၄) ပွဲမှာ (၃)ပွဲနိုင်၊(၁)ပွဲရှုံးနိမ့်ထားပါတယ္။

#RadioNUGLocalNews

#SpringRevolution