03 Feb 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ ဖေဖော်ဝါရီလ ( ၃ ) ရက်နေ့ ရပြည်တွင်းသတင်းများ

📌📌 ၁. ရက္ခိုင်မှ ထွက်ပြေးလာသော စစ်သားများကို CDF-Asho ပိတ်ဆို့တိုက်ခိုက်၊ စကစတပ်သား ၁၇ ဦး အရှင်ဖမ်းမိ

 

The Matupi Times ၊ ဇန်နဝါရီ ၂၈ ၊ ၂၀၂၅

ရက္ခိုင်ပြည်နယ် အမ်းမြို့နယ်မှ ဆုတ်ခွာထွက်ပြေးလာတဲ့ အကြမ်းဖက်စစ်သာများကို ချင်းကာကွယ်ရေးတပ်-အရှိုက(Chin Defence Force-Asho) အမ်း-ပဒါန်း လမ်းမှာ ပိတ်ဆို့တားဆီးတိုက်ခိုက်ခဲ့တယ်လို့ က မနေ့က ထုတ်ပြန်ပါတယ်။

ချင်းကာကွယ်ရေးတပ် အရှိုက အကြမ်းဖက်စစ်သားများ ဆုတ်ခွာ ရာလမ်းကြောင်းကို ဇန်နဝါရီ ၁၇ ရက်က ၂၅ ရက်အထိ ပိတ်ဆို့ တိုက်ခိုက်ခဲ့တာဖြစ်ပြီး တိုက်တိုက်ခိုက်မှုမှာ အကြမ်းဖက်စစ်သား ၁၇ ဦး အရှင်ဖမ်းမိခဲ့သည့်အပြင် MA စီးရီး သေနတ် ၈ လက် ၊ ခဲယမ်း နဲ့ စစ်အသုံးအ‌ဆောင် ပစ္စည်းများကို သိမ်းဆည်းရမိတယ်လို့ ထုတ်ပြန်ချက်အရသိရပါတယ္။

 

========================

 

📌📌 ၂. CDF-KKG မှရဲဘော် ၄ ဦး ကျဆုံး

 

The Matupi Times ၊ ဇန်နဝါရီလ၊ ၂၉ ၊ ၂၀၂၅

Chinland Defense Force,Kalay-Kabaw-Gangaw တပ်ရင်း ၆ မှာတာဝန်ထမ်းဆောင်ကြတဲ့ ရဲဘော် ၄ ဦးတို့ ကျဆုံးကြောင်း ဒီကနေ့မှာ သတင်းထုတ်ပြန်ထားပါတယ်။

ကျဆုံးရဲဘော်များဟာ တပ်ရင်း ၆ မှ ဒုတပ်ရင်းမှူး ဇင်မင်းထွန်း၊ တပ်ခွဲမှူး နိုင်မင်းဟိန်း၊ ရဲဘော် အော်ကိုကိုလင်း (ခ) လပြည့် နဲ့ ရဲဘော် စိုင်းမင်းထက်တို့ဖြစ်တယ်လို့ဆိုပါတယ်။

ကျဆုံးရဲဘော်တွေဟာ ဖက်ဒရယ်ဒီမိုကရေစီတည်ဆောက်ရေးအတွက် တိုက်ပွဲဝင်ရင်း ပြီးခဲ့တဲ့ ၂၀၂၄ ခုနှစ် ဩဂုတ်လ ၆ ရက်နေ့မှာ ကျဆုံးခဲ့ကြခြင်းဖြစ်တယ်လို့ CDF-KKG ကထုတ်ပြန်ချက်မှာ ဖော်ပြထားပါတယ်။

 

========================

 

📌📌 ၃. မလေးရှားနိုင်ငံတွင် ဇိုတုန်(ချင်း)စုံညီပွဲကျင်းပ

 

The Matupi Times ၊ ဇန်နဝါရီလ ၂၉၊၂၀၂၄

မလေးရှားနိုင်ငံတွင် မလေးရှားရောက် ဇိုတုန်(ချင်း)လူမျိုးများ၏ ၁၉ ကြိမ်မြောက် ဇိုတုန်စုံညီပွဲ (19th ZOtung Lungngin Poi Malaysia)ကို ဒီကနေ့ဇန်နဝါရီလ ၂၉ ၊ ၂၀၂၅ ရက်နေ့ နံနက်ပိုင်းမှ စတင်ကျင်းပပြုလုပ်ခဲ့ကြောင်းသိရသည်။

အစီအစဉ်တွင် အမျိုးသား ဘောလုံးပြိုင်ပွဲ နှင့် အမျိုးသား/သမီး ဘောလီဘောပြိုင်ပွဲများကျင်းပပေးခဲ့သည်။ အမျိုးသားဘောလုံးပြိုင်ပွဲမှာ အသင်းပေါင်း (၂၂) သင်း ဝင်ရောက်ယှဉ်ပြိုင်ခဲ့ပြီး ၊ ဘောလီဘောပြိုင်ပွဲတွင် အမျိုးသား(၁၃)သင်းနှင့် အမျိုးသမီး(၇)သင်း ပါဝင်ယှဉ်ပြိုင်သွားခဲ့တယ်လို့သိရပါတယ်။

အဆိုပါစုံညီပွဲကို Zotung Refugee Community Malaysia မှဦးဆောင်ပြုလုပ်ပေးတာဖြစ်ပြီး ဖေဖော်ဝါရီလ(၁)ရက်နေ့ထိ (၄)ရက်ကြာ ကျင်းပပြုလုပ်ခဲ့ကြောင်းသိရသည်။

 

========================

 

📌📌 ၄. အဆိုတော် ဒေးဗစ်လိုင်၏ သီချင်း Album အသစ်မကြာမီ ထွက်ရှိမည်

 

The Matupi Times ၊ ဇန်နဝါရီလ ၂၈၊ ၂၀၂၀၅

အဆိုတော် ဒေးဗစ်လိုင်က မကြာခင် Album အသစ်ထွက်ဖို့ရှိကြောင်း ပရိသတ်တွေကို အွန်လိုင်းဖေ့ဘုတ်စာမျက်နှာကနေတဆင့်အသိပေးလာပါတယ္။

 

ဒေးဗစ်လိုင်ရဲ့သီချင်း Album အသစ်ဟာ လာမယ့် 07,February, 2025 မှာ ထွက်ရှိမှာဖြစ်ပြီး သီချင်း(၁၁)ပုဒ်ပါဝင်မှာဖြစ်ကြောင်းသိရပါတယ္။ အဆိုပါ သီချင်း(၁၁)ပုဒ်ထဲမှာ pre-released လုပ်ထားတဲ့ “ငါတို့ရဲ့အမှတ်တရ” “It Hurts Missing You” “Taste My Love” စတဲ့သီချင်း(၃)ပုဒ်ပြန်လည် ပါဝင်မယ်လာလို့သိရပါတယ်။

 

Album မှာပါဝင်မယ့် သီချင်း ၉ ပုဒ်ကို ဒေးဗစ်လိုင်ကိုယ်တိုင်ရေးစပ်ထားတာဖြစ်ပြီး ၊ Ko Joseph Laiနဲ့ ကိုမြတ်ဦး တို့က တစ်ပုဒ်ဆီအားဖြည့်ထားတယ်လို့ ဆိုပါတယ္။

 

========================

 

📌📌 ၅. ကလေးမြို့နယ်က စစ်ရှောင်စခန်းတခုကို စစ်ကောင်စီဗုံးကြဲ တိုက်ခိုက်၊ ကလေးငယ်အပါအဝင် ပြည်သူ ၉ ဦးသေဆုံးပြီး အများအပြားထိခိုက်ဒဏ်ရာရရှိ

 

The Matupi Times ၊ ဖေဖော်ဝါရီလ ၁ ၊ ၂၀၂၅ ။

စစ်ကိုင်းတိုင်း၊ ကလေးမြို့နယ်၊ ကုက္ကိုလ်ကျေးရွာက စစ်ရှောင်စခန်းတခုကို ယမန်နေ့ ဇန်နဝါရီလ ၃၁ ရက်နေ့၌ အကြမ်းဖက်စစ်ကောင်စီကလေကြောင်းဖြင့်ဗုံးကြဲတိုက်ခိုက်ခဲ့လို့ စစ်ဘေးရှောင် ပြည်သူ ၉ ဦး သေဆုံးခဲ့ပြီးအများအပြား ထိခိုက်ဒဏ်ရာရရှိခဲ့တယ်လို့ သိရပါတယ္။

 

အဆိုပါ ကုက္ကိုလ်ရွာ စစ်ဘေးရှောင်စခန်းကို မြေပြင်တိုက်ပွဲဖြစ်ပွားခြင်းမရှိဘဲ ယမန်နေ့ ညနေ ၅ နာရီခွဲဝန်းကျင်တွင် စစ်ကောင်စီက လေကြောင်းဖြင့် ဗုံးကြဲတိုက်ခိုက်ခဲ့တာဖြစ်ပြီးသေဆုံးသူ(၉)ဦးထဲမှာ ကလေးငယ်(၄)ဦးပါဝင်ကြောင်းသိရပါတယ္။

 

စစ်ကောင်စီရဲ့ဗုံးကြဲတိုက်ခိုက်မှုကြောင့် စစ်ရှောင်တဲ တွေက မီး လောင်ပျက်စီးခဲ့ရပြီး ဒေသခံပြည်သူတွေ တောတောင် တွေထဲတိမ်း ရှောင်‌ေနရသလို ထိခိုက်ဒဏ်ရာရသူတွေထဲက တချို့ကဒဏ်ရာအခြေအနေစိုးရိမ်ရသူတွေလည်း ရှိတာကြောင့် ထိခိုက်သေဆုံးမှုအခြေအနေမှာ ပိုတိုးလာနိုင်တယ်လို့ သိရပါတယ္။

#RadioNUGLocalNews

#SpringRevolution