06 Sep 2025 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၅ စက်တင်ဘာလ ( ၆ ) ရက်နေ့နောက်ဆုံးရပြည်တွင်းသတင်းများ

📌📌 ၁။ မလေးရှားမှာ အထောက်ထားမဲ့ မြန်မာနိုင်ငံသား ၂၃၅ ဦးအပါအဝင် နိုင်ငံခြားသား ၇၇၀ ဦးဖမ်းဆီးခံရ။

 

မလေးရှားနိုင်ငံ၊ ကွာလာလမ်ပူမြို့ ဘူကစ်ဘင်တန်းအရပ်ကို မလေးရှားရဲတပ်ဖွဲ့ကစက်တင်ဘာလ ၂ ရက်နေ့ညက  အော်ပရာစီဝင်ရောက်ဖမ်းဆီးခဲ့ပြီး အထောက်ထားမပြည့်စုံတဲ့ မြန်မာ ၂၃၅ ဦး အပါအဝင် နိုင်ငံခြားသား စုစုပေါင်း ၇၇၀ ဦး ဖမ်းဆီးခံခဲ့ရတယ်လို့ သိရပါတယ်။ ပြီးခဲ့တဲ့ညနေ ၇ နာရီကျော်ကနေ စတင်ပြီး နိုင်ငံခြားသား ၁၆၀၀ ဦးနဲ့ နိုင်ငံသား ၈၄၆ ဦး စုစုပေါင်း ၂၄၄၅ ဦးကို စစ်ဆေးခဲ့ပြီး အဲဒီမှာ ဘင်္ဂလားဒေ့ရှ် နိုင်ငံခြားသား အမျိုးသား ၃၉၄ ဦးနဲ့ အမျိုးသမီး ၂ ဦး၊ မြန်မာနိုင်ငံသား ၂၃၅ ဦး၊ နီပေါနိုင်ငံသား ၇၂ ဦး၊ အိန္ဒိယနိုင်ငံသား ၅၈ ဦး၊ အင်ဒိုနီးရှားနိုင်ငံသား ၁၉ ဦး နဲ့ တခြားနိုင်ငံခြားသားတွေကို ဖမ်းဆီးခဲ့တယ်လို့ သိရပါတယ်။Barsi ဧရိယာအတွင်း အထောက်ထားမဲ့ နိုင်ငံခြားသား များစွာနေထိုင်မှုများနှင့် ပက်သက်ပြီး တိုင်ကြားမှုများစွာ လက်ခံရရှိပြီးနောက် အခုလို စစ်ဆေးဖမ်းဆီးတာတွေကို လုပ်ဆောင်ခဲ့တာလို့လည်း သိရပါတယ်။ အဖမ်းခံရတဲ့ အထောက်ထားမဲ့နိုင်ငံခြားသားတွေကို Putrajaya ရှိ လဝကဌာနချုပ်ကို ပို့ဆောင်ပြီးစစ်ဆေးမှုတွေ ဆက်လက်ပြုလုပ်သွားမယ်ဖြစ်ပါတယ်။ 

 

========================

 

📌📌 ၂။ အောက်တိုဘာ ၄ ရက်နေ့မှာ ပွဲပြန်လည်ထိုးသတ်မယ့် အောင်လအန်ဆန်း။

 

မြန်မာဖိုက်တာကြီး အောင်လအန်ဆန်းကတော့ လာမယ့် ၂၀၂၅ ခုနှစ်၊ ထိုင်းစံ တော်ချိန် အောက်တိုဘာ ၃ ရက်ညပိုင်း၊ မြန် မာစံတော်ချိန် အောက်တိုဘာ ၄ ရက်နေ့မနက်ပိုင်းမှာ ပွဲပြန်လည်ထိုး သတ်တော့မှာဖြစ်ပါတယ်။ အောင်လအန်ဆန်းကဟာ One Fight Night 36 ပြိုင်ပွဲမှာ အသက် ၃၄ နှစ်အ ရွယ် ဆွီဒင်နိုင်ငံ သား Zebaztian Kadestam နဲ့ ထိုးသတ်သွားကြမှာဖြစ်ပြီး အဆိုပါပွဲကို  ထိုင်းနိုင်ငံ၊ ဘန် ကောက်မြို့ရှိ Lumpinee ကွင်းကြီးထဲမှာကျင်း ပသွားမှာဖြစ်ပါ တယ်။  အောင်လအန်ဆန်း ကတော့ လက်ရှိမှာ အသက် ၄၀ ရှိပြီဖြစ်ကာ One Championship ရဲ့ Middle Weight နဲ့ Light Heavy Weight ချန်ပီယံဟောင်း ဖြစ်ပါတယ်။

 

========================

 

📌📌 ၃။ မင်းတပ် - မတူပီ မိုင်တိုင်အမှတ် ၇၀ မှာ မိခင်တဦး ဓားပြတိုက်၊ ဓား၊ထိုးခံရလို့ သေ၊ဆုံး၊ ကျူးလွန်သူကို ဖမ်းမိ။

 

မင်းတပ် - မတူပီ မော်တော်ကားလမ်း မိုင်တိုင် ၇၀မှာ စက်တင်ဘာ ၄ရက် မနက် ၁၀ နာရီကျော်က အသက် ၃၁ နှစ်အရွယ် အမျိုးသမီးတဦး ဓားပြတိုက်၊ ဓားထိုးခံရတာ သေဆုံးသွားပါတယ်။ဆိုင်ကယ်ကယ်ရီသမားတဦးက ငွေလုယက်ရာကနေ ဓားထိုးသတ်တာလို့ အသက်ဆုံးရှုံးသူ အမျိုးသမီးရဲ့ မောင်တော်စပ်သူထံက သိရှိရပါတယ်။ဖမ်းမိထားတဲ့ ပစ္စည်းလုယက်၊ လူ၊သ၊တ်မှု ကျူးလွန်သူကို မေးမြန်းချိန် မကွေးတိုင်း၊ ဆောမြို့နယ်ဘက်က အသက် ၂၀ အရွယ်အမျိုးသားတဦးဆိုပြီး သူ့ကိုယ်သူ ထွက်ဆိုတယ်လို့ ပြောပါတယ်။

#RadioNUGLocalNews

#SpringRevolution