1st JUL 2022 - Morning Daily News by Radio NUG

📌 (ချင်း တိုင်းရင်းသား - Kaang ကာဏ်း ဘာသာစကား) ထုတ်လွှင့်မှု အစီအစဥ် ၂၀၂၂ ဇူလိုင်လ ( ၁ ) ရက်နေ့နောက်ဆုံးရပြည်တွင်းသတင်းများ

📌📌 ၁။ CDF-Mindat နှင့် စကစ ကြားတိုက်ပွဲပြင်းထန်စွာဖြစ်ပွား၊ စကစ ဘက်မှ (၄)ကောင် သေဆုံးပြီး CDF-Mindatဘက်မှလဲ တစ်ဦး ကျဆုံး

၂၀၂၂ ခုနှစ်၊ ဇူလိုင်လ ( ၂၉ ) ရက်နေ့ ညနေ၂နာရီအချိန် တွင် CDF-Mindat နှင့်စကစ တို့ထိတွေ့တိုက်ပွဲဖြစ်ပွားခဲ့ရာ တိုက်ပွဲအတွင်း စကစဘက်မှ တစ်ဦးသေဆုံးခဲ့ပြီး ဒဏ်ရာရသူများလည်းရှိကြောင်းသိရသည်။ ညနေ ၃ နာရီအချိန် တိုက်ပွဲပြန်လည်ဖြစ်ပွားခဲ့ရာမှ စကစ ဘက်မှ ၃ဦးသေဆုံးပြီး ဒဏ်ရာရသူများရှိကြောင်းသိရပါသည်။

CDF-Mindat ဘက်မှ ရဲဘော်တစ်ဦး လက်နက်ကြီး ထိမှန်ကာ ပြန်ဆုတ်ခွာလာသည့်လမ်း၌ တိုင်းပြည်နှင့်လူမျိုး အတွက်အသက်ပေးသွားခဲ့ပြီး ရဲဘော်တစ်ဦးမှာလဲ ဒဏ်ရာ(မစိုးရိမ်ရ) ရရှိကြောင်း ဗျူဟာမှူးမှ သတင်း ပေးပို့လာပါသည်။ ထီးလင်းမြို့နယ် အောင်းရွာ ကထွက်လာတဲ့ စကစများမှာမင်းတပ်မြို့နယ် ပလုံတွီရွာတွင် ညနေ ၆ နာရီခန့်က ဝင်ရောက်တပ်စွဲသွားကြပါသည်။ ဆက်လက်ပြီး မင်းတပ်မြို့နယ်တွင် တိုက်ပွဲပြင်းထံလာနိုင်သည့်အခြေနေရှိသည့်အတွက် လိုအပ်သည့်အကူညီများကို ဝိုင်းဝန်း ကူညီပံ့ပိုး ပေးကြပါရန်  CDF Mindat သတင်းနှင့်ပြန်ကြားရေးဌာနမှ အကူညီတောင်းခံပါသည်။

📌📌 ၂။  ၁၁ ကြိမ်မြောက် အမေရိက ကာဏ်းစုံညီပွဲတော်ကျင်းပမည်

ကာဏ်းလူမျိုးများသည် ကိုယ်ပိုင်ဘာသာစကား ယဥ်ကျေးမှု၊ ဓလေ့ထုံးတမ်း၊ ဒေသတစ်ခုကို ခိုင်ခိုင်မာမာပိုင်ဆိုင်သော လူမျိုးတမျိုးဖြစ်ပါသည်။ ရှေးယခင်တုန်းက ဘိုးဘွားများသည် ဇူလိုင်လ ပထမ ပတ်တွင် ဆိတ်၊ ကြက်၊ ဝက် စသည့်တိရိစ္ဆာန်များ၏ အသွေးများကို ဖြန်းပက်ကာ ( Fan Pu hri ) ထံ  ( Nawm Pawh ) စိုက်ပျိုးသီးနှံများကောင်းမွန်ရေးအတွက် ကောင်းကြီးမင်္ဂလာတောင်းခံခြင်းဓလေ့ နှစ်စဥ်ပြုလုပ်ခဲ့ကြပါသည်။

အမေရိကန်နိုင်ငံအတွင်း မှီတင်းနေထိုင်ကြသော ကာဏ်းလူမျိုးများသည် ၄င်းကို အစွဲပြု၍ ( ၁၁ ) ကြိမ်မြောက် ကာဏ်းစုံညီပွဲတော်ကို ၂၀၂၂ ခုနှစ်၊ ဇူလိုင်လ ( ၁ မှ ၃ ) ရက်နေ့အထိ အမေရိကန် မယ်ရီလဲန်းပြည်နယ် ပါတီမိုလ်တွင် ပြုလုပ်ကျင်းပသွားမည်ဖြစ်ပါသည်။ 

၁။ Kaang Culture Dance Competition 

၂။ Kaang Miss Beauty Competition 

၃။ Kaang Mr.Handsome Competition 

စသည့် ရိုးရာအကများနှင့် အလှမယ်ပြိုင်ပွဲများလည်း ပြုလုပ်သွားမည်ဖြစ်ကြောင်း သတင်းရရှိပါသည်။

📌📌 ၃။ ICNCC က ကြားကာလ ပြည်သူ့အုပ်ချုပ်ရေးအဖွဲ့အစည်းများအား အသိအမှတ်ပြုကြောင်းကြေညာ

၂၀၂၂ ခုနှစ် မေလ (၂၄) ရက်နေ့ ကျင်းပပြုလုပ်သည့် ကြားကာလ ချင်းအမျိုးသားအတိုင်ပင်ခံကောင်စီ ပုံမှန် အစည်းအဝေး (၅/၂၀၂၂) တွင် အစုအဖွဲ့အားလုံးက မူအရ သဘောတူညီခဲ့ပြီး ၂၀၂၂ ခုနှစ် ဇွန်လ (၁၅) ရက်နေ့ ကျင်းပပြုလုပ်သည့်ကောင်စီပုံမှန်အစည်းအဝေး (၆/၂၀၂၂) တွင် ထပ်

မံဆုံးဖြတ် သဘောတူညီသဖြင့် ဖက်ဒရယ်ဒီမိုကရေစီပဋိညာဥ် အစိတ်အပိုင်း (၂)၊ အခန်း (၈)၊ ပုဒ်မ (၅၂) ပါ လုပ်ပိုင်ခွင့်ကိုကျင့်သုံး၍ ဤကြေညာချက်ကိုထုတ်ပြန်ခဲ့ပါသည်။ ၄င်းထုတ်ပြန်ချက်တွင် ချင်းပြည်နယ်အတွင်း ကြားကာလ ပြည်သူ့အုပ်ချုပ်ရေးဆိုင်ရာလုပ်ငန်းများဆောင်ရွက်ရန် ဖွဲ့စည်းထားပြီးဖြစ်သော မြို့နယ်/ဒေသဆိုင်ရာ ပြည်သူ့ အုပ်ချုပ်ရေးအဖွဲ့အစည်းများအား အသိအမှတ်ပြုကြောင်း ထုတ်ပြန်ကြေညာခဲ့ပါရှိသည်။

📌📌 ၄။ Non-CDM များ၏ ကုန်ပစ္စည်းများသယ်ဆောင်မှု CDF-Matupi ထိန်းချုပ်နယ်မြေအတွင်း ဖြတ်သန်းသွားလာခွင့်ပိတ်ပင် 

စစ်ကောင်စီ ယန္တယားလည်ပတ်စေရေးအတွက် Non-CDM များ၏ပစ္စည်းများသယ်ဆောင်လာသည့် ကိုင်ဆီးတောင်တန်းဂိတ်အား CDF-Matupi ထိန်းချုပ်နယ်မြေအတွင်း ဖြတ်သန်းသွားလာခွင့် ပိတ်ပင်လိုက်ကြောင်း CDF-Matupi မှ ၂၀၂၂ခုနှစ် ဇွန်လ ၂၈ ရက်နေ့တွင်သတင်းထုတ်ပြန်သည်။ကိုင်ဆီးတောင်တန်း ဂိတ်သည်  မတူပီ-ပခုက္ကူ  သို့ပြေးဆွဲနေသည့်မော်တော်ယာဉ်လိုင်းတစ်ခုဖြစ်ပြီး စစ်ကောင်စီ ယန္တယားဆက်လက်လည်ပတ်စေရေးအတွက် Non-CDM များ၏ပစ္စည်းများကို ရိုစာကားဖြင့်တင်ဆောင်လာသောကြောင့် ( ၁၆.၃.၂၀၂၂) ရက်နေ့တွင် CDF-Maupi မှမော်တော်ယာဉ်အပါအဝင် ပစ္စည်းများထိန်းသိမ်းခဲ့ကြောင်းသိရသည်။

အဆိုပါကိစ္စနှင့်ပတ်သက်၍ ဂိတ်တာဝန်ခံများဖြစ်ကြသည့် ဦးမောင်စိုး(ပခုက္ကူ)နှင့် ဦးအန်ဆာ (မတူပီ) တို့အား (၁၅.၆.၂၀၂၂) တွင်နောက်ဆုံးထား တာဝန်ယူဖြေရှင်းပေးရန် အကြောင်းကြားခဲ့သော်လည်း ဉပက္ခာပြုကာ ပြန်လည်ဖြေရှင်းခြင်းမရှိသောကြောင့် ကိုင်ဆီးဂိတ်မော်တော်ယာဉ်များနှင့် ကုန်ပစ္စည်းများအား CDF-Matupi ထိန်းချုပ်နယ်မြေအတွင်း ဖြတ်သန်းသွားလာ ခွင့်ပြုတော့မည်မဟုတ်ကြောင်း သတင်းထုတ်ပြန်သည်။

📌📌 ၅။  အမြင်မတူသူများကို လုပ်ကြံမည်ဆိုသည့် သတင်းမှား  စစ်ကောင်စီက ရည်ရွယ်ချက်ရှိရှိ ဖြန့်ဝေနေဟု NUG ထုတ်ပြန်

အမြင်မတူသူများကို လုပ်ကြံမည် ဆိုသည့် သတင်းမှားတစ်ခုကို စစ်ကောင်စီနှင့်အဖွဲ့များက ရည်ရွယ်ချက်ရှိရှိ ဖြန့်ဝေနေသည်ဟု အမျိုးသားညီညွတ်ရေးအစိုးရ ( NUG ) က ထုတ်ပြန်သည်။ NUG နှင့် အမြင်မတူသူများကို လုပ်ကြံမည့် အစီအစဥ်များနှင့် လုပ်ကြံမည့်လူစာရင်းများကို ရေးသားထားသည့်အကြောင်းအရာများ ယခုရက်ပိုင်းအတွင်း လူမှုကွန်ရက်စာမျက်နှာ၌ ပျံ့နှံ့နေသည့် အပေါ်  NUG က တုံ့ပြန်ခဲ့ခြင်းဖြစ်သည်။

ဖက်ဒရယ်ဒီမိုကရေစီ ပြည်ထောင်စုပေါ်ထွက်ရန် အမျိုးသား ညီညွတ်ရေးအတိုင်ပင်ခံ ကောင်စီ (NUCC)၊ ပြည်ထောင်စု လွှတ်တော်ကိုယ်စား​ပြု ကော်မတီ(CRPH)၊ အမျိုးသားညီညွတ်ရေးအစိုးရ(NUG) နှင့် တိုင်းရင်းသားညီနောင်မဟာမိတ်တို့၏ နွေဦးတော်လှန်ရေးအပေါ် အကြမ်းဖက်စစ်ကောင်စီနှင့် ၎င်းတို့၏ လက်ပါးစေ အစုအဖွဲ့များက တော်လှန်ရေးကို ပုံဖျက်သည့် သတင်းတု၊ သတင်းယောင်၊ သတင်းမှားများကို ရည်ရွယ်ချက်ရှိရှိ ထုတ်လုပ်ဖြန့်ချီ​နေသည်ဟု NUG ကဆိုသည်။

သတင်းတု၊ သတင်းယောင်၊ သတင်းမှားများအနက် အမြင်သဘောထားမတူသူတချို့အား အသက်အန္တရာယ်ရန်ရှာရန် စာရင်းပြုစုထားကြောင်းကို အစည်းအဝေးဆုံးဖြတ်ချက်နှင့်တကွ လုပ်ငန်းစဉ်များပါ ချမှတ်ထားသယောင် လုပ်ကြံဖန်တီး၍ ဖြန့်ချီနေသည်ဟု NUG က ဆိုသည်။ အဆိုပါသတင်းမျိုးသည် လွန်ခဲ့သည့်ရှစ်လကျော်ကလည်း ထွက်ပေါ်ခဲ့ဖူးပြီး နိုင်ငံတကာအသိုင်းအဝိုင်းသို့ ပေးပို့ခဲ့ခြင်းကြောင့် NUG မှ တာဝန်ရှိသူများကိုယ်တိုင် ဖြေရှင်းခဲ့ရသည့်ဖြစ်စဥ်များရှိခဲ့သည်။

#RadioNUGLocalNews

#SpringRevolution