29th OCT 2022 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ အောက်တိုဘာလ ( ၂၉ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ CDF Siyin က က လေးမြို့နှင့် သိုင်းငင်းကြားတွင် စစ် ကောင်စီ တပ်ဖွဲ့ဝင်များကို မိုင်းဆွဲတိုက်ခိုက်၊ စစ်ကောင်စီ အများအပြား ထိခိုက် သေဆုံး

အောက်တိုဘာ ၁၃ တွင် CDF CDM Siyin ရဲဘော်များက ကလေးမြို့နဲ့ သိုင်းငင်းကြားရှိ စစ်ကောင်စီကင်းစခန်းမှ ခရီးသည် ကားများကို ငွေကောက်ခံရန် ထွက်လာသော စစ်ကောင်စီတပ်သားများကို နံနက် ၈ နာရီဝန်းကျင်တွင် ဆယ်ပေခန့် အကွာ လောက်မှ မိုင်းဆွဲ တိုက်ခိုက်ခဲ့ တယ်လို့ သိရပါတယ်။

 

ရှေ့ဆုံးကသုံးဦး အစိတ်စိတ်အမွှာမွှာ ဖြစ်သွားပြီး နောက်မှ ဆင်းလာသောအဖွဲ့ နှင့် CDF CDM Siyin ရဲဘော်များ ဆယ်မိနစ်ခန့် အပြန်အလှန် ပစ်ခတ်ကြပြီးနောက် CDF CDM Siyin ရဲဘော်များ ဘေးကင်းစွာ ဆုတ်နိုင်ခဲ့သည်။

 

သိုင်းငင်းကင်းစခန်းကို ကားသုံးစီးဖြင့် စစ်ကူလာသည့်စစ်ကောင်စီတပ်များကို CDF CDM Siyin ရဲဘော်များက ၁၄ရက်နေ့ နံနက် ၄:၄၈ မိနစ်တွင် ဟိန်ဇင်ရွာ နဲ့ ကော်ဖီခြံကြားရှိ မြေနီကုန်း (Leisan mual)တွင် ၈ မိနစ်ခန့် ပိတ်ဆို့တိုက်ခိုက်ခဲ့သည်။ ကားတစ်စီးတွင် အယောက်၂၀ ကျော်စီပါကြောင်းလည်းသိရပြီး စစ်ကောင်စီတပ်သားများ သိုင်းငင်းရောက်ချိန်တွင် အယောက် ၃၀ ကျော်သာ ကျန်တော့ကြောင်း သိရသည်။ 

 

📌📌 ၂။ ကချင်လွတ်မြောက်ရေးအဖွဲ့ (ကေအိုင်အို) ၏ ၆၂ နှစ် မြောက် အထိမ်းအမှတ်နေ့ အကြို တေးဂီတပွဲပြုလုပ်နေစဉ် စစ် ကောင်စီက လေ ကြောင်းဖြင့် ဗုံးကြဲတိုက်ခိုက်၊ ကချင်အနုပညာရှင်များအပါအဝင် ၈၀ ကျော် ထိခိုက် သေဆုံး 

 

အောက်တိုဘာ ၂၃ ရက်နေ့က ကချင်လွတ်လပ်ရေး တပ်မတော် KIA တပ်မဟာ ၉ နယ်မြေ ဖားကန့်တွင် ၆၂ နှစ် မြောက် KIO အထိမ်းအမှတ်နေ့ အကြို တေးဂီပွဲကျင်းပနေစဉ် စစ်ကောင်စီက လေကြောင်းတိုက်ခိုက်ခဲ့လို့ ကချင်အနုပညာရှင် တွေ အပါအဝင် ပြည်သူ ၈၀ ကျော် ထိခိုက်သေဆုံးခဲ့ရ ကြောင်း ကချင်ဒေသတွင်း သတင်းရင်းမြစ်တွေက ရေးသားဖော်ပြ ပါတယ်။

 

အောက်တိုဘာလ ၂၅ ရက်နေ့ ကျရောက်မယ့် ၆၂ နှစ်ပြည့် KIO နေ့အထိမ်းအမှတ်အဖြစ် အောက်တိုဘာလ ၂၃ ရက်ည ၈ နာရီခွဲဝန်းကျင်မှာ KIA တပ်မဟာ ၉ အနန့်ပါ (A Nang Pa) တွင် တေးဂီတဖြင့် ပွဲပြုလုပ်နေစဉ် စစ်ကောင်စီတပ်မှ ဂျက်လေယာဉ် ၃ စီးနဲ့ လာရောက်တိုက်ခိုက်ခဲ့ ကြောင်း ဖားကန့် ဒေသခံတစ်ဦးကို ကိုးကားပြီး Kachin News Group သတင်းဌာနက ဖော်ပြပါတယ်။

 

တိုက်ခိုက်မှုကြောင့် ထိခိုက်သေဆုံးသွားတဲ့ ပြည်သူ ၈၀ ထက်မနည်းရှိတယ်လို့ဆိုပါတယ်။ ကချင်အနုပညာရှင်အသင်းမှ ကချင်တေးသံရှင်ကြီး အော်ရာလီ (Aurali) သီချင်းသီဆိုနေသည့်အချိန်တွင် ဗုံးကျဲတိုက်ခိုက်ခံရသည့်အတွက် ပွဲချင်းပြီး သေဆုံးခဲ့ပြီးကချင်အနုပညာရှင်အသင်း ဥက္ကဋ္ဌ(ဟောင်း) ရုပ်ရှင်နှင့် ဗီဒီယိုသရုပ်ဆောင် ဇော်ဒိန် (Lahtaw Zau Ding) လည်း ထိခိုက်ဒဏ်ရာရရှိထားတယ်လို့ ဆိုပါတယ်။

 

စစ်ကောင်စီရဲ့ ဗုံးကြဲတိုက်ခိုက်ခံရမှုကြောင့် ထိခိုက်သေဆုံးသူစာရင်းမှာတော့ KIA အရာရှိအချို့ပါဝင်တယ်လို့ဆိုပေမယ့် လုံခြုံရေးအရ မပြောနိုင်သေးကြောင်းလည်း ရေးသားပါတယ်။ အဲဒီတိုက်ခိုက်မှုဟာ ၂၀၁၁ခုနှစ်ကနေ စတင်တဲ့ မြန်မာစစ်တပ်နဲ့ KIA အကြား ပြန်လည်ဖြစ်ပွားခဲ့တဲ့ တိုက်ခိုက်မှုနောက်ပိုင်း အဆိုးဆုံးတိုက်ခိုက်မှု တခုဖြစ်တယ်လို့ ကချင်ဒေသတွင်း သတင်းဌာနတွေက ဆိုပါတယ်။ 

 

📌📌 ၃။ PDF နှင့် BPLA တို့ စစ်ရေးအရ ပူးပေါင်းဆောင်ရွက်ရန် သဘောတူညီဟု NUG ကာကွယ်ရေးဝန်ကြီး ဌာနပြော

အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာန ပြည်သူ့ကာကွယ်ရေးတပ် (PDF) နှင့် ဗမာပြည်သူ့လွတ်မြောက်ရေးတပ်တော် (BPLA) တို့အကြား သက်ဆိုင်ရာဒေသများတွင် စစ်ရေးအရ ပူးပေါင်းဆောင်ရွက်သွားကြရန် သဘောတူညီခဲ့ကြောင်း NUG ကာကွယ်ရေးဝန်ကြီးဌာနက ထုတ်ပြန် သည်။

ထို့ပြင် နိုင်ငံရေးအရ အပြန်အလှန်လေးစားမှု၊ အသိအမှတ်ပြုမှုတို့ဖြင့် လက်တွဲဆောင်ရွက်သွားကြရန် သဘော တူညီခဲ့ကြကြောင်း ဖော်ပြထားသည်။

 

အောက်တိုဘာ၂၆ရက် ကာကွယ်ရေးဝန်ကြီးဌာန၊ ပြည်ထောင်စုဝန်ကြီး ဦးရည်မွန်၊ အတွင်းဝန် ဦးနိုင်ထူးအောင် တို့နှင့် ဗမာပြည်သူ့လွတ်မြောက်ရေးတပ်တော် (BPLA) မှ တာဝန်ရှိသူများဖြစ်သည့် ကွပ်ကဲရေးမှူး မောင်ဆောင်းခ၊ စခန်းမှူး ရိုးအံ့မင်းတို့ ဆွေးနွေးခဲ့အပြီး ယခုကဲ့သို့ သဘောတူခဲ့သည်ဟု ဆိုသည်။

 

ဗမာ ပြည်သူ့လွတ်မြောက်ရေးတပ်တော် (BPLA) သည် ကရင်အမျိုးသားအစည်းအရုံး (KNU) တပ်မဟာ (၅) နယ်မြေအတွင်း KNLA နှင့် ပူးပေါင်းကာ စစ်ရေးလှုပ်ရှားတိုက်ပွဲဝင်နေသည့် လက်နက်ကိုင် တော်လှန်ရေး အင်အားစုဖြစ်သည်။

 

📌📌 ၄။ တတိယအကြိမ်မြောက် YMA အထွေထွေညှိနှိုင်း အစည်းအဝေးတွင် မြန်မာစစ်ဘေးရှောင်များအရေး ထည့်သွင်း ဆွေးနွေး

အောက်နိုဘာ ၂၇ ရက် နံနက် ၁၀း၃၀ နာရီမှာ စတင်ကျင်းပတဲ့ တတိယအကြိမ်မြောက် Young Mizo Association (YMA) မီဇိုးလူငယ်အစည်းရုံး အထွေထွေညှိနှိုင်း အစည်းအဝေးမှာ မီဇိုရမ်ပြည်နယ်တွင်းရောက်ရှိနေတဲ့ မြန်မာစစ်ဘေးရှောင်များ အရေး ထည့်သွင်းဆွေးနွေးကြောင်း The Mizos သတင်းဌာနက ရေးသားပါတယ်။

 

မီဇိုရမ်ပြည်နယ်တွင်းမှာ ရောက်ရှိနေတဲ့ မြန်မာစစ်ဘေးရှောင်များအရေးကို အစည်းအဝေးအာဂျင်ဒါတစ်ခုအနေနဲ့ ထည့်သွင်း ဆွေးနွေးခဲ့ကြတယ်လို့ ဆိုပါတယ်။ ဆွေးနွေးချက်တွေထဲမှာ လတ်တလောကာလအတွင်း မီဇိုရမ် ပြည်နယ်အနှံ့အပြားမှာ ဝင်ရောက်ရွှေ့ပြောင်း နေထိုင်ကြနေကြတဲ့ မြန်မာစစ်ဘေးရှောင် အရေးကိစ္စဟာ အခက်အခဲနဲ့ စိန်ခေါ်မှုတွေရှိနေပြီး အနာဂတ်မှာ ပြဿနာ တွေဖြစ်လာနိုင်ကြောင်း၊ ဖြစ်ပွားလာနိုင်တဲ့ ပြဿနာတွေကို ဖြေရှင်းဖို့ရာ အစိုးရအနေနဲ့ လက်ရှိထက် ပိုမိုကောင်းမွန်တဲ့ ဒုက္ခသည်စခန်း တည်ဆောက်ပေး‌ရေး၊ ဒုက္ခသည်အားလုံး ဒုက္ခသည်စခန်းတွေမှာ စနစ်တကျ ဝင်ရောက်နိုင်‌ရေး စတဲ့အချက်တွေကို မီဇိုးလူငယ်အစည်းရုံး (YMA) ကနေတဆင့် တိုက်တွန်းဆောင်ရွက်သွားဖို့ စတဲ့အချက်တွေ ပါဝင်တယ်လို့ သိရပါတယ်။ 

 

(YMA) ကို ၁၉၃၅ ခုနှစ်မှာ စတင်တည်ထောင်ခဲ့ပြီး အိန္ဒိယနိုင်ငံ မီဇိုရမ်ပြည်နယ်တွင်းမှာ ဩဇာအကြီးမားဆုံး လူမှုအဖွဲ့အစည်း ဖြစ်ပြီး အသက် ၁၄ နှစ်ပြည့်ပြီးသူ မီဇိုးလူငယ်အားလုံးဟာ YMAအဖွဲ့ဝင်ဖြစ်တယ်လို့ သိရပါတယ်။

#RadioNUGLocalNews

#SpringRevolution