29th APR 2024 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဧပြီလ ( ၂၉) ရက်နေ့ ရပြည်တွင်းသတင်းများ

📌📌 ၁။ ရေဇွာမြို့တွင် စကစ၏လက်နက်အကြွင်းအကျန်ပေါက်ကွဲမှုကြောင့် ကလေးတစ်ဦး ပွဲချင်းပြီးသေဆုံး

The Matupi Times ဧပြီ ၂၅၊ ၂၀၂၄

ချင်းပြည်နယ် ၊ မတူပီခရိုင် ၊ ရေဇွာမြို့၊ လောင်ရဲ ရပ်ကွက်တွင် ဧပြီလ ၂၅ ရက်နေ့ညနေ (၆) နာရီဝန်းကျင်တွင် စကစ၏လက်နက်အကြွင်းအကျန်ပေါက်ကွဲမှုကြောင့် ကလေးတစ်ဦး ပွဲချင်းပြီး သေဆုံးခဲ့ကြောင်း သိရပါတယ်။

သေဆုံးသူသည် ဦးသန်းနိုင် (ကျောင်းဆရာ CDM)နှင့်ဒေါ်ဗန်ရွှေတို့၏သား မောင်ဘွေလျန်နိုင်(၆တန်း‌ကျောင်းသား)ဆို သူဖြစ်တယ်လို့ CDF-ZOTUNG ပြန်ကြားရေးတာဝန်ခံ ထံကသိရပါတယ္။

အဆိုပါပေါက်ကွဲတဲ့နေရာဟာ ဒေသခံကာကွယ်ရေးတပ်ဖွဲ့တွေကသိမ်းပိုက်ထားတဲ့ ရေဇွာမြို့စကစ စခန်းအောက် ဘက်တွင်ဖြစ်ပြီး ယခင်က စကစတပ်ဖွဲ့ဝင်များမှမြုပ်မိုင်းအများအပြားထောင်ထားခဲ့ တဲ့နေရာလည်းဖြစ်တယ်လို့ သိရပါတယ်။

ရေဇွာမြို့ကိုသိ်မ်းပိုက်ပြီိးနောက် CDF-ZOTUNG တပ်ဖွဲ့ဘက်မှ တတ်နိုင်သလောက် နယ်မြေရှင်းလင်း၊ မှိုင်းများရှင်းလင်းခဲ့ပေမယ့် ရှာမတွေ့သေးတဲ့ မိုင်းအကြွင်းအကျန်တချို့ကျန်ရှိနေသေးတာကြောင့် ရေဇွာမြို့အချို့နေရာများတွင် CDF-ZOTUNG က အသွားအလာကန့်သတ်ထားတဲ့နေရာတွေနဲ့ စခန်းဝန်းကျင်သို့ သွားလာခြင်းမပြုကြပါရန်အတွက် အသိပေးထားပါတယ်။

ဒေသခံပြည်သူများအနေဖြင့်ရေဇွာမြို့နဲ့အနီးနေရာများတွင် မင်္ကာဖွယ်ပစ္စည်းများတွေ့ရှိပါက မထိ၊မကိုင်ပဲ တာဝန်ရှိသူများထံသို့အကြောင်းကြားပေးကြဖို့အတွက်လည်း CDF-ZOTUNG ပြန်ကြားရေးတာဝန်ခံက ထပ်မံတောင်းဆိုထားပါတယ်။

========================

📌📌 ၂။ ဟားခါးတွင် VIP ယာဉ်တန်းတိုက်ခိုက်ခံရမှု‌ေကြာင့် လူကြီးတချို့ဒဏ်ရာရရှိတာကြောင့် မြို့သစ်ရပ်ကွက်ရှိ ဘုရားကျောင်းများတွင် လူ ၅ ဦးထက်မစုရန် စစ်‌ကောင်စီအမိန့်ထုတ်ပြန်

The Matupi Times ဧပြီ ၂၂၊ ၂၀၂၄

ချင်းပြည်နယ်၊ ဟားခါးမြို့၊ မြို့သစ်ရပ်ကွက်တွင် စစ်ကောင်စီ၏ VIP ယာဉ်တန်းသည် ပြီးခဲ့တဲ့ဧပြီလ ၁၂ ရက်နေ့နံနက်ပိုင်းတွင် တိုက်ခိုက်ခံခဲ့ရပြီးလူကြီးတချို့ထိခိုက်ဒဏ်ရာရရှိခဲ့တယ်လို့ စစ်ကောင်စီက ထုတ်ပြန်ပါတယ်။

အဆိုပါတိုက်ခိုက်မှုဖြစ်စဉ်ကြောင့် ဟားခါးမြို့၊ မြို့သစ်ရပ်ကွက်အတွင်းက မည်သည့်ဈေးဆိုင်မဆို ဖွင့်လှစ်ခြင်းမပြုရန် နှင့် ဘုရားကျောင်းတွင် လူ ၅ ဦးထက်ပို၍ စုဝေးခြင်းများမပြုလုပ်ကြဖို့ စစ်ကောင်စီက ဧပြီလ ၂၂၊ ၂၀၂၄ ရက်နေ့မှာအမိန့်ထုတ်ပြန်လိုက်တယ်လို့ သိရပါတယ်။

"သူတို့ဒီနေ့ မနက်ပိုင်းမှာ သူတို့ထုတ်တဲ့အမိန့်စာကို မိုက်နဲ့ တစ်လမ်းလုံးကြေငြာသွားတ‌ယ်။ မြို့သစ်ရပ်ကွက်ထဲက ဆိုင်တွေတော့အကုန်ပိတ်ကြပြီ။ "လို့ ဒေသခံတစ်ဦးက Matupi Times ကိုပြောပါတယ်။

စစ်ကောင်စီရဲ့ မော်တော်ယာဉ်တန်းကို ပြီးခဲ့တဲ့ ဧပြီလ ၁၂ ရက်နေ့နံနက်ပိုင်း ၉း၃၀ အချိန်ခန့်တွင် ဝင်ရောက်တိုက်ခိုက်ခဲ့တယ်လို့ချင်းလဲန်းကာကွယ်ရေးတပ်-ဟားခါး(CDF-Hakha)က သတင်းထုတ်ပြန်ထားပြီး ၊ တိုက်ခိုက်မှုကြောင့် ယာဉ်ပေါ်လိုက်ပါလာတဲ့ လူမှုရေးဝန်ကြီးအပြင်းအထန်ဒဏ်ရာရရှိကာ အခြားဝန်ကြီးအချို့ထိခိုက်ဒဏ်ရာရရှိခဲ့ကြတယ်လို့ ဆိုပါတယ်။

ထုတ်ပြန်ထားသည့် အမိန့်သည် လာမည့် ဇွန်လ ၂၀ ၊ ၂၀၂၄ ရက်နေ့ထိ နောက်ထပ်အမိန့်တစုံတရာ မထုတ်ပြန်မချင်း အတည်ဖြစ်ပြီး ၊ လိုက်နာခြင်းမရှိပါက တည်ဆဲဥပဒေများနဲ့ အရေးယူဆောင်ရွက်သွားမယ်လို့ စကစရဲ့အမိန့် ထုတ်ပြန်ပါတယ်။

========================

📌📌 ၃။ ဒုသမ္မတ ဦးဟင်နရီဗန်ထီးယူကို စစ်ကောင်စီက အနားပေး

The Matupi Times ဧပြီ ၂၂ ၊ ၂၀၂၄

ဒုသမ္မတ ဦးဟင်နရီဗန်ထီးယူကို စစ်ကောင်စီက ကျန်းမာရေးအရ တာဝန်မှ အနားယူခွင့်ပြုလိုက်သည်ဟု နိုင်ငံပိုင်သတင်း ကနေ စစ်ကောင်စီက ယနေ့ကြေငြာလိုက်ပါတယ်။ ဗန်ထီးယူကို ဖွဲ့စည်းပုံအခြေခံဥပဒေပုဒ်မ ၄၁၉ အရ ဒုတိယသမ္မတ ဦးဟင်နရီဗန်ထီးယူကို ကျန်းမာရေးအရ တာဝန်မှအနားယူခွင့်ပြုလိုက်သည်ဟု ယနေ့ဧပြီလ ၂၂ ရက်နေ့ညတွင် စစ်ကောင်စီကကြေညာလိုက်တာပါ။

ဗန်ထိီးယူဟာ ၂၀၂၁ ခုနှစ် စစ်တပ်က နိုင်ငံတော်အာဏာသိမ်းယူပြီးနောက် သည့်နောက်တွင် စစ်ကောင်စီကခေါ်ယူတဲ့ ကာလုံအစည်း အဝေးကို ၂ ကြိမ်တက်ရောက်ခဲ့ပါတယ်။

========================

📌📌 ၄။ ချင်းပြည်(Chinland)အစိုးရက Zophei ၊ Lautu ၊Zotung ၊ Senthang ဒေသကပြည်သူများကိုသွားရောက်တွေ့ဆုံ

The Matupi Times ဧပြီ ၂၂၊ ၂၀၂၄

ချင်းပြည်(Chinland)အစိုးရသည် ၂၀၂၄ ခုနှစ်၊ ဧပြီ (၁၃) ရက်နေ့မှ (၁၉) ရက်နေ့အထိ Zophei ဒေသ၊ Lautu ဒေသ၊ Zotung ဒေသနှင့် Senthang ဒေသအသီးသီးရှိ ကောင်စီဦးဆောင်အဖွဲ့များနှင့် ပြည်သူများကို ချင်းပြည်(Chinland)ဝန်ကြီးချုပ် ဦးပါထန်း ဦးဆောင်ကာ သွားရောက်တွေ့ဆုံခဲ့တယ်လို့ ဒီကနေ့ညပိုင်းမှာ သတင်းထုတ်ပြန်ပါတယ်။

ခရီးစဉ်တွင် ချင်းပြည်(Chinland)ရှိ ၎င်းဒေသများ၏ အုပ်ချုပ်ရေးလည်ပတ်မှုများကိုလည်းကောင်း၊ အစိုးရယန္တာရားလည်ပတ်နိုင်စေရန် လိုအပ်သော ကိစ္စရပ်များကိုလည်းကောင်း ဆွေးနွေးတွေ့ဆုံပြီး ချင်းပြည်အစိုးရ၏ အုပ်ချုပ်ရေးဆိုင်ရာ ကိစ္စရပ်များကို ရှင်းလင်းပြောကြားခဲ့တယ်လို့ဆိုပါတယ်။

ဆက်လက်၍ " ချင်းပြည်(Chinland)အစိုးရနှင့် ဒေသန္တာရအစိုးရအကြား အုပ်ချုပ်ရေးချိတ်ဆက်ဆောင်ရွက်နိုင်ရန် ဖက်ဒရယ်စနစ်ကိုအခြေခံသည့် ဒေသအသီးသီးမှ အုပ်ချုပ်ရေးဥပဒေကြမ်း တင်သွင်းလာသော ဒေသန္တာရအုပ်ချုပ်ရေးဥပဒေကို ရေးဆွဲပြဋ္ဌာန်းပြီး အုပ်ချုပ်ရေးအကောင်အထည်ဖော်ရန်လိုအပ်ကြောင်း၊ မိမိတို့ ချင်းပြည်(Chinland)သည် လွတ်လပ်ရေးမတိုင်ခင် ကတည်းကမရှိခဲ့ဖူးသော မိမိတို့ချင်းလူမျိုးများကိုယ်တိုင်ရေးဆွဲသည့် ဖွဲ့စည်းပုံအခြေခံဥပဒေသည် ယခုအခါ မိမိတို့ ချင်းလူမျိုးများကိုယ်တိုင်ရေးဆွဲအတည်ပြုပြဋ္ဌာန်းနိုင်ခဲ့ပြီဖြစ်ကြောင်း၊ မိမိတို့ ချင်းပြည်(Chinland)အစိုးရအနေဖြင့် ပြည်သူနှင့်အတူရပ်တည်ကာ ချင်းပြည်(Chinland)နှင့် ချင်းပြည်သူများ၏ အကျိုးကို ရှေ့ရှုပြီး အုပ်ချုပ်ရေး လုပ်ငန်းများဆောင်ရွက်သွားမည်ဖြစ်ကြောင်း၊ ထိုသို့ဆောင်ရွက်ရာတွင် ပြည်သူများအနေဖြင့် အစိုးရယန္တာရားအားကောင်းလာစေရန် ဝိုင်းဝန်းကြိုးပမ်းဆောင်ရွက်ရန် လိုအပ်ကြောင်း " ချင်းပြည်(Chinland) ဝန်ကြီးချုပ်မှ ပြောကြားခဲ့တယ်လို့ ဆိုပါတယ်။

ခရီးစဉ်တွင် ချင်းပြည်(Chinland)အစိုးရအဖွဲ့၊ လူသားချင်းစာနာထောက်ထားရေးနှင့် ပြန်လည်ထူထောင်ရေးဝန်ကြီး ဆလိုင်းမနားကီး ၊ ပြည်ထဲရေးဝန်ကြီးဦးရိုဘင် ၊ ဆောက်လုပ်ရေးဝန်ကြီး ဆလိုင်းဇထောင်တို့ လိုက်ပါပြီး ဒေသအသီးသီးသို့ သွားရောက်ခဲ့ကြတယ္လို့ထုတ်ပြန်ချက်အရသိရပါတယ်။

========================

📌📌 ၅။ မင်းတပ်၊ ဝမ္မသူး တိုက်နယ်ဆေးရုံ ဗုံးကြဲတိုက်ခိုက်ခံရမှု ပြည်သူ ၄ ဦး သေဆုံးပြီး ၊ ၁၅ ဦးကျော်ဒဏ်ရာရရှိ

The Matupi Times ဧပြီလ ၂၆၊ ၂၀၂၄

မင်းတပ်မြို့နယ်၊ တိုက်နယ် အမှတ် (၂)က ဝမ္မသူး ဆေးရုံဗုံးကြဲတိုက်ခိုက်မှုတွင် ဆေးရုံမှာ ဆေးကုသမှု ခံယူနေတဲ့ လူနာ ၄ ဦး သေဆုံးခဲ့ရပြီး ဆေးရုံနဲ့ ဝန်ထမ်းအိမ်ယာတွေလည်း မီးလောင် ပျက်စီးခဲ့တယ်လို့ ဒေသခံသတင်းများထံကသိရပါတယ်။

လေကြောင်းတိုက်ခိုက်မှုကြောင့် ဆေးရုံမှာ ဆေးကုသမှုခံယူနေတဲ့ လူနာ ၄ ဦး ပွဲချင်းပြီးသေဆုံးသွားပြီး ၃၀ ဦးခန့် ဒဏ်ရာရရှိခဲ့တယ်လို့သိရပါတယ် ။ စစ်ကောင်စီရဲ့လေကြောင်းတိုက်ခိုက်မှုကြောင့် ဒဏ်ရာရရှိသူ အရေအတွက်ကတော့ ဒီထက်မက များနိုင်တယ်လို့ ဒေသခံတွေထံကသိရပါတယ်။

ပြီးခဲ့တဲ့ ဧပြီလ ၂၆ ရက်၊ မနက်ပိုင်းမှာလည်း တိုက်နယ် အမှတ် ၂ ထဲက ကျေးရွာ ၂ ရွာအပေါ်ကို လေကြောင်းကနေ နောက်ထပ် ဗုံးကြဲ တိုက်ခိုက်တာတွေ လုပ်ခဲ့တာကြောင့် ထိခိုက် ဒဏ်ရာရသူတွေရှိနိုင်တယ်လိုသတင်းကြားသိရပါတယ်။

========================

📌📌 ၆။ မင်းတပ်မြို့အခြေစိုက်ရဲတပ်ရင်းမှ တပ်သား တစ်ဦး Kanpetlet Thumeeတပ်ရင်းထံအလင်းဝင်

The Matupi Times ဧပြီလ ၂၇၊ ၂၀၂၄

မင်းတပ်မြို့၊ အခြေစိုက်ရဲတပ်ရင်းမှ တပ်သား မင်းထက်ရိုန်းသည် CDF-Kanpetlet တူမီးတပ်ရင်းထံအလင်းဝင်လာခဲ့ကြောင်း ဧပြီလ ၂၅ ၊ ၂၀၂၄ ရက်နေ့တွင် သတင်းထုတ်ပြန်ပါတယ်။

အလင်းဝင်လာစဉ် ၎င်းနဲ့အတူ G4 ၁ လက် -ကျဥ် ၂၈၀ ကျည်ပေါက် ၄ ပေါက်၊ Oစီ ၁ လက် -ကျဥ်၂၁၀ ကျည်ပေါက် ၃ ပေါက်pasto - ၁ လက် ကျည် ၅ တောင့်၊ လက်ပစ်ပုံး ၁ လုံး စသည့်လက်နက်ပစ္စည်းများကိုယူဆောင်ပြီး ဧပြီလ ၁၀ ၊ ၂၀၂၄ ရက်နေ့တွင် အလင်းဝင်လာခဲ့တာဖြစ်ပြီး အလင်းဝင်လာသူကို (တူမီးတပ်ရင်း)မှကျပ်သိန်း ၁၀၀ တိတိကို ချီးမြင့်ခဲ့တယ်လုိ့သိရပါတယ်။

========================

📌📌 ၇။ မတူပီမြို့နယ်တွင်အခြေခံပညာပြီးမြောက်ကြောင်းစစ်ဆေးခြင်း အောင်မြင်စွာပြီးစီး

The Matupi Times ဧပြီလ ၂၄၊ ၂၀၂၄

မတူပီမြို့နယ်ပညာရေးဘုတ်အဖွဲ့သည် အမျိုးသားညီညွတ်ရေးအစိုးရ ၊ပညာရေးဝန်ကြီးဌာန၏ လမ်းညွှန်ချက်ဖြင့် အခြေခံပညာပြီးမြောက်ကြောင်း စစ်ဆေးအကဲဖြတ်ခြင်း (BECA) Grade (11) စနစ်ဟောင်း ကို ပထမအကြိမ် စာစစ်ဌာန (၈) ခုနှင့် ဒုတိယအကြိမ် စာစစ်ဌာန (၅) ခု ဖြင့် အောင်မြင်စွာ ဆောင်ရွက်နိုင်ခဲ့တယ်လို့ Matupi Township(BOE) ထံကသိရပါတယ်။

အခြေခံပညာ ပြီးမြောက်ကြောင်း စစ်ဆေးအကဲဖြတ်ခြင်းကို ဆောင်ရွက်ရာတွင် လုံခြုံရေးဖြင့် ကာကွယ်ပေးခဲ့သော ချင်းပြည်သူ့ကာကွယ်ရေးတပ်မတော် (CDF) နှင့် ပြည်သူ့အုပ်ချုပ်ရေး တို့မှ ဝိုင်းဝန်းကူညီဆောင် ရွက်ပေးခဲ့တယ်လို့သိ ရပါတယ်။

မတူပီမြို့နယ် စစ်ဆေးအကဲဖြတ်ခြင်း လုပ်ငန်းများ ဆောင်ရွက်ရာတွင် ငွေသားအားဖြင့် ထောက်ပံ့ပေးကြသော နိုင်ငံတကာ အဖွဲ့အစည်းများ ၊ နိုင်ငံတကာရှိ အသင်းတော်များ ၊ မိဘပြည်သူ အလှူရှင်များ အားလုံး အပေါ် အထူးကျေးဇူး တင်ရှိ ကြောင်းဆိုပါတယ်။

ဆက်လက်၍ ကျောင်းသား/ သူများ၏ အနာဂတ်ပညာရေးရည်မှန်းချက် ရည်ရွယ်ချက်များ အောင်မြင်နိုင်ရေးကို ဦးတည်ကာ မတူပီမြို့နယ် ပညာရေး တွင်စည်းလုံးခြင်း၊ ပေးဆပ်ခြင်း ၊ လှူဒါန်းခြင်းဖြင့်ရှေ့ဆက် ပူးပေါင်းပါဝင်ပေးကြဖို့ကိုလည်း တောင်းဆိုထားပါတယ်။

(၂၀၂၃-၂၀၂၄) ပညာသင်နှစ်တွင် ကြားကာလပညာရေးပိုမို ထိရောက်အောင်မြင်စေရန် မူလတန်းအဆင့်နှင့် (Grade.9) ဆရာအတတ်သင် မွမ်းမံသင်တန်းများကို မတူပီမြို့နယ်ပညာရေးဘုတ်က အောင်မြင်စွာ သင်တန်းပို့ချပေးခဲ့ပြီး အဆိုပါ သင်တန်းတွင် CDM ပညာရေးဝန်ထမ်းများနှင့် စေတနာ့ဝန်ထမ်းများ စုစုပေါင်း (၁၇၀) နီးပါး တက်ရောက်ခဲ့တယ်လို့သိရပါတယ်။