10 Feb 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ ဖေဖော်ဝါရီလ ( ၁၀ ) ရက်နေ့ ရပြည်တွင်းသတင်းများ

📌📌 1. မတူပီမြို့နယ်ပညာရေးဘုတ်အဖွဲ့၏ တတိယအကြိမ်မြို့နယ်အဆင့်ညီလာခံ အောင်မြင်စွာကျင်းပ

 

The Matupi Times ၊ ဖေဖော်ဝါရီလ ၄၊ ၂၀၂၅ ။

မတူပီမြို့နယ်ပညာရေးဘုတ်အဖွဲ့၏ တတိယအကြိမ်မြို့နယ်အဆင့်ညီလာခံကို ၂၀၂၅ ခုနှစ်ဇန်နဝါရီလ ၇ ရက်နေ့မှ ၉ ရက်နေ့အထိ (၃)ရက်တာအတွင်း ကျင်းပပြုလုပ်ခဲ့ကြောင်းသိရသည်။

 

တတိယအကြိမ်မြို့နယ်အဆင့်ညီလာခံကို တတ်သိပညာရှင်များ၊ အကြံပေးပုဂ္ဂိုလ်များ၊နာယကအဖွဲ့၊ CDM ပညာရေးဝန်ထမ်းများ၊အမှတ်လိုက်ပြည်သူ့ပညာရေးကော်အတီများ၊ကျောင်းတာဝန်ခံများနှင့်မြို့နယ်ပညာရေးဘုတ်ဗဟိုအလုပ်မှူဆောင်များ စုစုပေါင်း ( ၈၅)ဦးတက်ရောက်ခဲ့ကြောင်းသိရသည်။

 

မတူပီမြို့နယ်ပညာရေးဘုတ်အဖွဲ့အနေဖြင့် အမျိုးသားညီညွတ်ရေးအစိုးရ ပညာရေးဝန်ကြီးဌာန၊ (NUCC, JCC, CRPH)၊ ကြားကာလချင်းအမျိုးသားအတိုင်ပင်ခံကောင်စီ( ICNCC)၊ကြားကာလအခြေခံပညာရေးလုပ်ငန်းဆောင်ရွက်မှုကော်မတီ( IBEWC)၊ မတူပီမြို့နယ်အုပ်ချုပ်ရေးအဖွဲ့၊ ကြားကာလပြည်နယ်ပညာရေးဘုတ်၊ ချင်းပြည်နယ်ကာကွယ်ရေးတပ်ဖွဲ့ CDF - Matupi တပ်မဟာ(၁)၊ ချင်းညီနောင်အဖွဲ့များနှင့် တစိုက်မတ်မတ်ပူးပေါင်းဆောင်ရွက်မည်ဖြစ်ကြောင်းသိရသည်။

 

========================

 

📌📌 2. ဝိတိုရိယတောင်ထိပ်တွင် ချင်းပြည်အလံ CDF လွှင့်ထူ

 

ဝိတိုရိယတောင်ထိပ်တွင် ချင်းပြည်အလံ လွှင့်ထူနိုင်ခဲ့ပြီဟု ချင်းပြည်သူ့ကာကွယ်ရေးတပ်ဖွဲ့(ကန်ပက်လက်) CDF Kanpetletက ဖေဖော်ဝါရီ ၈ရက်က ကြေညာသည်။

 

စိန်ခေါ်မှုများစွာ/အခက်ခဲများစွာကြားက မဟာမိတ်အာရက္ခတပ်တော် (AA)နဲ့ ချင်းညီ‌နောင် တပ်ဖွဲ့ဝင်တွေရဲ့ ရင်ချင်းအပ် ကျောချင်းကပ်ပြီး မလျှော့သော ဇွဲလုံ့လဝိရိယကြောင့် အောင်မြင် ခြင်း မှတ်တိုင်တစ်ခုကို ပူးပေါင်းစိုက်ထူနိုင်ခဲ့ကြ တာဖြစ်တယ်လို့ဖော်ပြထားပါတယ်။

 

========================

 

📌📌 3. CDF-Zophei ၏(၄)ကြိမ်မြောက် မွန်းမံသင်တန်း အောင်မြင်စွာကျင်းပ

 

The Matupi Times ၊ ဖေဖော်ဝါရီလ ၅, ၂၀၂၅။

ချင်းလဲန်းကာကွယ်ရေးတပ်ဖွဲ့ CDF-Zophei ရဲ့ (၄)ကြိမ်မြောက် မွန်းမံသင်တန်း သင်တန်းဆင်းပွဲအခမ်းအနားကို ပြီးခဲ့တဲ့ ဖေဖော်ဝါရီလ ၃ ၊ ၂၀၂၅ ရက်နေ့မှာ ကျင်းပခဲ့ပါတယ္။ အဆိုပါ မွမ်းမံသင်တန်းကို မွန်းမံသင်တန်းကို တစ်လကြာပြုလုပ်ခဲ့ကြောင်းသိရပါတယ္။

 

========================

 

📌📌 4. ချင်းပြည်ကောင်စီ (CC) နှင့် ICNCC/ချင်းညီနောင်အဖွဲ့တို့ကြား မီဇိုရမ်ပြည်နယ်ဝန်ကြီးချုပ် ဦးဆောင်သည့် (Advocacy Team) ကကြားဝင်ညှိနှိုင်းပေးနေဟုဆို

 

The Matupi Times ၊ ဖေဖော်ဝါရီလ ၆၊ ၂၀၂၄

ချင်းပြည်ကောင်စီ (CC) နှင့် ICNCC/ချင်းညီနောင်အဖွဲ့တို့ကြား တွေ့ဆုံ ဆွေးနွေးမှုများကို မီဇိုရမ်ပြည်နယ်ဝန်ကြီးချုပ် ဦးဆောင်သည့် (Advocacy Team)ကြားဝင်ညှိနှိုင်းပေးနေကြောင်း ချင်းပြည်ကောင်စီအတွင်းရေးမှူး ဆလိုင်းပေါ်လ် က ဒီကနေ့ ဖေဖော်ဝါရီလ ၆ ရက်နေ့မှာပြုလုပ်တဲ့ ချင်းပြည်ကောင်စီ(၁)နှစ်ပြည့်သတင်းစာရှင်းလင်းပွဲမှာ ပြောဆိုခဲ့ပါတယ္။

 

မီဇိုရမ်ပြည်နယ်ဝန်ကြီးချုပ် ဦးဆောင်သည့် Advocacy Team ကို ဖွဲ့စည်းပြီး ၂၀၂၄ ခုနှစ် နှစ်ကုန်ပိုင်းမှ စတင်၍ ချင်းအင်အားစု နှစ်ခုကို ပြေလည်နိုင်ရေးအတွက် ကြားဝင်ညှိနှိုင်းပေးမှုတွေ ဆောင်ရွက်နေခြင်းဖြစ်သည်ဟု သိရသည်။

 

ချင်းပြည်ကောင်စီ နှင့် ICNCC/ချင်းညီနောင်အဖွဲ့တို့ကို ပေါင်း၍ တပြိုက်နက် တွေ့ဆုံမှုကို တကြိမ် ပြုလုပ်ထားပြီး ရလဒ် အနေဖြင့် မကြာမီ ထပ်မံ တွေ့ဆုံဆွေးနွေးရန် သဘောတူထားပြီဖြစ်ကြောင်း သိရသည်။

 

ချင်းအင်အားစုများ ပြန်လည်ပေါင်းစည်းနိုင်ရေးအတွက် ချင်းငြိမ်းချမ်းရေးနှင့် ပြန်လည်သင့်မြတ်ရေးအဖွဲ့ (Chin Peace and Reconciliation Initiative) ၊ Zo Reunification Organization (ZORO)၊ Crisis Management Initiative (CMI) အပါအဝင် ပြည်တွင်းပြည်ပ အရပ်ဖက်အဖွဲ့အစည်းတွေကလည်း ကြိုးပမ်းဆောင်ရွက်နေသည်။

 

========================

 

📌📌 5. မင်းတပ်မြို့ထဲ ပြည်သူများကိုဝင်ခွင့်ပြု

 

The Matupi Times ၊ ဖေဖော်ဝါရီလ ၉၊ ၂၀၂၅ ။

ချင်းပြည်နယ်တောင်ပိုင်း ၊ မင်းတပ်မြို့ကို ပြည်သူများဝင်ရောက်နေထိုင်ခွင့်ပြုပြီဖြစ်ကြောင်း CDF-Mindat ကဒီကနေ့ ဖေဖော်ဝါရီလ ၉ ၊ ၂၀၂၅ ရက်နေ့ ညနေပိုင်းမှာသတင်းထုတ်ပြန်ပါတယ္။

မင်းတပ်မြို့အတွင်း ပြန်လည်ဝင်ရောက်နေထိုင်မည့်ပြည်သူများကို မြို့/တိုက်နယ်အုပ်ချုပ်ရေးမှူး (သို့) ရပ်ကွက်/ကျေးရွာအုပ်စု အုပ်ချုပ်ရေးမှူး (သို့) ကျေးရွာအုပ်ချုပ်ရေးမှူး ၏ ထောက်ခံချက်ဖြင့်သာ ပြန်လည်ဝင်ရောက်နေထိုင်ခွင့် ပြုမည်ဖြစ်ကြောင်းဆိုပါတယ္။

ဒါ့အပြင် မြို့သိမ်းတိုက်ပွဲကာလအတွင်း တော်လှန်ရေးရန်ပုံငွေအဖြစ် မိမိတို့ ထည့်ဝင်ကြောင်း မြို့ဝင်ဂိတ်များတွင်ပြသနိုင်သူများသာ မြို့တွင်းပြန်လည်ဝင်ရောက်ခွင့်ပြုမည်ဖြစ်သလို တော်လှန်ရေးရန်ပုံငွေ ထည့်ဝင်ခြင်းမရှိသေးသူများလည်း မြို့ဝင်ဂိတ်များတွင် တော်လှန်ရေးရန်ပုံငွေထည့်ဝင်ကာ ဖြတ်ပိုင်းဖြင့် မြို့တွင်း ပြန်လည်ဝင်ရောက်ခွင့် ရှိမည်ဖြစ်ကြောင်းဆိုပါတယ္။ မြို့သိမ်းတိုက်ပွဲကာလအတွင်း တော်လှန်ရေးရန်ပုံငွေထည့်ဝင်သူများအနေဖြင့် ထောက်ခံချက်ကို မိမိတို့ နေထိုင်ရာ ရပ်ကွက်၊ ကျေးရွာများရှိ အုပ်ချုပ်ရေးမှူးများထံ (အခမဲ့) တောင်းယူနိုင်ကြောင်းလည်းဖော်ပြထားပါတယ္။

မြို့တွင်းပြန်လည်နေထိုင်မည့်သူများ လိုက်နာရန်စည်းကမ်းချက်များကိုလည်း ထုတ်ပြန်ထားပြီး ကုန်စည်သယ်ယူပို့ဆောင်သည့် ကုန်တင်ကားများ၊ယာဉ်မောင်းများလိုက်နာရမည့်အချက်များကိုလည်း ထုတ်ပြန်ချက်မှာဖော်ပြထားပါတယ္။

မင်းတပ်မြို့ကို ချင်းညီနောင်မဟာမိတ်ပူးပေါင်းအဖွဲ့မှ ပြီးခဲ့တဲ့ ၂၀၂၄ ခုနှစ် ဒီဇင်ဘာလ ၂၁ ရက်နေ့မှာ အပြီးသတ်သိမ်းယူခဲ့တာဖြစ်ပါတယ္။

 

========================

 

📌📌 6. အဆိုတော် စောအယ်စေးမှူးကွယ်လွန်

 

The Matupi Times ၊ ဖေဖော်ဝါရီလ ၈ ၊ ၂၀၂၅

တော်လှန်အနုပညာရှင် လူငယ်အဆိုတော် စောအယ်စေးမူးဟာ ယနေ့မှာ ကွယ်လွန်သွားကြောင်း သတင်းကြားသိရပါတယ္။ ကွယ်လွန်သွားကြောင်းသတင်းဟာ ဒီကနေ့ ညပိုင်းကစပြီး အွန်လိုင်းဖေ့ဘုတ်စာမျက်နှာပေါ်မှာ ပြန့်နှံ့လာတာပါ။

ကရင်အဆိုတော် ကောင်းကောင်းကသူ့ရဲ့ဖေ့ဘုတ်စာမျက်နှာမှာ ဝမ်းနည်းစကားဆိုထားသလို သူ့ကိုအားပေးချစ်ခင်ကြတဲ့ ပရိသတ်တွေကလည်း ဝမ်းနည်းကြောင်း ဆိုရှယ်မိဒီယာပေါ်မှာ ရေးသားဖော်ပြကြတာတွေ့ရပါတယ္။

၂၀၂၄ ခုနှစ်က CDF-Matupi အတွက်ပြုလုပ်ခဲ့တဲ့ "အဆုံးတိုင်တော်လှန်ဘုံတလာလှိုင်းသံ" ရန်ပုံငွေကမ်ပိန်းမှာလည်း တေးသီချင်းများဖြင့် အခမဲ့သီဆိုပါဝင်ပေးခဲ့ပါတယ္။

#RadioNUGLocalNews

#SpringRevolution