10 Mar 2025 - (Ethnic language program-Matupi) by The Matupi Times

 

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ မတ်လ ( ၁၀ ) ရက်နေ့ ရပြည်တွင်းသတင်းများ

📌📌 1. တီးတိန်မြို့က စစ်ကောင်စီတပ်ဖွဲ့ဝင်တစ်ဦး PDF-Zoland ထံအလင်းဝင်

The Matupi Times၊ မတ် ၃၊ ၂၀၂၅
တီးတိန်မြို့က စစ်ကောင်စီတပ်ဖွဲ့ဝင်တစ်ဦးသည် PDF-Zoland ထံ ဖေဖော်ဝါရီလ ၂၅၊ ၂၀၂၅ ရက်နေ့၌ အလင်းဝင်လာကြောင်း သိရသည်။
တီးတိန်မြို့၊ ခလရ ၂၆၉ ရန်ကာကွယ်ရေးတပ်မှ မောင် မင်းမင်း၊ ကိုယ်ပိုင်အမှတ် တ-၃၆၆၅၀၇ သည် လက်နက်ခဲယမ်းများနှင့်အတူ PDF-Zoland သို့ အလင်းဝင်လာခြင်းဖြစ်ကြောင်း သိရသည်။

========================

📌📌 2. Matupi Township Health Department မှ မတူပီမြို့နယ် ကျေးရွာများမှ ပြည်သူများကို အခမဲ့ဆေးကုသပေးပြီး ဆေးဝါးများထောက်ပံ့ပေးအပ်

The Matupi Times၊ မတ် ၆၊ ၂၀၂၅
Matupi Township Health Department မှ မတူပီမြို့နယ်အတွင်းရှိ ကျေးရွာများမှ ပြည်သူများကို အခမဲ့ ဆေးဝါးကုသပေးပြီး လိုအပ်သည့် ဆေးဝါးများကို အခမဲ့ ထောက်ပံ့ပေးအပ်ခဲ့ကြောင်း သိရသည်။

Matupi Health Department အနေဖြင့် ယခုနှစ် ၂၀၂၅ ခုနှစ် ဇန်နဝါရီလနှင့် ဖေဖော်ဝါရီလအတွင်းတွင် ဆီနိုင်းတောင်ကြောတစ်လျှောက်က ကျေးရွာတချို့နှင့် ၂၀၂၅ ခုနှစ် မတ်လတွင် မတူပီမြို့နယ် ဝေတူးကျေးရွာရှိ ပြည်သူများကို အခမဲ့ကျန်းမာရေးစောင့်ရှောက်မှုနှင့် ဆေးဝါးများ ကူညီထောက်ပံ့ပေးနိုင်ခဲ့ကြောင်း သိရသည်။

"January လနဲ့ February လမှာ ဆီနိုင်းတောင်ကြောတစ်လျှောက်က ကျေးရွာတွေရယ်၊ မတ်လမှာ ဝေတူးကျေးရွာကို ကျန်းမာရေးစောင့်ရှောက်မှုပေးနိုင်ခဲ့တယ်။ ဝေတူးကျေးရွာမှာက လူငယ်လူရွယ်တွေ သိပ်မရှိတော့ပဲ သက်ကြီးရွယ်အိုတွေပဲ ကျန်နေခဲ့တာဖြစ်လို့ မတူပီမြို့ပေါ်အထိ ကျန်းမာရေးစောင့်ရှောက်မှု မခံယူနိုင်ကြဘူး။ ဒါကြောင့် အခုလို ရွာတိုင်ရာရောက် ကျန်းမာရေးစောင့်ရှောက်မှုပေးရတာ ဖြစ်ပါတယ်။ ဆေးဝါးတွေကိုလည်း အခမဲ့ ထောက်ပံ့ပေးခဲ့ပါတယ်။ ကျန်းမာရေးစောင့်ရှောက်မှုကို အဓိကပေးဖြစ်ပါတယ်၊ ကျန်းမာရေးအသိပညာပေးအစီအစဉ်တွေကို မလုပ်ဖြစ်သေးပါဘူး" ဟု Matupi Health Department တွင်ပါဝင်သူတစ်ဦးက Matupi Times ကို ပြောကြားခဲ့သည်။

မတူပီမြို့နယ်အတွင်းရှိ ကျေးရွာများမှ ပြည်သူများအနေဖြင့် မြို့ပေါ်ထိ ဆေးဝါးကုသမှု လာရောက်ခံယူရန် ခက်ခဲသည့်အတွက် အဆိုပါ ကျေးရွာများသို့ သွားရောက်ဆေးကုသပေးပြီး ဆေးဝါးများ ထောက်ပံ့ပေးနိုင်ရန် ဆေးဝါးများ လိုအပ်လျက်ရှိကြောင်း သိရသည်။

========================

📌📌 3. မင်းတပ်မြို့ (ပအဖ) မှ ပြန်လည်ထူထောင်ရေးလုပ်ငန်းများ ဆောင်ရွက်

The Matupi Times၊ မတ် ၆၊ ၂၀၂၅
မင်းတပ်မြို့နယ် ပြည်သူ့အုပ်ချုပ်ရေးအနေဖြင့် မင်းတပ်မြို့အတွင်း ပြည်သူများ ပြန်လည်နေထိုင်နိုင်ရေးအတွက် ပြန်လည်ထူထောင်ရေးလုပ်ငန်းများ ဆောင်ရွက်နေပြီဖြစ်ကြောင်း ဒီကနေ့ မတ် ၆၊ ၂၀၂၅ ရက်နေ့တွင် ထုတ်ပြန်ခဲ့သည်။

========================

📌📌 4. တီးတိန်မြို့နယ်မှာ Chinland Council ပူးပေါင်းတပ်ဖွဲ့နဲ့ ZRA တပ်ဖွဲ့အကြား တိုက်ပွဲတွေ ပြင်းထန်စွာ ဖြစ်နေ

The Matupi Times၊ မတ် ၆၊ ၂၀၂၅
ချင်းပြည်နယ်၊ တီးတိန်မြို့နယ် Tungzang ရွာအနီးတွင် CNF/A ဦးဆောင်သော Chinland Council ပူးပေါင်းတပ်ဖွဲ့များနှင့် ဇိုမီးတော်လှန်ရေးတပ်မတော် (ZRA) တပ်ဖွဲ့အကြား ဒီကနေ့ မတ် ၆ ရက်နေ့ နေ့လည်ချိန်လောက်မှစ၍ နှစ်ဘက် တိုက်ပွဲတွေ ပြင်းထန်စွာ ဖြစ်ပွားနေကြောင်း ဒေသခံများထံမှ သိရသည်။

========================

📌📌 5. မြန်မာနိုင်ငံအလံကို နိုင်ပွဲနဲ့အတူ လွှမ်းခြုံခဲ့တဲ့ ချင်းဖိုက်တာ Joshua Van

The Matupi Times၊ မတ် ၉၊ ၂၀၂၅
ဒီမနက် ယှဉ်ပြိုင်ထိုးသတ်ခဲ့သော UFC 313 ပြိုင်ပွဲတွင် ချင်းဖိုက်တာ Joshua Van သည် ဂျပန်ဖိုက်တာကို အနိုင်ရရှိခဲ့သည်။ ပြိုင်ပွဲ သုံးချီ ယှဉ်ပြိုင်ထိုးသတ်ခဲ့ကြရာ သုံးချီစလုံး Joshua Van က အသာစီးထိုးပြီး ထိုက်ထိုက်တန်တန် အနိုင်ရသွားသည်။

ပွဲအစကတည်းက ဂျပန်ဖိုက်တာ Tsuruyama ၏ Takedown များကို Joshua Van က အကြိမ်ကြိမ် ခုခံနိုင်ခဲ့သည်။ ဗန်သည် ပြည့်စုံသော ဖိုက်တာတစ်ဦးဖြစ်ကြောင်း ဒီကနေ့မှာ မျက်ဝါးထင်ထင် ချပြသွားခဲ့သည်။ မကြာမီ ဗန်သည် Ranking သတ်မှတ်ချက်အတွင်းသို့ ပြန်ရောက်လာမည်ဖြစ်သည်။

မြန်မာပရိသတ်အားလုံးမျော်လင့်ထားသည့်အတိုင်း Joshua Van က အကောင်းဆုံး လုပ်ပြနိုင်ခဲ့သည်။

#RadioNUGLocalNews

#SpringRevolution