02 Aug 2025 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၅ သြဂုတ်လ ( ၂ ) ရက်နေ့နောက်ဆုံးရပြည်တွင်းသတင်းများ

📌📌 ၁။ NUG ယာယီသမ္မတနဲ့ ဝန်ကြီးတချို့ မြေပြင်ခရီးစဉ် ထုတ်ပြန်။

 

အမျိုးသားညီညွတ်ရေးအစိုးရ - NUG ယာယီသမ္မတ ဒူဝါလရှီးလနဲ့ ဝန်ကြီးတချို့ ထိန်းချုပ်နယ်မြေတွေမှာ သွားရောက်ပြီး မြေပြင်တာဝန်ရှိသူတွေနဲ့ တွေ့ဆုံခဲ့တယ်လို့ ဇူလိုင်လ ၃၀ရက်က ထုတ်ပြန်ပါတယ်။

တော်လှန်ရေးအတွက် အထောက်အကူပြုဖို့ တော်လှန်ရေးရဲဘော်ရဲဘက်တွေနဲ့ ထိတွေ့ယုံကြည်မှု၊ ဦးဆောင်မှု၊ စနစ်ကျတဲ့ စီမံခန့်ခွဲမှုတွေတည်ဆောက်နိုင်ဖို့ ရည်ရွယ်ချက်နဲ့ သွားရောက်ခဲ့တာလို့ ဆိုပါတယ်။

ထိန်းချုပ်နယ်မြေအတွင်း ဖြစ်ပွားနေတဲ့ စိန်ခေါ်မှု၊ အခက်အခဲတွေကို အဖြေရှာနိုင်ဖို့၊ မြေပြင် တော်လှန်ရေးတာဝန် ထမ်းဆောင်တဲ့ တော်လှန်ရေး ရဲဘော်ရဲဘက်တွေကို တော်လှန်ရေးခွန်အား၊ တော်လှန်စိတ် စွမ်းရည်ကို မြှင့်တင်ပေးနိုင်ဖို့နဲ့ ယာယီသမ္မတအပါအဝင် အမျိုးသားညီညွတ်ရေး အစိုးရ တာဝန်ရှိသူတွေဟာ ပြည်သူလူထုနဲ့ တသားတည်းရှိနေတာကို သတင်းစကားပါးလိုတဲ့ ရည်ရွယ်ချက်လည်းပါတယ်လို့ ထုတ်ပြန်ထားပါတယ်။

ခရီးစဉ်မှာ ယာယီသမ္မတနဲ့အတူ ကာကွယ်ရေးဝန်ကြီး ဦးရည်မွန်၊ ပညာရေးနှင့် ကျန်းမာရေးဝန်ကြီး ဒေါက်တာဇော်ဝေစိုး၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဒေါက်တာတူးခေါင်၊ ကျန်းမာရေး ဒုတိယဝန်ကြီး ဒေါက်တာခင်မောင်လွင်၊ နိုင်ငံတော်သမ္မတရုံး အတွင်းဝန် ဦးဘရန်း၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန အတွင်းဝန် ဦးကွမ်မင်း၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန အတွင်းဝန် ဒေါ်နော်ထီးခူတို့ပါဝင်တယ်လို့ ထုတ်ပြန်ပြီး ဘယ်အချိန်က ဆိုတာကိုတော့ ဖော်ပြတာ မရှိပါဘူး။

ခရီးစဥ်တလျှောက် အစိုးရအဖွဲ့ဝင် လုံခြုံရေးကို အမှတ် (၁) စစ်ဒေသမှ အထူး တာဝန်ယူ ကြီးကြပ်ဆောင်ရွက်ပေးခဲ့တယ်လို့လည်း ထုတ်ပြန်ထားပါတယ်။

 

========================

 

📌📌 ၂။ စစ်ကောင်စီကို တော်လှန်ရေးအင်အားစုအားလုံးက စုပေါင်းတော်လှန်ရမယ်လို့ TNLA ပြော။

အရင်ထက် မဟာဗျူဟာမြောက်တဲ့ တော်လှန်ရေးစီမံချက်တွေနဲ့ စုပေါင်းပြီး ဟန်ချက်ညီညီ စစ်ကောင်စီကို ဝိုင်းဝန်းတော်လှန်တို၊က်ခိုက်ကြဖို့ တိုင်းရင်းသားလက်န၊က်ကိုင်အဖွဲ့အစည်း၊ နွေဦးတော်လှန်ရေးအင်အားစုအားလုံးကို တောင်းဆိုတယ်လို့ တအာင်းအမျိုးသားလွတ်မြောက်ရေးတပ်မတော် - TNLAကဇူလိုင် ၃၀ရက်နေ့က ကြေညာလိုက်ပါတယ်။

ပြည်သူလူထုကို ဦးတည်ဗုံးကြဲ၊တို၊က်ခိုက်နေတဲ့ စစ်ကောင်စီရဲ့ စစ်ရာဇဝ၊တ်မှုလုပ်ရ၊ပ်တွေ ကန့်ကွတ်ရှုတ်ချခြင်း ထုတ်ပြန်ချက်မှာ အခုလိုတောင်းဆိုတာပါ။

စစ်ကောင်စီဟာ အတုအယောင်ရွေးကောက်ပွဲကျင်းပပြီး နိုင်ငံ့အာဏာကို ရေရှည်ချုပ်ကိုင်ဖို့ ပြင်ဆင်နေကြောင်းလည်း TNLA ရဲ့ ထုတ်ပြန်ချက်မှာ ဖော်ပြပါတယ်။

မြန်မာနိုင်ငံ မြို့၊ရွာဒေသအသီးသီးရှိ လူနေအိမ်၊ စာသင်ကျောင်း၊ ဈေး၊ ဘာသာရေးအဆောက်အအုံ၊ ဆေးရုံ၊ ဟိုတယ်၊ တည်းခိုခန်း၊ အလုပ်ရုံစတဲ့ ပြည်သူလူထု နေထိုင်သွားလာလှုပ်ရှားရေနေရာတွေကို ရည်ရွယ်ချက်ရှိရှိ ဦးတည်တိုက်ခို၊က်တဲ့ နိုင်ငံတကာစစ်ရာဇဝတ်မှု လုပ်ရပ်ဆိုးတွေ စစ်ကောင်စီအနေနဲ့ အမြန်ဆုံးရပ်တန့်ရေး ကူညီပေးကြဖို့ ကုလသမဂ္ဂ၊ တရုတ်ပြည်သူ့သမ္မတနိုင်ငံအပါအဝင် နိုင်ငံတကာအစိုးရကို TNLA က မေတ္တာရပ်ခံပါတယ်။

 

========================

 

📌📌 ၃။ မင်းတပ်မြို့နယ်အတွင်း သက်တမ်းကုန်အစားအသောက်မရောင်းချဖို့ လိုက်လံစစ်ဆေးနေ။

 

မင်းတပ်မြို့နယ်အတွင်း ဈေးဆိုင်တွေမှာ စားသုံးဖို့မသင့်တော်တဲ့ သက်တမ်းကုန်အစားအသောက်၊ အမှတ်တံဆိပ် သက်တမ်းမပါရှိတဲ့ ကုန်ပစ္စည်း၊ FDA က တားမြစ်ထားတဲ့ ကုန်ပစ္စည်း ရောင်းချတာမလုပ်ကြဖို့ လိုက်လံစစ်ဆေးနေတယ်လို့ SAVE Teamက ဇူလိုင် ၂၆ရက်က ထုတ်ပြန်ပါတယ်။

မင်းတပ်မြို့နယ် အုပ်ချုပ်ရေး၊ ကျန်းမာရေးကော်မတီအဖွဲ့ဝင်တွေနဲ့ ပူးပေါင်းလုပ်ဆောင်တာဖြစ်ပြီး အခုပထမအကြိမ်အနေနဲ့ ကျေးရွာပေါင်း ၁၃ ရွာရှိ ဈေးဆိုင်ပေါင်း ၂၈ ဆိုင်အတွင်း စစ်ဆေးတွေ့ရှိချက်တွေကို ပြည်သူလူထုဆီ ကျန်းမာရေးအသိပေးခဲ့တယ်လို့ ပြောပါတယ်။

နောက်လာမယ့် ၂ လအတွင်း ဒုတိယအကြိမ်ပြန်လည်စစ်ဆေးသွားမှာဖြစ်ပြီး သက်တမ်းကုန်အစားအသောက်နဲ့ တားမြစ်ထားတဲ့ ကုန်ပစ္စည်း လက်ဝယ်ထား ရောင်းချသူတွေကို ကုန်ပစ္စည်းရဲ့ ဈေးနှုန်းအတိုင်း ဒဏ်ငွေဆောင်ဖို့ သတ်မှတ်ထားတယ်လို့ ထုတ်ပြန်ပါတယ်။

#RadioNUGLocalNews

#SpringRevolution