08 Sep 2025 - (Ethnic language program-Matupi) by The Matupi Times

 

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ စက်တင်ဘာလ ( ၁၅ ) ရက်နေ့ ရပြည်တွင်းသတင်းများ

📌📌 1/ မလေးရှား၊ကွာလာလမ်ပူတွင် မြန်မာဒုက္ခသည်များအတွက် Matu Social Organization(MSO) မှဦးဆောင်ပြီး အခမဲ့ကျန်းမာရေးစစ်ဆေးမှု ပြုလုပ်ပေးမည်

 

The Matupi Times ၊ စက်တင်ဘာ ၂ ၊ ၂၀၂၅ ။

မလေးရှားနိုင်ငံ ၊ ကွာလာလမ်ပူ ၊ Imbi တဝို်က်တွင် နေထိုင်ကြသည့် မြန်မာဒုက္ခသည်များအတွက် စက်တင်ဘာ ၂၈ ရက်နေ့၌ Matu Christian Fellowship (MCF- Imbi) မှာ အခမဲ့ကျန်းမာရေးစစ်ဆေးမှုပြုလုပ်ပေးမည်ဖြစ်ကြောင်း Matu Social Organization(MSO) ထံကသိရပါတယ္။

အခမဲ့ ကျန်းမာရေး စစ်ဆေးမှုများ ပြုလုပ်မည့်အစီအစဉ်တွင် နား၊ နှာခေါင်း၊ လည်ပင်း (အထူးကု) ၊ ကလေး (အထူးကု) ၊ အခြား ဆရာဝန်များနှင့် ဆေးဘက်ဆိုင်ရာ ကျွမ်းကျင်သူများ ပါဝင်မယ်လို့သိရပါတယ္။

စစ်ဆေးမှုအတွက် မိမိနှင့်သက်ဆိုင်သော ဆေးစာရွက်များရှိပါက ယူဆောင်လာကြဖို့နှင့် လိုအပ်သည့် ဆေးဝါးများကိုလည်း ပေးအပ်မည်ဖြစ်သည့်အပြင် စကားပြန်လည်း စီစဉ်ပေးမည်ဖြစ်ကြောင်း အသိပေးထားပါတယ္။ 

ဒါ့အပြင် လူဦးရေ အကန့်အသတ်ရှိသောကြောင့် မဖြစ်မနေ စောစောစာရင်းပေးသွင်းကြဖို့နှင့် အထူးကု ဆရာဝန်များ ပိုမိုလာရောက်နိုင်ရေး တောင်းဆိုထားပြီး ပြောင်းလဲမှုများရှိပါက Matu Social Organization(MSO) ဖေ့ဘုတ်ပေ့ချ်မှ ထပ်မံအသိပေးသွားမယ်လို့ဆိုပါတယ္။ 

စစ်ဆေးလိုသူများအနေဖြင့် အောက်ဖော်ပြပါ ဆက်သွယ်ရန် နံပါတ်များသို့ မိမိ၏ နာမည်ကို စာရင်းပေးသွင်းနိုင်ပြီး ၊ စစ်ဆေးလိုသော အကြောင်းအရာများကို အောက်ပါ ဖုန်းနံပါတ်များမှ တဆင့် (WhatsApp ဖြင့်)ပေးပို့နိုင်တယ််လို့ ဖော်ပြထားပါတယ္။

 

========================

 

📌📌 2/မလေးရှားတွင် မြန်မာ ၂၃၅ ဦးအပါအဝင် တရားမဝင်နိုင်ငံခြားသား ၇၇၀ ဖမ်းဆီးခံရ

 

The Matupi Times ၊ ဩဂုတ်လ ၃ ၊ ၂၀၂၅ 

မလေးရှားနိုင်ငံ၊ကွာလာလမ်ပူမြို့တွင် မြန်မာ ၂၃၅ ဦးအပါအဝင် တရားမဝင်နိုင်ငံခြားသား ၇၇၀ ဖမ်းဆီးခံရကြောင်း မလေးရှားနိုင်ငံသတင်းတွေထံကသိရပါတယ္။

ယမန်နေ့ စက်တင်ဘာ ၂ ရက် ညပိုင်းက ကွာလာလမ်ပူမြို့ရှိ ဘူကစ်ဘင်တန်တစ်ဝိုက်တွင် မလေးရှားအာဏာပိုင်များက လမ်းများကိုပိတ်ဆို့ စစ်ဆင်ရေးတစ်ရပ်ပြုလုပ်ကာ ဝင်ရောက်စီးနင်းခဲ့ခြင်းဖြစ်ကြောင်းသိရသည်။

Op Belanja ဟု အမည်ပေးထားသည့် အဆိုပါ စစ်ဆင်ရေးတွင် Putrajaya လူဝင်မှုကြီးကြပ်ရေးဌာနမှ အရာရှိ ၁၀၆ ဦးနှင့် အဖွဲ့ဝင်များ ပါဝင်ခဲ့ပြီး ဝင်ရောက်စီးနင်းခဲ့ခြင်းဖြစ်ကြောင်းသိရသည်။ 

စစ်ဆေးမှုတွင် နိုင်ငံခြားသား ၁၆၀၀ နှင့် ဒေသခံ ၈၄၅ ဦး စုစုပေါင်း လူ နှစ်ထောင်ကျော်ကို စစ်ဆေးခဲ့ခြင်းဖြစ်ကာ ယင်းတို့အနက် နိုင်ငံခြားသားစုစုပေါင်း ၇၇၀ ကို ဖမ်းဆီးခဲ့ခြင်းဖြစ်သည်ဟု မလေးရှားသတင်းဌာနများတွင် ဖော်ပြထားသည်။

ဖမ်းဆီးခံရသူများထဲတွင် ဘင်္ဂလားဒေ့ရှ်မှ အမျိုးသား ၃၉၄ ဦးနှင့် အမျိုးသမီး နှစ်ဦး၊ မြန်မာနိုင်ငံမှ အမျိုးသား ၂၃၅ ဦး၊ နီပေါနိုင်ငံမှ အမျိုးသား ၇၂ ဦး၊ အိန္ဒိယနိုင်ငံမှ အမျိုးသား ၅၈ ဦး၊ အင်ဒိုနီးရှားမှ အမျိုးသား ၁၇ ဦးနှင့် အမျိုးသမီး နှစ်ဦး ၊ နှင့် အခြားလူမျိုး ကိုးဦးတို့ ပါဝင်ကြောင်းသိရသည်။

အခုဖမ်းဆီးစစ်ဆေးမှုမပြုလုပ်ခင်မှာ လွန်ခဲ့တဲ့သုံးပတ်အတွင်း အထောက်အထားမဲ့ ရွှေ့ပြောင်းနေထိုင်သူတွေနဲ့ ပတ်သက်တဲ့ တိုင်ကြားချက်တွေလက်ခံရရှိပြီးနောက် အခုလိုဝင်ရောက်စစ်ဆေးမှုပြုလုပ်ခဲ့ခြင်းဖြစ်ကြောင်းသိရသည်။

ဖမ်းဆီးခံရသူအများစုမှာ တရားဝင် သက်သေခံ စာရွက်များ ကိုင်ဆောင်ခြင်း မပြုဘဲ တရားဝင်အထောက်အထားမရှိ အလုပ်လုပ်ခြင်းတို့ကြောင့် ဖမ်းဆီးခံရတာဖြစ်တယ်လို့ မလေးရှားသတင်းတွေကဖော်ပြပါတယ္။ 

 

========================

 

📌📌 3/မင်းတပ်-မတူပီကြားတွင် အမျိုးသမီးတစ်ဦးဓားထိုးခံရလို့သေ_ဆုံး ၊ ပြစ်မှုကျူးလွန်သူကိုဖမ်းဆီးရမိ

 

The Matupi Times ၊ ဩဂုတ်လ ၄၊ ၂၀၂၅ 

မင်းတပ်-မတူပီကြား မိုင်(၇၀)ဝန်းကျင်တွင် ဒီကနေ့ စက်တင်ဘာလ ၄ ရက်နေ့၌ အမျိုးသမီးတစ်ဦး ဓားထိုးခံရပြီး သေဆုံးသွားကြောင်း မင်းတပ်သတင်းတွေဖော်ပြပေးနေတဲ့ HKL-Mindat ထံကသိရပါတယ္။

 

ပစ္စည်းလုယက်၊ လူ၊သ၊တ်မှု ကျူးလွန်သူဟာ မကွေးတိုင်း၊ ဆောမြို့နယ်၊ အကြည်ရွာကဖြစ်ကြောင်းနှင့် တစ်ယောက်တည်းကျူးလွန်တာဖြစ်ကြောင်း သူ့ကိုယ်သူ ထွက်ဆိုထားတာကိုလည်းရုပ်သံဖိုင်မှာမြင်တွေ့ရပါတယ္။ 

 

ဒါ့အပြင် တရားခံဟာ ရုပ်သံထဲမှာပြောဆိုတာမျိုးမရှိပေမယ့် အမျိုးသမီးကို ဓားနဲ့ ၁၃ ချက်ထိုး_ပြီး သတ်_၊ခဲ့တာဖြစ်ကြောင်းလည်း ဒေသခံတွေထံကသိရပါတယ္။ 

 

သတ်ခံရမှုကြောင့် သေဆုံးသူမှာ မင်းတပ်မြို့နယ်၊ လေရှိကျေးရွာမှ ဒေါ်ပါရ်အီး (အသက် ၃၀) ဝန်းကျင်ရှိ အမျိုးသမီးတစ်ဦးဖြစ်ကြောင်းသိရပါတယ္။

 

========================

 

📌📌 4/မင်းတပ်မြို့နယ်တွင် ပြည်သူ့ဝန်ဆောင်မှုလုပ်ငန်းများဆောင်ရွက်နိုင်ရန် ကြားကာလမင်းတပ်မြို့နယ်(ပအဖ)က"အိမ်ထောင်စုစာရင်း" ပြုလုပ်ပေးနေ

 

၂၀၂၅ ခုနှစ်၊ စက်တင်ဘာလ (၄) ရက်

မင်းတပ်မြို့နယ်အတွင်းတွင် 'အိမ်ထောင်စု လူဦးရေစာရင်း' ပြုလုပ်ပေးခြင်းများဆောင်ရွက်ပေးနေကြောင်း ဒီကနေ့ စက်တင်ဘာလ ၄၊ ၂၀၂၅ ကြေညာချက်ချက်ထုတ်ပြန်ပါတယ္။

ကြားကာလ မင်းတပ်မြို့နယ်ပြည်သူ့အုပ်ချုပ်ရေးအဖွဲ့အနေဖြင့် မြို့နယ်အတွင်း ပြည်သူ့ဝန်ဆောင်မှုလုပ်ငန်းများ ထိရောက်စွာ လုပ်ကိုင်ဆောင်ရွက်နိုင်ရန်၊ အရပ်ဘက်အဖွဲ့အစည်းများနှင့် ပိုမိုအနီးကပ် ချိတ်ဆက်လုပ်ဆောင်နိုင်ရန်အတွက် မင်းတပ်မြို့နယ်အတွင်း နေထိုင်လျက်ရှိသော ပြည်သူလူထု၏ မြို့နယ်လုံးကျွတ် လူဦးရေစာရင်း ကောက်ခံခြင်း၊ 'အိမ်ထောင်စု လူဦးရေစာရင်း' ပြုလုပ်ပေးခြင်းများကို စနစ်တကျ လုပ်ဆောင်ဆောင်ရွက်လျက်ရှိတယ်လုိ့ ထုတ်ပြန်ပါတယ္။

ဒါ့ကြောင့်ပြည်သူများအနေဖြင့်လည်း သက်ဆိုင်ရာ အုပ်ချုပ်ရေးမှူးများ၊ တာဝန်ရှိသူများနှင့် ပူးပေါင်း၍ ပါဝင်ကူညီပေးကြဖို့လည်း မင်းတပ်(ပအဖ)က မေတ္တာရပ်ခံထားပါတယ္။

ထုတ်ပြန်ချက်တွင် လိုက်နာရမည့်အချက်များကိုလည်းဖော်ပြထားပြီး ဤအိမ်ထောင်စုစာရင်းသည် ကြားကာလမင်းတပ်မြို့နယ်ပြည်သူ့အုပ်ချုပ်ရေးအဖွဲ့ပြဠာန်းသော အိမ်ထောင်စုစာရင်းဖြစ်ပြီး ၊ အိမ်ထောင်စုစာရင်းတွင် ပြောင်းဝင်၊ပြောင်းထွက်နှင့် သေဆုံးမှုရှိပါက သက်ဆိုင်ရာအုပ်ချုပ်ရေးအဖွဲ့ထံအကြောင်းကြားရန်နှင့် ဤအိမ်ထောင်စုစာရင်းကို မင်းတပ်မြို့နယ်အတွင်းသာ ကိုင်ဆောင်ရမယ်လို့ ဖော်ပြထားပါတယ္။

 

========================

📌📌 5/ Miss International Myanmar 2025 အဖြစ် ချင်းတိုင်းရင်သူ နန်းအဉ္ဇလီ ရွေးချယ်ခံရ

 

The Matupi Times ၊ စက်တင်ဘာလ ၄ ၊ ၂၀၂၅

Miss International Myanmar 2025 ကိုယ်စားပြုအဖြစ် ချင်းတိုင်းရင်သူ နန်းအဉ္ဇလီ@Na Na ကို ရွေးချယ်လိုက်ကြောင်းသိရပါတယ္။

ဒီကနေ့ညပိုင်းက ရန်ကုန်၊ Sedona Hotel Grand Ballroom တွင် ကျင်းပပြုလုပ်ခဲ့တဲ့ Miss International Myanmar 2025 ပွဲကြီးရဲ့ Crowning Ceremony & Media Press Conference တွင် Miss International Myanmar 2025 အဖြစ် နန်းအဉ္ဇလီ (Na Na) ကို တရားဝင်မိတ်ဆက်ပေးလိုက်တာဖြစ်ပါတယ္။ 

Miss International Myanmar 2025 Crown ကိုလည်း Miss International 2024 Queen က သရဖူပေးအပ်ချီးမြှင့်ခဲ့တာဖြစ်ပါတယ္။ 

နန်းအဉ္ဇလီ (Na Na)ဟာ လာမယ့် နိုဝင်ဘာလမှာ ဂျပန်နိုင်ငံ၊အိုဆာကာမြို့တွင် ကျင်းပပြုလုပ်မည့် Miss International 2025 ပြိုင်ပွဲတွင် မြန်မာနို်င်ငံကိုယ်စားပြုအဖြစ် သွားရောက်ယှဉ်ပြိုင်ရမှာဖြစ်ပါတယ္။

ပြီးခဲ့တဲ့ ဇွန်လ ၂၇ ရက်ညမှာ ကျင်းပခဲ့တဲ့ မယ်စကြာဝဠာမြန်မာ (Miss Universe Myanmar 2025) ပြိုင်ပွဲမှာလည်း ချင်းပြည်၊ဟားခါးမြို့နယ် ကိုယ်စားပြုအဖြစ် Nan Inzali@Na Na ဝင်ရောက်ယှဉ်ပြိုင်ခဲ့ပြီး (1st Runner Up) ဆုကို ဆွတ်ခူးရရှိခဲ့သူလည်းဖြစ်ပါတယ္။

 

 

========================

📌📌 6/ကစားသမားဘဝနောက်ဆုံးပွဲ ထိုးသတ်မည့် မြန်မာဖိုက်တာအောင်လအန်ဆန်း

 

The Matupi Times ၊ စက်တင်ဘာလ ၃ ၊ ၂၀၂၅ 

မြန်မာဖိုက်တာ အောင်လအန်ဆန်းဟာ ထိုင်းနိုင်ငံ၊ဘန်ကောက်မြို့ Lumpinee Stadium မှာ ကျင်းပပြုလုပ်မယ့် ONE: Fight Night 31 ပြိုင်ပွဲမှာ ပါဝင်ထိုးသတ်သွားမယ်လို့သိရပါတယ္။ 

လာမယ့် အောတိုဘာလ ၃ ရက် နေ့မှာ ကျင်းပမယ့် ONE: Fight Night 31 ၊ပြိုင်ပွဲမှာ မြန်မာဖိုက်တာ အောင်လဟာ lterweight တန်းဖိုက်တာတယောက်ဖြစ်တဲ့ ဆွီဒင်ဖိုက်တာ Zebaztian နဲ့ Middleweight တန်းမှာ ယှဉ္ပြိုင်ထိုးသတ်သွားမှာဖြစ်ပါတယ္။ 

အောင်လအန်ဆန်းက အခုပွဲဟာသူ့အတွက် ကစားသမားဘဝနောက်ဆုံးပွဲ ဖြစ်တယ်လို့ "This will be my final dance. "ဟု သူ့ရဲ့ဖေ့ဘုတ်စာမျက်နှာရေးသားဖော်ပြပါတယ်။ 

ပြိုင်ဖက်ဆွီဒင်ဖိုက်တာဟာ 2023 ခုနှစ်က နောက်ဆုံးထိုးသတ်ခဲ့တာဖြစ်ပြီး ပွဲဝေးနေတာကြာပြီဖြစ်သလို ပြီးခဲ့တဲ့ ONE Fight Night 31 တုန်းကပွဲဖြစ်ခဲ့ပေမယ့် ပြိုင်ဖက်ကနုတ်ထွက်သွားလို့ပွဲပျက်ခဲ့ရပါတယ္။ ONE မှာ ၁၁ ပွဲထိုး ၇ ပွဲနိုင် ၄ ပွဲရှုံးရလဒ်ပိုင်ဆိုင်ထားပေမယ့် နိုင်ပွဲ ၇ ပွဲလုံးကိုအလဲထိုးပြီးပဲ အနိုင်ရခဲ့တဲ့ဖိုက်တာပါ။

အောင်လဟာ ONE မှာပွဲပေါင်း ၁၉ ပွဲထိုးသတ်ထားပြီး ၁၄ ပွဲနိုင် ၅ ပွဲရှုံး ရှုံးရလဒ်ပိုင်ဆိုင်ထားပါတယ်။ အောင်လအနေနဲ့ အခုနောက်ဆုံးပွဲကို အနိုင်ရယူပြီး ကစားသမားဘဝအနားယူသွားမလားဆိုတာကိုတော့ မကြာခင် မြင်တွေ့ရတော့မှာပါ . . . .

#RadioNUGLocalNews

#SpringRevolution