6th JAN 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ ဇန်နဝါရီလ ( ၆ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ ပလက်ဝမြို့နယ်၊ ရှင်းလက်ဝစခန်းကုန်းအား သိမ်းပိုက်လိုက်ကြောင်း AA ထုတ်ပြန်

 

ချင်းပြည်၊ ပလက်ဝမြို့နယ် ရှင်းလက်ဝစခန်းကုန်းကို အပြီးအပိုင်သိမ်းပိုက်နိုင်ခဲ့တယ်လို့ ရက္ခိုင့်တပ်တော် (AA)က ထုတ်ပြန်ထားပါတယ်။ ဇန်ဝါရီလ ၂ ရက်နေ့က ခမောင်းဝစခန်းကုန်းသိမ်းနိုင်ခဲ့ပြီး ဇန်နဝါရီ ၃ရက်နေ့မှာလည်း ရှင်းလက်ဝ စခန်းကုန်းအား အပြီးသတ်သိမ်းပိုက်နိုင်ခဲ့တယ်လို့ ဆိုပါတယ်။

စစ်ကောင်စီစခန်း ၂ ခုသိမ်းမှုအတွင်း လက်နက်ခဲယမ်းနဲ့ စစ်အသုံးဆောင်ပစ္စည်းအမြောက်အမြား သိမ်းဆည်းရရှိခဲ့ကြောင်း ရက္ခိုင့်တပ်တော်(AA)က ထုတ်ပြန်ထားပါတယ်။

၂၀၂၃ ဒီဇင်ဘာလကုန်ပိုင်းကလည်း ရခိုင်ပြည်နယ် မြောက်ဦးခရိုင်ရဲစခန်းအပါအဝင် ချင်းပြည် ပလက်ဝမြို့နယ် ခဝဲဗျူဟာ ကုန်းနှင့်အိန္ဒိယ - မြန်မာနယ်စပ်ရှိ စစ်ကောင်စီတပ်စခန်းတစ်ခုကို ရက္ခိုင့်တပ်တော် (AA) က သိမ်းယူခဲ့ဖူး ပါတယ်။

 

========================

 

📌📌 ၂။ ပလက်ဝမြို့နယ် ခဝဲဗျူဟာကုန်း၊ အိန္ဒိယနယ်စပ် ပွိင့် (၃၇၇) စစ်ဆင်ရေး အခြေကုပ်စခန်းကုန်းတို့ကို သိမ်းပိုက်ထား ကြောင်း AA ထုတ်ပြန်

 

ရခိုင်ပြည် မြောက်ဦးခရိုင်ရဲစခန်း၊ ချင်းပြည် ပလက်ဝမြို့နယ် ခဝဲဗျူဟာကုန်းနဲ့ အိန္ဒိယ - မြန်မာနယ်စပ်က စစ်ကောင်စီ တပ်စခန်းတခုတို့ကို သိမ်းယူလိုက်ကြောင်း ရက္ခိုင့်တပ်တော် AA က ဒီဇင်ဘာလ ၂၉ ရက်နေ့ ထုတ်ပြန်ပါတယ်။

ဒီဇင်ဘာလ ၂၆၊ ၂၇၊ ၂၈ ရက်တွေမှာ အဲဒီ နေရာသုံးခုကို သိမ်းယူရရှိခဲ့တာပါ။

စခန်းကုန်းတွေသိမ်းမှုအတွင်း လက်န၊က်ခဲယ၊မ်းများ၊ စစ်အသုံးအဆောင်ပစ္စည်း အမြောက်အများကိုလည်း သိမ်းဆည်းရမိ ကြောင်း AA က မှတ်တမ်းဓာတ်ပုံတွေနဲ့အတူ ဖော်ပြပါတယ်။

အညံ့မခံဘဲ ထွက်ပြေးနေသူတွေကို လိုက်လံချေမှု၊န်းနေသလို လက်နက်ချအညံ့ခံသူတိုင်းအတွက် အသက်ချမ်းသာခွင့် အပြင် မိသားစု၊ ဆွေမျိုးနဲ့ တွေ့ဆုံခွင့်ရဖို့ အာမခံချက်ပေးကြောင်းလည်း အသိပေးထားပါတယ်။

AA ဟာ ညီနောင်မဟာမိတ်ဖြစ်တဲ့ ကိုးကန့်၊ တအာင်းတပ်တွေနဲ့အတူ ၁၀၂၇ စစ်ဆင်ရေးကို ရှမ်းမြောက်မှာ ဆင်နွှဲနေပြီး ရခိုင်၊ ချင်းပြည် ပလက်ဝနဲ့ အခြားနေရာတွေမှာ ထိုးစစ်ဆင်လျက်ရှိနေပါတယ်။

 

========================

 

📌📌 ၃။ အိန္ဒိယဘက်ခြမ်းထွက်ပြေးတဲ့ စစ်ကောင်စီတပ်သား ၁၄၀ကျော်ကို မြန်မာစစ်တပ်ထံ ပြန်ပို့

 

အိန္ဒိယဘက်ခြမ်းထွက်ပြေးသွားတဲ့ စစ်ကောင်စီတပ်သား ၁၄၀ကျော်ကို အိန္ဒယအစိုးရက မြန်မာစစ်တပ်ထံ ပြန်ပို့လိုက်ပြီလို့ Mizzimaသတင်းဌာနက ရေးသားဖော်ပြပါတယ်။

ဒီစစ်ကောင်စီတပ်သားတွေဟာ ချင်းပြည်၊ ပလက်ဝမြို့နယ်ရှိ ပွိုင့် (၃၇၇) ကို ရက္ခိုင့်တပ်တော် (AA)က ၂၀၂၃ ဒီဇင်ဘာ ၂၈ ရက်နေ့က သိမ်းပိုက်ထားချိန်မှာ အိန္ဒိယဘက်ခြမ်းကို ထွက်ပြေးကြတယ်လို့ ဆိုပါတယ်။

စစ်ကောင်စီတပ်သားတွေကို အာသံရိုင်ဖယ်တပ်က ခေါ်ဆောင်သွားတာဖြစ်ပြီး ဒဏ်ရာရသူတွေကို နယ်စပ်မှာပဲ ဆေးကုပေးတယ်လို့ အိန္ဒိယသတင်းတွေက ဖော်ပြထားပါတယ်။

ထိုမှတစ်ဆင့် Aizawlမြို့မှာ လိုအပ်တဲ့ စစ်ဆေးမှုတွေဆက်လက်ပြုလုပ်ထားပြီး အိန္ဒိယအစိုးရက ဇန်နဝါရီလ ၂ရက်နေ့မှာ မီဇိုရမ်ပြည်နယ် လဲန်ပွီးလေဆိပ်(Lengpui Airport)ကတစ်ဆင့်မြန်မာစစ်တပ်ထံ ပြန်ပို့လိုက်ပါတယ်။ စစ်ရေးမှာ အရေးနိမ့်ပြီး အိန္ဒိယနိုင်ငံ မီဇိုရမ်ပြည်နယ်ဘက်ကို စစ်ကောင်စီတပ်သား အလုံးအရင်းလိုက် ထွက်ပြေးသွားကြတာဟာ အခုနဲ့ဆိုရင် တတိယအကြိမ်ရှိပြီ ဖြစ်ပါတယ်။

 

========================

 

📌📌 ၄။ ဗျူဟာမြောက် ရန်သူ့စစ်စခန်းတခုကို နှစ်သစ်ကူးလက်ဆောင်အဖြစ် ပြည်သူထံ ယူဆောင်ပေးနိုင်ခဲ့ပြီလို့ မန္တလေး PDF ထုတ်ပြန်

မဟာမိတ် တအာင်းအမျိုးသားလွတ်မြောက်ရေးတပ်မတော် (TNLA) နဲ့အတူ နောင်ချိုမြို့နယ်၊ သံဘိုကျေးရွာရှိ စစ်ကောင်စီ အခြေစိုက်စခန်းကို ဝင်ရောက် စီးနင်းတို၊က်ခိုက် သိမ်းပိုက်ခဲ့တယ်လို့ ပြည်သူ့ကာကွယ်ရေးတပ်မတော် (မန္တလေး)က ဇန်နဝါရီလ ၄ရက်နေ့က ထုတ်ပြန်ပါတယ်။

“တောင်တမန်စစ်ဆင်ရေး”လို့ အမည်ပေးထားပြီး စစ်ဆင်ရေး၂ ရက်အတွင်း ဒရုန်း Jammer စက်ကြီးများအပါအဝင် လက်နက်ခဲယမ်းများစွာ သိမ်းဆည်းရရှိတယ်လို့လည်း PDF မန္တလေးက ထုတ်ပြန်ချက်မှာ ဖော်ပြပါတယ်။

၂၀၂၄ ဇန်နဝါရီ (၃) ရက်နေ့ နေ့လယ်မှာ ကျောက်မဲလေးကနေ သံဘိုကျေးရွာဘက် စစ်ကူလာတဲ့ စစ်ကောင်စီတပ်ကို ထပ်မံကြားဖြတ် တိုက်ခိုက်နိုင်ခဲ့ပြီး စစ်ကောင်စီ ထိခိုက်သေဆုံးမှုများတဲ့အပြင် ဒုဗိုလ်မှူးအဆင့်ရှိသူကို ဖမ်းဆီးထားတယ် လို့ ပြောပါတယ်။

သံဘိုကျေးရွာတို၊က်ပွဲမှာ တော်လှန်ရေးပူးပေါင်းတပ်ဘက်ကလည်း ပေးဆပ်မှုရှိခဲ့ပြီး ဒီစစ်ဆင်ရေးဟာ နှစ်သစ်ကူး လက်ဆောင်အဖြစ် ပြည်သူထံ ယူဆောင်ပေးတာဖြစ်တယ်လို့ မန္တလေး PDF က သတင်းထုတ်ပြန်ပါတယ်။

#RadioNUGLocalNews

#SpringRevolution