3rd FEB 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ ဖေဖေါ်ဝါရီလ ( ၃ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ အာဏာသိမ်း သုံးနှစ်အတွင်း ချင်းလူမျိုး ၆၀၀ ကျော် အသက်ဆုံးရှုံး

 

မြန်မာစ၊စ်တပ် အာဏာသိမ်းတဲ့ သုံးနှစ်အတွင်း ချင်းလူမျိုး ၆၁၈ ဦး အသက်ဆုံးရှုံးခဲ့ရတယ်လို့ ချင်းရေးရာအဖွဲ့ချုပ် (ICA) က ထုတ်ပြန်ထားပါတယ်။

စစ်ကောင်စီမှ အာဏာသိမ်းပြီး ၃ နှစ်တာအတွင်း ချင်းအမျိုးသားများအပေါ် လူ့အခွင့်အရေးချိုးဖောက်မှုနဲ့ ချင်းပြည်နယ် အပေါ် ရိုက်ခတ်မှုအစီရင်ခံစာမှာ အခုလိုဖော်ပြတာပါ။

ချင်းပြည်၊ တွန်းဇံမြို့နယ် ၃ ဦး၊ တီးတိန်မြို့နယ် ၃၉ ဦး၊ ဖလမ်းမြို့နယ် ၆၉ ဦး၊ ထန်တလန်မြို့နယ် ၆၄ ဦး၊ ဟားခါးမြို့နယ် ၇၇ ဦး၊ မတူပီမြို့နယ် ၇၂ ဦး၊ မင်းတပ်မြို့နယ် ၉၈ ဦး၊ ပလက်ဝမြို့နယ် ၁၀ ဦးနဲ့ ကန်ပက်လက်မြို့နယ် ၁၃ ဦးတို့ ဖြစ်ပါတယ်။ဒါ့အပြင် ချင်းပြည်ပြင်ပရှိ ချင်းအမျိုးသားတွေနေထိုင်တဲ့ စစ်ကိုင်း၊ မကွေး၊ ရန်ကုန်၊ မန္တလေးနဲ့ အခြားဒေသက ချင်းအမျိုးသား သေဆုံးမှု ၁၇၃ ဦးအထိ ရှိတယ်လို့ ဖော်ပြထားပါတယ်။

အသက်ဆုံးရှုံးရသူ ၆၁၈ ဦးထဲမှာ အရပ်သားပြည်သူနဲ့ စစ်ကောင်စီကို လက်နက်ကိုင် ခုခံတော်လှန်တဲ့ ချင်းတော်လှန်ရေးတပ်ဖွဲ့ဝင် ပါဝင်တယ်လို့ (ICA) က ပြောပါတယ်။

အရပ်သားသေ၊ဆုံးမှု စာရင်းမှာတော့ စစ်ကောင်စီက ပြည်ပရန်သူသဖွယ် လေကြောင်းအသုံးပြု အကြမ်းဖက်တာ၊ မြေမြှပ်မို၊င်းထောင်တာ၊ စွပ်စွဲဖမ်းဆီးနှိပ်စက်ခံရလို့သေ၊ဆုံးတာ၊ လူသားဒိုင်းအဖြစ်ဖမ်းဆီး သ၊တ်ဖြ၊တ်ခံရတာတွေ ပါဝင်ပါတယ်။သုံးနှစ်အတွင်း ချင်းပြည်တခုလုံးမှာ လေကြောင်းတိုက်ခိုက်မှုပေါင်း ၈၄ ကြိမ်ထက်မနည်းခံရပြီး ပြည်သူပိုင်နေအိမ်နဲ့ ဘာသာသာရေးအဆောက်အအုံ ၂၀၀၀ ကျော် မီးရှို့ဖျက်ဆီးခံထားရပါတယ်။

အာဏာသိမ်းကာလ ၂ ဖက်တို၊က်ပွဲကြောင့် နေရပ်စွန့်ခွာထွက်ပြေးနေရတဲ့ ချင်းတိုင်းရင်းသား စုစုပေါင်း ၈၀၀၀၀ (ရှစ်သောင်း) ကျော်ရှိနေတယ်လို့လည်း (ICA) က ထုတ်ပြန်ပါတယ်။

 

========================

 

📌📌 ၂။ ပလက်ဝမြို့နယ်၊ ဟုမ်းရွာကို စစ်ကောင်စီက ဒုတိယအကြိမ် ဗုံးကြဲတိုက်ခိုက်ကြောင့် သေဆုံးသူများမှာ ဆီကုန်သည် များဟု သိရ။

 

ချင်းပြည်နယ်၊ ပလက်ဝမြို့နယ်၊ ဒိုင်ရ်နယ်ဒေသ၊ ဟုမ်းရွာ ကို စစ်ကောင်စီမှ ၂၀၂၄ ဇန်နာဝါရီလ ၂၉ရက် မွန်းလွဲ ၁ နာရီတွင် စစ်ကောင်စီက (၃) ကြိမ်အထိ ဗုံးကြဲ တိုက်ခိုက်ခဲ့ပြီး အရပ်သားပြည်သူ ( ၇ )ဦး အသက်ဆုံးရှုံးတယ်လို့ သိရပါတယ်။

စစ်ကောင်စီ ၏ ယခုဗုံးကြဲတိုက်ခိုက်မှုကြောင့် သေဆုံးသူများမှာ မင်းတပ်မြို့ နယ်၊ ကြုပ်ကျေးရွာက ဆီကုန်သည်များဖြစ်ကြတယ်လို့ သိရပြီး ပလက်ဝမြို့နယ်၊ ဒိုင်ရ်နယ်ဒေသ၊ ဒိုက်ချောင်းဝ ရွာက ပြည်သူ ( ၁ )ဦး အပါအဝင် စုစုပေါင်းပြည်သူ ( ၇ )ဦး သေဆုံးတယ်လို့ သိရပါတယ်။သေဆုံးသူများမှာ ဟုမ်းရွာကို ဆီကုန်သည်များ ဖြစ်တယ်လို့ မြေပြင်သတင်း ရင်းမြစ်ကနေ သိရပါတယ်။

ပြီးခဲ့တဲ့နှစ် ၂၀၂၃ဒီဇင်ဘာလ ၁၉ရက်နေ့ကလည်း ဟုမ်းရွာကို စစ်ကောင်စီက ဗုံးကြဲတိုက်ခိုက်မှုရှိခဲ့ပြီး ယခုတစ်ကြိမ်နှင့်ဆိုရင် ဒုတိယအကြိမ်မြောက် ဗုံးကြဲ တိုက်ခိုက်ခြင်းပဲ ဖြစ်ပါတယ်။ 

 

========================

 

📌📌 ၃။ ချင်းလဲန်းကောင်စီက ချင်းပြည်အစိုးရအဖွဲ့ကို ဝန်ကြီးဌာန ၁၄ ခုဖြင့် ဖွဲ့စည်း

 

ချင်းလဲန်းကောင်စီက ချင်းပြည်အစိုးရအဖွဲ့ကို ဝန်ကြီးဌာန ၁၄ ခုဖြင့် ဖွဲ့စည်းကြောင်း နွေဦးတော်လှန်ရေး ၃ နှစ်ပြည့်တဲ့နေ့ ဖေဖော်ဝါရီလ ၁ ရက်နေ့မှာ ထုတ်ပြန်ကြေညာလာပါတယ်။ 

ချင်းပြည်ကောင်စီ ဒုတိယအကြိမ်အစည်းအ‌ဝေးကို ၂၀၂၄ ဇန်နဝါရီလ ၃၀ ရက်မှ ၃၁ ရက်နေ့အထိ ကျင်းပခဲ့ပြီး ကိုယ်စားလှယ် ၁၀၀ ဦးတက်ရောက်ခဲ့တယ်လို့ ဆိုပါတယ်။ အဲဒီအစည်းအ‌ဝေးမှာ ချင်းပြည်ဖွဲ့စည်းပုံအခြေခံဥပဒေ၊ ရွေးချယ်တင်မြှောက်ရေးကော်မတီက အဆိုပြုတင်သွင်းသော ဝန်ကြီးချုပ်နှင့် ဝန်ကြီးများ၊ ရှေ့နေချုပ်၊ စာရင်းစစ်ချုပ်၊ ချင်းပြည်တရားလွှတ်တော်ချုပ်၊ တရားသူကြီးချုပ်နှင့် တရားသူကြီးများကို အတည်ပြုခဲ့တာပါ။

အမျိုးသားကိုယ်ပိုင်ပြဌာန်းခွင့် အာမခံချက်ရှိတဲ့ ချင်းပြည်တည်ဆောက်ရေး၊ ချင်းအမျိုးသားတည်ဆောက်ရေး၊ ချင်းအမျိုးသားတစ်ရပ်လုံးကို ကာကွယ်စောင့်ရှောက်နိုင်ရေး၊ စစ်ရေးအတွက် အမျိုးသားတပ်မတော်တည်ဆောက်ရေးနှင့် ချင်းပြည်သူလူထုတစ်ရပ်လုံး ပူးပေါင်း ပါဝင်ရေးတို့ကို အကောင်အထည်ဖော်သွားမယ်လို့လည်း ဆိုပါတယ်။ 

ချင်းပြည်ကောင်စီက ချမှတ်ထားတဲ့ ရည်မှန်းချက်ပန်းတိုင်၊ မဟာဗျူဟာနှင့် နည်းဗျူဟာများကို ချင်းပြည်အစိုးရအဖွဲ့က အကောင်အထည်ဖော် ဆောင်ရွက်သွားလို့ သိရပါတယ်။ 

ဒါ့အပြင် အာဏာရှင်စနစ်မှန်သမျှ အမြစ်ပြတ်ချုပ်ငြိမ်းရေး၊ အမျိုးသားကိုယ်ပိုင်ပြဌာန်းခွင့်အာမခံချက်ရှိတဲ့ ဖက်ဒရယ် ဒီမိုကရေစီ ပြည်ထောင်စု ထူထောင်ရေးမှာ စစ်ရေးနှင့်နိုင်ငံရေးကို ဟန်ချက်ညီညီဖော်ဆောင်ပြီး တိုင်းရင်းသား လက်နက်ကိုင်အဖွဲ့အစည်းများ၊ ပြည်သူ့ကာကွယ်ရေးအဖွဲ့များ၊ အစိုးရများ၊ နိုင်ငံရေးပါတီများ၊ အဖွဲ့အစည်းများ၊ လူပုဂ္ဂိုလ်များနှင့် လက်တွဲသွားမည်လို့ ထုတ်ပြန်ချက်မှာ ဖော်ပြထားပါတယ်။

အခုဖွဲ့စည်းလိုက်တဲ့ ချင်းပြည်အစိုးရအဖွဲ့မှာ Pu Pa Thangကို ဝန်ကြီးချုပ်အဖြစ် ခန့်အပ်ထားပါတယ်။

#RadioNUGLocalNews

#SpringRevolution