27h APR 2024 - (Ethnic language program-CHO_DAAI) by Radio NUG

 

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ ဧပြီလ ( ၂၇ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ မင်းတပ်မြို့နယ် လေကြောင်းတိုက်ခိုက်ခံရမှု ထိခိုက်သေဆုံးမှုရှိနေပြီး ပျက်စီးမှုများပြား၊ ပြည်သူတွေ ညတွင်းချင်း တောတောင်ထဲ တိမ်းရှောင်နေရ

 

စစ်ကောင်စီလေတပ်က ဧပြီ ၂၅ရက်က ည ၈ နာရီကျော်မှာ မင်းတပ်မြို့နယ် တိုက်နယ် ၂ ထဲကို လေကြောင်းတိုက်ခိုက်မှု ထပ်လုပ်လို့ လူထိခိုက်သေဆုံးမှုနဲ့ ပျက်စီးမှုများနေပါတယ်။

ဒီဖြစ်စဉ်မတိုင်ခင် မွန်းလွဲပိုင်းကလည်း ဂျက်ဖိုက်တာအပြင် Y 12 အမျိုးအစား ထောက်ပို့လေယာဉ်နဲ့ မင်းတပ်မြို့နယ် တနေရာကို စစ်ကောင်စီက လေကြောင်း တိုက်ခိုက်ခဲ့ပါတယ်။

“လောလောဆယ် ဆုံးတဲ့သူတွေ ရှိတယ်။ အဆောင်တွေလည်း မီးလောင်နေတယ်။ ရွာထဲ ဘယ်သူမှ မနေရဲတော့ဘူး။” လို့ မြေပြင်မျက်မြင်တဦးက ညပိုင်းလေကြောင်းတိုက်ခိုက်ခံရမှု ဖြစ်စဉ်ကို ပြောပါတယ်။

လေကြောင်းတိုက်ခိုက်ခံရတဲ့နေရာဟာ တိုက်နယ် ၂ ထဲက ကျေးရွာလို့ သိရပြီး ဒေသခံတွေ ကျေးရွာအနီး တောတောင် တွေထဲ တိမ်းရှောင်နေရပါတယ်။

၂၀၂၄ မတ်၊ ဧပြီ ၂ လအတွင်း မင်းတပ်မြို့နယ်ရှိ ကျေးရွာ ၈ ရွာဝန်းကျင်မှာ လေကြောင်းတိုက်ခိုက်မှု ခံထားရပြီး သေဆုံးသူ ၄ ဦးနဲ့ ၁၅ ဦးဝန်းကျင် ထိခိုက်ဒဏ်ရာ ရထားပါတယ်။

 

========================

 

📌📌 ၂။ ကျင်ဒွေးမြို့သိမ်းတိုက်ပွဲ အရှိန်မြှင့်မယ်လို့ ကြေညာ၊ နှစ်ဖက်တိုက်ပွဲ ပိုပြင်းထန်လာနိုင်

 

 ‘ချင်းညီနောင်’ စစ်ဆင်ရေးအမည်နဲ့ ဖော်ဆောင်နေတဲ့ ကန်ပက်လက်မြို့နယ်၊ ကျင်ဒွေးမြို့သိမ်းတို၊က်ပွဲကို အရှိန်မြှင့်မယ်လို့ ‘ချင်းညီနောင်’က ပြည်သူလူထုထံ အသိပေးတဲ့ ကြေညာချက် ထုတ်ပြန်လိုက်ပါတယ်။

၂၀၂၃ ဒီဇင်ဘာလက စတင်တိုက်ခိုက်ခဲ့တဲ့ ကျင်ဒွေးမြို့နဲ့ ပတ်သက်တဲ့ စစ်ရေးသတင်းကို အခု တရားဝင် သတင်းထုတ်ပြန်လာတာပါ။

၂၀၂၃ ဒီဇင်ဘာလက CDF နဲ့ PDF ပူးပေါင်းတပ်တို့က ကျင်ဒွေးမြို့ကိုစတင်တိုက်ခိုက်တာဖြစ်ပြီး ၂၀၂၄ မတ်လ ၇ ရက်နေ့မှာ ‘ချင်းညီနောင်’ စစ်ဆင်ရေးအဖြစ် စတင်ဖော်ဆောင်ခဲ့တာလို့လည်း ဆိုပါတယ်။

ကျင်ဒွေးမြို့မှာ စစ်ကောင်စီက အင်အားဖြည့်တင်းမှု၊ လေကြောင်းပစ်ကူ တိုက်ခိုက်မှုတွေ ဆက်တိုက်လုပ်နေတာကြောင့် နှစ်ဖက်ပစ်ခတ်မှု ဆက်တိုက်ဖြစ်ပွားနေတာ ၄ လဝန်းကျင်အထိ ရှိလာနေပြီး နှစ်ဖက်ထိခိုက် ဆုံးရှုံးမှုတွေရှိထားပါတယ်။

၂၀၂၄ ဧပြီလနှောင်းပိုင်းမှာလည်း စစ်ကောင်စီက အင်အား ၁၆၀ ဝန်းကျင်ကို ထပ်မံ အင်အားဖြည့်တင်းလာတာကြောင့် ကျင်ဒွေးမှာ တိုက်ပွဲဆက်ပြင်းထန်လာနိုင်ပါတယ်။

ကျင်ဒွေးမြို့သိမ်းတိုက်ပွဲမှာ အာရက္ခတပ်တော် (AA) က ပါဝင်တိုက်ပွဲဖော်နေတယ်လို့လည်း ‘ချင်းညီနောင်’ ရဲ့  ထုတ်ပြန်ချက်မှာ ဖော်ပြပါတယ်။

ကျင်ဒွေးမြို့သိမ်းတို၊က်ပွဲ စစ်ဆင်ရေးကို နောက်မဆုတ်ဘဲ မဟာမိတ်တွေနဲ့ ပူးပေါင်းပြီး အရှိန်မြှင့်တင်သွားမယ်လို့ PDF – Zoland, CDF – Mindat, CDF – KPL, CDF – Matupi B 1, CNDF, MDF တို့ပါဝင်တဲ့ ‘ချင်းညီနောင်’ က ကြေညာပါတယ်။

 

========================

 

📌📌 ၃။ ကန်ပက်လက်မြို့နယ် လေကြောင်းတို၊က်ခိုက်ခံရ၊ ထိခိုက်ဒဏ်ရာရသူတွေရှိ

 

ကန်ပက်လက်မြို့နယ် ကျေးရွာသုံးရွာမှာ စစ်ကောင်စီလေတပ်က လေကြောင်းတိုက်ခိုက်မှု ပြုလုပ်လို့ ကလေး နှစ်ဦးနဲ့ အသက်ကြီးပိုင်း အမျိုးသားတဦး ထိခိုက် ဒဏ်ရာရတယ်လို့ သိရပါတယ်။

ဧပြီ ၁၇ ရက်နေ့ မွန်းလွဲ ၂ နာရီ ဝန်းကျင်မှာ အုံကျေးရွာ၊ လွီးစုံကျေးရွာနဲ့ ကောက်စောင်းကျေးရွာတွေ လေကြောင်းတိုက် ခိုက်ခံတာပါ။

“ရဟတ်ယာဉ် နှစ်စင်းနဲ့ အရင် ပစ်တယ်၊ ပြီးမှ ဂျက်ဖိုက်တာလာတာ၊ ကလေးနှစ်ယောက်မစိုးရိမ်ရဘူး၊ ဦးလေးတ ယောက်က ပေါင်ကိုကျ၊ည်မှန်တယ်။” လို့ မျက်မြင်တဦးက ပြောပါတယ်။

စစ်ကောင်စီလေတပ်ရဲ့ လေကြောင်းတိုက်ခိုက်မှုကြောင့် အဲဒီရွာတွေက စာသင်ကျောင်းဆောင်အပါအဝင် နေအိမ် အဆောက်အအုံတွေ ထိခိုက်ပျက်စီးမှုများတယ်လို့လည်း သိရပါတယ်။

 

========================

 

📌📌 ၄။ NLD ကနေ ထုတ်ပယ်ခံရတဲ့ ဒုသမ္မတ ဦးဟင်နရီဗန်ထီးယိုကို အနားပေးကြောင်း စစ်ကောင်စီကြေညာ

 

ဒုသမ္မတ ဦးဟင်နရီဗန်ထီးယိုကို တာဝန်ကနေ အနားပေးလိုက်ပြီလို့ စစ်ကောင်စီက ကြေညာလိုက်ပါတယ်။

ကျန်းမာရေးအခြေအနေအရ ဒုသမ္မတကို အနားပေးတာလို့ ပြောထားပါတယ်။

၂၀၂၃ ဇူလိုင် ၃၁ ရက်နေ့ ကျင်းပတဲ့ ကာလုံ (အမျိုးသားကာကွယ်ရေးနဲ့ လုံခြုံရေးကောင်စီ) အစည်းအဝေး တက်ရောက်ခဲ့တဲ့ ဦးဟင်နရီဗန်ထီးယိုကို စစ်ကောင်စီ ထောက်ခံတယ်ဆိုပြီး အမျိုးသားဒီမိုကရေစီအဖွဲ့ချုပ် (NLD) က ပါတီကနေ ထုတ်ပယ်ခဲ့ပါတယ်။

စ၊စ်တပ်အငြိမ်းစားအရာရှိဟောင်း ဦးဟင်နရီဗန်ထီးယိုဟာ ၂၀၁၅ ပါတီစုံဒီမိုကရေစီ ရွေးကောက်ပွဲအပြီးမှာ ဒုတိယ သမ္မတအဖြစ် အမျိုးသားဒီမိုကရေစီအဖွဲ့ချုပ် (NLD) က ခန့်အပ်ထားသူလည်း ဖြစ်ပါတယ်။

#RadioNUGLocalNews

#SpringRevolution