6th MAY 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ မေလ ( ၆ ) ရက်နေ့ ရပြည်တွင်းသတင်းများ

📌📌 ၁. ကျင်ဒွေးမြို့ကိုသိမ်းပိုက်ကြောင်း "ချင်းညီနောင်အဖွဲ့"ကသိမ်းပိုက်

 

The Matupi Times မေလ ၁၊ ၂၀၂၄

ချင်းပြည်နယ်၊ ကန်ပက်လက်မြို့နယ်၊ ကျင်ဒွေးမြိုံရှိ စစ်ကောင်စီတပ်စခန်းကို သိမ်းပိုက်လိုက်ပြီဖြစ်ကြောင်း ချင်းညီနောင်အဖွဲ့ကသိမ်းပိုက်ရရှိသောလက်နက်၊မှတ်တမ်းဓာတ်ပုံအချို့နဲ့အတူ ဒီကနေ့ ၂၀၂၄ မေလ ၁ ရက်နေ့မှာ သတင်းထုတ်ပြန်လိုက်ပါတယ်။

 

ကျင်ဒွေးမြို့စစ်ကောင်စီတပ်စခန်းကိုပြီးခဲ့တဲ့ ၂၀၂၃ ခုနှစ် ဒီဇင်ဘာလ ၂၂ ရက်နေ့မှစတင်ပြီး"CB Operation"အမည်ဖြင့် ချင်းညီနောင်အဖွဲ့ဝင်များနှင့် PDF| YDF| GZA| LPDF၊ BNRA တပ်ဖွဲ့များပူးပေါင်းပြီး ရက္ခိုင့်တပ်တော်(AA)အကူအညီ နဲ့အတူ စစ်ရေးအရှိန်မြှင့်တင်ကာ တိုက်ခိုက်ခဲ့တာပါ။

 

စစ်ဆင်ရေးဖော်ဆောင်ပြီး ၅၄ ရက်အကြာအပြင်းအထန်တိုက်ပွဲဖြစ်ပွားပြီးနောက် ပြီးခဲ့တဲ့ ၂၀၂၄ခုနှစ်၊ ဧပြီလ ၂၉ ရက်နေ့ နံနက်(၉း၃၀)အချိန်တွင် စခန်းတစ်ခုလုံးသိမ်းပိုက်နိုင်ခဲ့သည့်အပြင် စစ်ကောင်စီတပ်ထံမှလက် နက်ခဲယမ်းများကိုလည်း သိမ်းဆည်းနိုင်ခဲ့တယ်လို့ဆိုပါတယ်။

 

တိုက်ပွဲအတွင်းတွင် ၂ ဘက်ကျဆုံးမှုများရှိပြီး ချင်းညီနောင်အဖွဲ့ကသတင်းထုတ်ပြန်ထားခြင်းမရှိပေမယ့် ဗမာအမျိုးသားတော်လှန်ရေးတပ်မတော် (BNRA) BNRA တပ်ရင်း (၁) မှ ရဲဘော်ပိုင်ပိုင် (ခ) နွေရောင် သည် ၂၀၂၄၊ ဧပြီ ၃ ရက်နေ့တွင် ကျင်ဒွေးမြို့သိမ်းစစ်ဆင်ရေးအတွင်း ကျဆုံးသွားကြောင်းသိရပါတယ်။

 

========================

 

📌📌 ၂. Matupi Chin Refugee Community (MCRC) ၏ (၄)ကြိမ်မြောက် နှစ်ချုပ်အစည်းအဝေးနှင့် ဗဟိုအလုပ်အမှုဆောင်ကော်မတီအသစ် ရွေးချယ်တင်မြှောက်ခြင်းအခမ်းအနားပြုလုပ်

 

The Matupi Times မေ ၁ ၊၂၀၂၄

Matupi Chin Refugee Community (MCRC) ၏ (၄)ကြိမ်မြောက် နှစ်ချုပ်အစည်းအဝေးနှင့်ဗဟိုအလုပ်အမှုဆောင်ကော်မတီအသစ် ရွေးချယ်တင်မြှောက်ခြင်းအခမ်းအနားကို ၂၀၂၄ ခုနှစ်၊ မေလ ၁ ရက်နေ့တွင် Lungle District, Thaizawl Matu Refugee Camp တွင် ကျင်းပပြုလုပ်ခဲ့တယ်လို့ သိရပါတယ်။

 

MCRC အနေဖြင့် မီဇိုရမ်ပြည်နယ်သို့ မတူပီမြို့နယ္မှစစ်ဘေးရှာင်လာကြသည့် ပြည်သူများကို ကူညီပံ့ပိုးနိုင်ရေးအတွက် ၂၀၂၁ ခုနှစ်တွင် စတင်ဖွဲ့စည်းခဲ့တာပါ။ လက်ရှိမီဇိုရမ်ပြည်နယ်တွင်မတူပီစစ်ဘေးရှောင်စခန်း ပေါင်း(၅၂)ခုရှိပြီး ၊ မတူပီစစ်ဘေးရှာင်လာသူဦးရေ- ၇၇၁၀ ခန့်နေထိုင်လျက်ရှိကြောင်း MCRC တာဝန်ရှိသူတစ်ဦးက ပြောပါတယ်။

 

ဆက်လက်၍ MCRC သည် မတူပီမြို့နယ်စစ်ဘေးရှောင် ဒုက္ခသည်များ၏ သာရေးနာရေး ကိစ္စရပ်များ တတ်နိူင်သလောက် ဝိုင်းဝန်းပူးပေါင်းကာ ထောက်ပံ့ကူညီပေးခြင်း၊ အရေးပေါ် ခွဲစိတ်လူနာများကို ကူညီထောက်ပံ့ပေးခြင်း၊ အရေးပေါ် ဝန်ဆောင်မှုများကို တတ်နိူင်သလောက် ကူညီခြင်းနှင့် စစ်ဘေးရှောင်များ၏ အခက်အခဲများနှင့် စိတ်ခေါ်မှုများကို ဝိုင်းဝန်း ဖြေရှင်းခြင်း စသည့်လုပ်ငန်းများကိုဆောင်ရွက်လျက်ရှိတယ်လို့ဆိုပါတယ်။ MCRC နှစ်ချုပ်အစည်းအဝေးသို့ ဦးရေစုစုပေါင်း -၇၅ ဦးပါဝင်တက်ရောက်ခဲ့တယ်လို့သိရပါတယ်။

========================

 

📌📌 ၃. စစ်ကောင်စီရဲ့လေကြောင်းတိုက်ခိုက်မှုကြောင့် ကန်ပက်လက်နယ်ဒေသခံပြည်သူများ စစ်ဘေးရှောင်နေရ

 

The Matupi Times ဧပြီလ ၂၉၊၂၀၂၄

စစ်ကောင်စီတပ်မှ ချင်းပြည်နယ်၊ကန်ပက်လက်မြို့နယ်၊ လွန်ဒုံကျေးရွာကို စစ်ကောင်စီတပ်မှ ၂၀၂၄ ခုနှစ်၊ ဧပြီလ ၂၈ ရက်နေ့တွင် နေ့လယ် ၁:၃၀ အချိန်ခန့်တွင် လေကြောင်းတိုက်ခိုက်မှု (၂) ကြိမ် ပြုလုပ်ခဲ့ကြောင်းဒေသခံပြည်သူများထံကသိရပါတယ်။

 

အဆိုပါ လေကြောင်းတိုက်ခိုက်မှုအတွင်း အသက် ၆၈ အရွယ်ရှိ အမျိုးသားတစ်ဦး၊ အသက် ၄၅ နှစ်အရွယ်ရှိ အမျိုးသမီးတစ်ဦး ပြင်းထန်ဒဏ်ရာရရှိခဲ့ပြီး အသက် ၁၈ အရွယ်ရှိ အမျိုးသမီးတစ်ဦး (မစိုးရိမ်ရ) ဒဏ်ရာရရှိခဲ့တယ်လို့ ကန်ပက်လက် မြို့နယ် ပြည်သူ့အုပ်ချုပ် ရေးအဖွဲ့ကထုတ်ပြန်ပါတယ်။

 

တိုက်ခိုက်မှုကြောင့် ခြေထောက်ပြတ်ဒဏ်ရာရရှိခဲ့တဲ့ အသက် ၆၈ နှစ်အရွယ် အမျိုးသား (၁) ဦးမှာ ဧပြီလ ၂၉ ရက်နေ့ညနေ ၃ နာရီ ၄၅ မီနစ်တွင် ၎င်းဒဏ်ရာဖြင့် ဆုံးပါးသွားတယ်လို့ သိရပါတယ်။

 

၂၀၂၄ ခုနှစ် ဧပြီလအတွင်း စစ်ကောင်စီမှ ကန်ပက်လက်မြို့နယ်၊ ဖျန်ချောင်းကျေးရွာ၊ အုံကျေးရွာ၊ လွီးစုံကျေးရွာ၊ ကောက်ဆောင်းကျေးရွာတို့ကို (၁)ကြိမ်စီလာရောက်တိုက်ခိုက်ခဲ့တာကြောင့် ဒေသခံများမှာစစ်ဘေးရှောင်နေရကြောင်း သိရသည်။

 

========================

 

📌📌 ၄. အမျိုးသားများ ပြည်ပထွက်အလုပ်လုပ်ခွင့် စစ်ကောင်စီ ပိတ်ပင်

 

The Matupi Times မေလ ၂၊ ၂၀၂၄

မြန်မာနိုင်ငံကနေ အမျိုးသားတွေကို ပြည်ပရွှေ့ပြောင်းလုပ်သားအဖြစ် စေလွှတ်မယ့်လုပ်ငန်းမှန်သမျှ မေလ ၁ ရက် မနေ့ကစလို့ ယာယီ ရပ်ဆိုင်းလိုက်တယ်လို့ စစ်ကောင်စီ အလုပ်သမားဝန်ကြီးဌာနကပြည်တွင်းမီဒီယာတွေကို အတည်ပြုပါတယ်။

စစ်ကောင်စီကပြဌာန်းလိုက်တဲ့ ပြည်သူ့စစ်မှုထမ်းဥပဒေ အသက်ဝင်လာပြီးနောက် အမျိုးသားတွေ ပြည်ပထွက်ဖို့ ရတဲ့နည်းနဲ့ ပိုမိုကြိုးစားကြတာတွေရှိသလိုတစ်ဘက်မှာလည်း အဆိုပါဉပဒေကြောင့် တော်လှန်ရေးတပ်ဖွဲ့တွေထံ ဆက်သွယ်ဝင်ရောက်သူတွေလည်းရှိနေပါတယ်။

မေ ၁ ရက်နေ့ကစပြီး တင်လာတဲ့ စာရင်းတွေထဲကပဲ ရွှေ့ပြောင်းလုပ်သားအဖြစ် အမျိုးသမီးစာရင်းကိုစေလွှတ်ဖို့ ခွင့်ပြုပေးသွားမှာဖြစ်ပြီး အမျိုးသားစာရင်းကို ဆိုင်းငံ့ကာလအတွင်း လိုအပ်ချက်အရ ရပ်ဆိုင်းထားသွားမှာပါလို့ အလုပ်သမားဝန်ကြီးဌာန အမြဲတမ်းအတွင်းဝန် ဦးညွန့်ဝင်းက RFA ကိုပြောပါတယ်။

 

========================

 

📌📌 ၅. ပလက်ဝမြို့နယ်တွင် လေပြင်းတိုက်မှုကြောင့် နေအိမ်များပျက်စီး

 

The Matupi Times မေလ ၃၊ ၂၀၂၄

ချင်းပြည်နယ်၊ ပလက်ဝမြို့နယ်မှာ ယမန်နေ့ မေလ(၂)ရက်နေ့က လေပြင်းတိုက်ခိုက်ခဲ့တာကြောင့် နေအိမ် အများအ ပြားပျက်စီးခဲ့ တယ်လို့သိရပါတယ်။

 

ပလက်ဝမြို့နယ်၊ မောစုန်းကြီးအုပ်စုနှင့် ပိုင်ဆိန်ကျေးရွာတို့တွင် လည်း ယမန်နေ့မေလ(၂)ရက်နေ့ မနက်ပိုင်းတွင် လေပြင်းမုန်တိုင်း တိုက်ခိုက်ပြီး မိုးသီးများရွာသွန်းမှုကြောင့် ခရစ်ယာန်ဘုရားကျောင်းအပါဝင်လူနေအိမ် ၁၃ လုံး ပျက်စီးခဲ့ရကြောင်းဒေသခံသတင်းကီမိုထံ ကသိရပါတယ်။

 

"လေတိုက်လို့ ရွာက ဘုရားကျောင်း (၁) ကျောင်း၊ လူနေအိမ် ၁၃ လုံးပျက်စီးသွားတယ်။ လေတိုက်ပြီး မိုးသီးတွေ ပါလာတယ်။ အိမ်ခေါင်မိုးတွေလည်း ပေါက်ပျက်စီးသွားတယ်။ ကျန်တဲ့ ရွာမှာက အပျက်စီးမရှိဘူး။"လို့ဒေသခံတစ်ဦးက ပြောပါတယ်။ ပိုင်ဆိန်ကျေးရွာသည် အိမ်ခြေ ၆၀ ခန့်ရှိပြီး တောင်ပေါ်တွင် တည်ရှိသည့် ကျေးရွာဖြစ်သောကြောင့် လေပြင်းတိုက်ခိုက်ခံမှုကြုံတွေ့ခဲ့ရတာလို့ ဒေသခံတွေကဆိုပါတယ်။

အိန္ဒိယနိူင်ငံ၊ မီဇိုးရမ်ပြည်နယ်အတွင်းရှိ မတူပီစစ်ဘေးရှောင်များနေထိုင်ရာ စစ်ရှောင်စခန်းများတွင် ၂၀၂၄ ခုနှစ်၊ မေလ ၊ ၂ ရက်နေ့ ညနေပိုင်း ၈ နာရီ ဝန်းကျင် နှင့် ည ၁၀ နာရီ ဝန်းကျင်တွင် လေးပြင်းမုန်တိုင်း တိုက်ခတ်ခဲ့တာကြောင့် NUGအထက်တန်းစာသင်ကျောင်း ဆောင်အသစ် အပါအဝင် နေအိမ်အများအပြား ပျက်စီးခဲ့ရတယ်လို့သိရပါတယ်။

 

မီဇိုးရမ်ပြည်နယ်အတွင်းရှိမတူပီမြို့နယ်က စစ်ဘေးရှောင်ပြည်သူအများစုနေထိုင်ရာ လုံလေးခရိုင်၊လောင်တလိုင်ခရိုင် နှင့် ကိုလာဆင့်ပ်ခရိုင်(Kolarsip) အတွင်းက စစ်ဘေးရှောင်ပြည်သူများသည် ရုတ်တစ်ရက်မျှော်လင့်မထားသည့် သာမန်လေပြင်းမုန်တိုင်းထက် အားကြီး‌ေသာ သဘာဝဘေးအန္တာရယ်နဲ့ရင်ဆိုင်ကြုံတွေ့ခဲ့ရတယ်လို့ဆိုပါတယ်။

 

အဆိုပါ မုန်တိုင်းတိုက်ခတ်မှုကြောင့် လုံလေးခရိုင်အတွင်းရှိ Thaizawl Matu Refugee Camp ရှိ လူနေအိမ် - ၉ အိမ်နှင့် NUG အထက်တန်းကျောင်း စာသင်ဆောင်အသစ် တစ်လုံး ပျက်စီးခဲ့ရတယ်လို့သိရပါတယ်။

Thaizawl Matu Refugee Camp

 

========================

 

📌📌 ၆. ချင်းပြည်(Chinland)အစိုးရ၏ ကူညီမှုဖြင့် ဂန့်ဂေါ-ရေဇွာလမ်းပိုင်းပြုပြင်ရေးလုပ်ငန်းစတင်ဆောင်ရွက်

 

The Matupi Times မေလ ၄ ၊၂၀၂၄

ဂန့်ဂေါ-ရေဇွာကြားလမ်းပိုင်းကို ချင်းပြည်(Chinland)အစိုးရ၏ ကူညီမှုဖြင့် ၂၀၂၄ခုနှစ်၊မေလ(၂)ရက်နေ့မှစတင်၍ လမ်းပြုပြင်ရေးလုပ်ငန်းစတင်နေပြီြဖစ်ကြောင်း ဇိုတုန်ဖက်ဒရယ်ကောင်စီကသတင်းထုတ်ပြန်ပါတယ်။

အဆိုပါလမ်းပိုင်းဆောင်ရွက်မှုကို ဒေသန္တရအစိုးရက အနီးကပ်ကြီးကြပ်လျက်ရှိပြီး ဇိုတုန်၊မတူပီ၊ မရာ၊လောက်တူ၊ ဆဲန်ထန်ဒေသ နှင့် ဇိုဖေဒေသက ပြည်သူများအတွက် ကုန်စည်သယ်ယူပို့ဆောင်ရာတွင် အဓိကအသုံးပြုကြသောလမ်းမကြီးတစ်ခုဖြစ်တယ်လို့ဆိုပါတယ်။

 

ပြည်သူများသွားလာရေးအဆင်ပြေရန်နှင့် လမ်းပျက်စီးမှုကြောင့်သွားလာရေးခက်ခဲပြီး ကုန်စျေးနှုန်းမြင့်တက်မှုများ လျှော့ချနိုင်ရန်အတွက် ချင်းပြည်(Chinland)အစိုးရ နှင့် မဟာမိတ်များ၏ ပူးပေါင်းကူညီမှုတို့ဖြင့် ဇိုတုန်ဖက် ဒရယ်ကောင် စီက တာဝန်ယူ၍ ရံပုံငွေရရှိမှုပေါ်မူတည်ကာ လမ်းထိန်းသိမ်းပြုပြင်ရေး လုပ်ငန်းကိုဆောင်ရွက်သွား မယ်လို့ ဆိုပါတယ်။

#RadioNUGLocalNews

#SpringRevolution