23 Nov 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ နိုဝင်ဘာလ ( ၂၃ ) ရက်နေ့နောက်ဆုံးရပြည်တွင်းသတင်းများ 

📌📌 ၁။ မင်းတပ်သတင်း အကျဉ်းချုပ်။

 

မင်းတပ်မှာ ၂၀၂၄ နိုဝင်ဘာလ ရက်ပေါင်း ၂၀ ဝန်းကျင်အတွင်း လေကြောင်းတိုက်ခိုက်ခံရမှု အကြိမ် ၄၀ ထက်မနည်းနဲ့ မြို့ပေါ် ရှိနေအိမ်မီးရှို့ခံရမှု အကြိမ်များစွာ ဖြစ်ပွားခဲ့ပါတယ်။

စစ်ကောင်စီ တံတားဦးလေတပ်၊ မကွေးလေတပ်နဲ့ ရှမ်းတဲလေတပ်က မင်းတပ်ကို လေကြောင်း ဗုံးကြဲတို၊က်ခိုက်မှုအများဆုံး လုပ်နေတာဖြစ်ပြီး ခလရ ၂၇၄ တပ်ရင်း၊ ကျောက်ထုမြို့အခြေစိုက် အမတ ၃၆၈ ကလည်း လက်နက်ကြီး ပစ်ခတ်နေတာမျိုးပါ တွေ့ရပါတယ်။

လေကြောင်းတိုက်ခိုက်ခံရမှု၊ လက်နက်ကြီးကျည်နဲ့ နေအိမ်မီးရှို့ခံရတဲ့ ဖြစ်စဉ်တွေကြောင့် ထိခိုက်ပျက်စီးတဲ့ အိမ်ခြေအရေအတွက်ကိုတော့ အတိအကျမသိရသေးပါဘူး။

 

========================

 

📌📌 ၂။ မင်းတပ်မြို့ အနောက်ရပ်ကွက် ရှိ လူနေအိမ်တွေကိုစစ်ကောင်စီကထပ်မံမီးရှို့နေ။

 

မင်းတပ်မြို့အနောက်ရပ်ကွက် ၃ မိုင်နှင့် လှေးကောင်းလမ်းခွဲ့ကြာရှိလူနေအိမ်တွေကို နို၀င်ဘာ ၂၀ ရက်၊ မနက်အစောပိုင်း ၆ နာရီ၀န်းကျင်မှာ စစ်ကောင်စီတပ်ဖွဲ့များက မီးရှို့သွားတယ်လို့ သိရပါတယ်။

ခလရ ၂၇၄ တပ်ရင်းရှိ စစ်ကောင်စီတပ်ဖွဲ့များဟာ အဲဒီနေရာတွေကို သုံးကြိမ်‌မြောက် မီးရှို့ဖျက်ဆီးခဲ့တာဖြစ်ပါတယ်။

စစ်ကောင်စီတပ်ဖွဲ့တွေ မီးရှို့ခဲ့တဲ့နေအိမ်တွေကတော့ ခလရ ၂၇၄ တပ်ရင်းရှိ တပ်ရင်းမှူးနေအိမ်ရဲ့မြောက်ဘက်ခြမ်းမှာရှိတဲ့ လူနေအိမ်တွေဖြစ်တယ်လို့ မင်းတပ်သတင်းတွေ ရေး သားဖော်ပြတဲ့ HKL က သူ့ရဲ့ လူမှုကွန်ရက်ပေါ်မှာ ရေးထားပါတယ်။

ပြီးခဲ့တဲ့နို၀င်ဘာ ၁၈ ရက်နေ့တုန်းကလည်း မင်းတပ်မြို့အနောက်ရပ်ကွက် ၂ မိုင်ပတ်၀န်းကျင်ရှိ လူနေအိမ်တွေကို စစ်ကောင်စီတပ်များက မီးပုလင်းများပစ်ပြီး မီးရှို့ခဲ့ကြတာဖြစ်ပါတယ်။

 

========================

 

📌📌 ၃။ ချင်းပြည်နယ်မှာ ၄ လအတွင်း စစ်ကောင်စီလေကြောင်းတိုက်ခိုက်မှုကြောင့် ကလေးငယ်၊ အမျိုးသမီးအပါအဝင် အရပ်သားပြည်သူ ၅ ဦးသေဆုံးကာ ၁၄ ဦး ဒဏ်ရာရခဲ့။

 

၂၀၂၄ ခုနှစ် ဇွန်လကနေ စက်တင်ဘာလအတွင်း စစ်ကောင်စီက ချင်းပြည်နယ်အတွင်း လေကြောင်းတိုက်ခိုက်မှု စုစုပေါင်း ၃၅ ကြိမ် ပြုလုပ်ခဲ့ပြီး အမျိုးသမီး၊ ကလေးငယ်အပါအဝင် စုစုပေါင်း ၅ ဦးသေဆုံးပြီး ၁၄ ဦး ဒဏ်ရာရခဲ့တယ်လို့ Blood Money-သွေးစွန်းငွေ ဖြတ်တောက်ရေးလှုပ်ရှားတဲ့ အဖွဲ့ရဲ့ နိုဝင်ဘာလ ၂၀ ရက်နေ့ ထုတ်ပြန်တဲ့ အစီရင်ခံစာအရ သိရပါတယ်။

ဒီ ၄ လတာအတွင်း လေကြောင်းတိုက်ခိုက်မှုကြောင့် နေအိမ် ၃၉ လုံး၊ ဘာသာရေးအဆောက်အအုံ ၈ ခု၊ စာသင်ကျောင်း ၂ ကျောင်း ပျက်စီးခဲ့ပြီး  ချင်းပြည်နယ် မတူပီမှာလည်း အထင်ကရ ဘာသာရေးအဆောက်အအုံတွေဖြစ်တဲ့ ယူနီယံ ဓမ္မကောလိပ်၊ မတူပီနှစ်ခြင်း အသင်းတော်နဲ့ တပ်ဒွန်းနှစ်ခြင်းဘုရားကျောင်းတွေ ထိခိုက်ပျက်စီးခဲ့တယ်လို့ Blood Money-သွေးစွန်းငွေ ဖြတ်တောက်ရေးလှုပ်ရှားတဲ့ အဖွဲ့ကထုတ်ပြန်ထားပါတယ်။

ဒီ ၄ လတာအတွင်းမှာ နိုင်ငံအနှံ့အပြားမှာ စစ်ကောင်စီလေကြောင်းတိုက်ခိုက်မှု  အကြိမ် ၁၂၁၀ ပြုလုပ်ခဲ့ပြီး ဒီလေကြောင်းတိုက်ခိုက်ခံရမှုကြောင့် ကလေးငယ် ၄၉ ဦး နဲ့ အမျိုးသမီး ၉၆ ဦး အပါအဝင် အရပ်သားစုစုပေါင်း ၅၄၃ ဦးသေဆုံးပြီး၊ ၈၂၇ ဦး ဒဏ်ရာရခဲ့တယ်လို့လည်း သွေးစွန်းငွေ ဖြတ်တောက်ရေးလှုပ်ရှားတဲ့ အဖွဲ့ရဲ့  ထုတ်ပြန်ချက်အရ သိရပါတယ်။

#RadioNUGLocalNews

#SpringRevolution