25 Nov 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ နိုဝင်ဘာလ ( ၂၅ ) ရက်နေ့ ရပြည်တွင်းသတင်းများ

📌📌 1. လမ်းပန်းဆက်သွယ်ရေးကောင်းမွန်လာစေရန် CDF-Matupi က လုပ်ငန်းများဆောင်ရွက်

 

The Matupi Times ၊ နိုဝင်ဘာလ ၂၃ ၊ ၂၀၂၄

ချင်းညီနောင်စစ်ဆင်ရေးမြို့သိမ်းတိုက်ပွဲအပြီး ၂၀၂၄ခုနှစ်၊ ဇွန်လ ၂၉ ရက်မှ CDF-Matupi က လမ်းပန်းဆက်သွယ်ရေး ကောင်းမွန်လာစေရန် ဦးဆောင်မှုဖြစ် လုပ်ငန်းများ အကောင်အထည်ဖော်ဆောင်ရွတ်လျက်ရှိရာ ကုန်တင်ကား၊လူနာတင်ကား၊ဆိုင်ကယ်များ မြို့ရွာများသို့ အလွယ်တကူသွားလာနိုင်သည်။၎င်းမတိုင်မှီ စစ်ကောင်စီက လမ်းများပြုပြင်ခြင်းမရှိသည့် အတွက် တိုက်ရိုက်သွားလာရန် အခက်ခဲများစွာ ကြုံတွေ့နေရသည်။

ဆက်လက်လုပ်ဆောင်ရန် အစီအစဉ်များ ချမှတ်ဆောင်ရွတ်ပြီး ဆောင်ရွက်ဆဲ မတူပီ- မင်းတပ်လမ်း၊ နှင့် ဆောင်ရွတ်ရန် မတူပီ-ပလက်ဝလမ်း၊မတူပီ-လိုင်လင်းပီ-မီဇိုးရမ်လမ်းများသွားလာနိုင်ရန် ဆောင်ရွတ်သွားမည်ဖြစ်ကြောင်း CDF- Matupi တပ်မဟာ-၁ က နိုဝင်ဘာ ၂၃ -ရက်နေ့တွင် ထုတ်ပြန်ကြေညာခဲ့သည်။

 

========================

 

📌📌 2. မင်းတပ်မြို့သိမ်းတိုက်ပွဲမှာပါဝင်ဖို့အတွက် တောင်ဇလပ်မြေကမ်ပိန်းတွင် ကံစမ်းမဲဝယ်ယူရန် CDF- mindat Fundraising က ပြည်သူများကို ပန်ကြား

 

The Matupi Times ၊ နိုဝင်ဘာလ ၂၀ ၊ ၂၀၂၄

မင်းတပ်မြို့သိမ်းတိုက်ပွဲကို ၂၀၂၄ခုနှစ်၊ နိုဝင်ဘာ(၉)ရက်မှ စတင်ခဲ့ရာမှ ယနေ့ထိ တိုက်ပွဲများ ပြင်းထန်နေပြီး စစ်ကောင်စီတပ်မှ လေကြောင်းဖြင့် နေ့စဉ် ဗုံးကျဲတိုက်ခိုက်ခြင်း၊ လူနေအိမ်များ ၊ဘုန်းကြီးကျောင်းများ များကို နေ့စဉ်မီးရှို့ဖျက်စီး ကျူးလွန်လျက်ရှိသည်။ဤ အခက်အခဲများကို ကျော်လွန်ရန်အတွက် CDF- mindat Fundraising ကော်မတီက ဉီးဆောင်ပြီး ရံပုံငွေရှာဖွေခြင်းအစီအစဉ်ပြုလုပ်ခဲ့ရာ နိုဝင်ဘာ ၁ရက်မှ စတင်ပြီး နိုဝင်ဘာ၃၀ ရက်နေ့အထိ တောင်ဇလပ်မြေကမ်ပိန်း ကံစမ်းမဲတွင် ပါဝင်နိုင်ရန် ဖိတ်ခေါ်လျက်ရှိသည်။ လက်မှတ်ကို တစ်စောင်လျှင် မြန်မာငွေ ၂၀၀၀၀၊ မလေးရှား ရင်းကစ် ၂၀၊ စင်ကာပူဒေါ်လာ ၁၀၊ဩစတေးလျ ၁၀၊ အမေရိကန် ၁၀ ဖြင့် သတ်မှတ်ထားပြီး ဆုများအနေဖြင့်ပထမဆု - ၇၀*၁၉၀ အိမ်မြေကွက် တစ်ကွက်(မင်းတပ်မြို့)၊ဒုတိယဆု- ၆၀ *၅၀ အိမ်မြေကွက် တစ်ကွက်(မင်းတပ်မြို့)၊ တတိယဆု- ၃၀*၆၀ အိမ်မြေကွက် တစ်ကွက်(ထီးလင်းမြို့)တို့ကို သတ်မှတ်ထားကြောင်း သတင်းရရှိသည်။

 

========================

 

📌📌 3. ချင်းလူငယ်ဖိုက်တာ ဆလိုင်း ဂျွန်မွတ် မွေထိုင်းပွဲ ဒုတိယအချီတွင် အလဲထိုးအနိုင်ရ

 

The Matupi Times နိုဝင်ဘာလ ၁၈ ရက်။

ချင်းလူငယ်ဖိုက်တာ ဆလိုင်းဂျွန်မွတ်သည် ထိုင်းစံတော်ချိန် ၉နာရီဝန်းကျင်တွင် ထိုင်းနိုင်ငံ၊ချင်းမိုင်မြို့မှာ

ကျင်းပသည့် Loikroh Boxing Stadium မှာ မွေထိုင်းပွဲ ယှဉ်ပြိုင်ထိုးသတ်ခဲ့ပြီး ပြိုင်ဘက်ထိုင်နိုင်ငံသားကို ဒုတိယအချီတွင် အလဲထိုးအနိုင်ရခဲ့သည်။ ဆလိုင်း ဂျွန်မွတ်သည် ထိုင်းနိုင်ငံတွင် ကျင်းပသည့် MMA ပြိုင်ပွဲတွင် ၂ကြိမ်၊ မွေထိုင်းတွင် ၃ ကြိမ်အနိုင်ရရှိခဲ့ပြီး လက်ရှိမွေထိုင်းပြိုင်ပွဲတွင်လည်း ထပ်မံရရှိခဲ့ကြောင်း သိရသည်။သူသည် MMAပွဲထိုးခွင့်ရဖို့ ထိုင်းနိုင်ငံတွင်နေထိုင်ရန် အခက်ခဲရှိတာကြောင့် မွေထိုင်းကို အတွေ့အကြုံလိုချင်တာကြောင့် ထိုးတာဖြစ်ကြောင်းသိရသည်။MMA လောကတွင် ပရောဖက်ရှင်နယ်ကစားသမားဖြစ်လာသည့်အထိ အောင်မြင်ဖို့ ဆန္ဒပြင်းပြသူဖြစ်ကြောင်းလည်း သိရသည်။

#RadioNUGLocalNews

#SpringRevolution