28 Jul 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ ဇူလိုင်လ ( ၂၈ ) ရက်နေ့ ရပြည်တွင်းသတင်းများ

📌📌 1/ MDF ဒုဥက္ကဋ္ဌ နှင့်ဒေသခံလူငယ် (၂) ဦးကို စစ်သုံးပစ္စည်းများနဲ့အတူ အိန္ဒိယစစ်တပ်ဖမ်းဆီး

 

The Matupi Times ၊ ဇူလိုင် ‌၂၁ ၊ ၂၀၂၅ ။

မီဇိုရမ်ပြည်နယ်၊ ဆိုင်ဟားခရိုင် တိပ (Tipa) ကျေးရွာတွင် မရာလဲန်းကာကွယ်ရေးတပ် (MDF) ဒု ဥက္ကဋ္ဌအပါဝင်(၃)ဦးကို စစ်ဘက်ဆိုင်ရာပစ္စည်းများနှင့်အတူ ဇူလိုင် ၁၇ ရက်နေ့၌ အိန္ဒိယ စစ်တပ်က ဖမ်းဆီးရမိကြောင်း သိရပါတယ်။

 

မီဇိုရမ်ရဲတပ်ဖွဲ့နှင့် အာသံရိုင်ဖယ်တပ်‌တို့က ပူးပေါင်းဖမ်းဆီးခဲ့ခြင်းဖြစ်ပြီး MDF ဒုဥက္ကဋ္ဌ ဖြစ်သူ NB Sila နှင့် မီဇိုရမ်ဒေသခံ လူငယ် ၂ ဦးတို့ ဖမ်းဆီးခံခဲ့ရတယ်လို့သိရပါတယ္။ ဖမ်းဆီးခံရစဉ် ကားပေါ်၌ စစ်အသုံးဆောင်ပစ္စည်းတွေဖြစ်တဲ့ ကျည်ကာအင်္ကျီ၊ ကျည်ကာဦးထုပ်များနှင့် ခဲယမ်းတချို့ ပါဝင်ကြောင်းသိရပါတယ်။ 

 

ဖမ်းဆီးထားသည့် MDF ဒုဥက္ကဋ္ဌနှင့် ဒေသခံ၂ ဦးတို့ကို မည်ကဲ့သို့ အရေး ယူမည်ဆိုသည့်အကြောင်းကိုတော့ အိန္ဒိယဘက်က ထုတ်ပြန်ပြောဆိုခြင်း မရှိသေးပါဘူး။

 

========================

 

📌📌 2/ မတူပီမြို့နယ်ပညာရေးဘုတ်အဖွဲ့မှ ကြားကာလပြည်သူ့ပညာရေးဆောင်ရွက်နိုင်ရန် ကံစမ်းမဲလက်မှတ်များစတင်ရောင်းချ

 

The Matupi Times ၊ ဇူလို်င် ၂၃ ၊ ၂၀၂၅ 

မတူပီမြို့နယ်ပညာရေးဘုတ်အဖွဲ့မှ ကြားကာလပြည်သူ့ပညာရေးရှေ့ဆက်လုပ်ငန်းများဆောင်ရွက်နိုင်ရေးအတွက် ကံစမ်းမဲလက်မှတ်များရောင်းချလျက်ရှိကြောင်းသိရသည်။

ကံစမ်းမဲလက်မှတ်ဈေးနှုန်း တစ်စောင်လျှင်ကျပ် (၁၀၀၀၀)ဖြင့်ဇူလိုင်လ(၂၀.၇.၂၀၂၅)ရက်နေ့မှ စတင် ရောင်းချပေးနေပြီး (၂၆.၉.၂၀၂၅)ရက်နေ့တွင် Online live မှတဆင့် တိုက်ရိုက်ကြေငြာ ပေးသွားမယ်လို့သိရပါတယ္။ 

ပညာရေးဘုတ်အဖွဲ့မှပြုလုပ်နေတဲ့ ယခုရန်ပုံငွေကံစမ်းမဲအစီအစဉ်တွင် ပြည်တွင်း၊ပြည်ပရှိ မိဘပြည်သူများအားလုံး ပူးပေါင်းပါဝင်ကြဖို့လည်း မတူပီပညာရေးဘုတ်အဖွဲ့က တောင်းဆိုထားပါတယ္။ 

----

လက်မှတ်ဝယ်ရန် - https://www.facebook.com/share/p/163SPTYpDj/

---

ဆုများအနေဖြင့် 

ကံစမ်းမဲ ပထမဆု - နွားနောက်ထီးတစ်ကောင်

ဒုတိယ ကံထူးရှင် Laptop၊

တတိယကံထူးရှင် Mobile Phone

အခြားသောဆုလာဘ်များ

Solar 150 Ah,Battery 150 Ah,Power Bank "

 

========================

 

📌📌 3/ တီအိုချောင်းမှာရေနစ်သေဆုံးတဲ့ ချင်းလူငယ်ရုပ်အလောင်း ကို(၂)ရက်ကြာမှာပြန်တွေ့ ၊ အလောင်းရှာရာမှာ ကူညီပေးခဲ့တဲ့ အမျိုးသား အမောဖောက်ပြီးသေဆုံး

 

The Matupi Times ၊ ဇူလိုင်လ ၂၃၊ ၂၀၂၅။

အိန္ဒိယ-မြန်မာ နယ်စပ် တီအိုချောင်းမှာမတော်တဆရေနစ်သေဆုံးခဲ့တဲ့ ချင်းလူငယ် Khai Deih Tung (အသက် ၁၈)နှစ် ရဲ့ ရုပ်အလောင်းကို (၂)ရက်အကြာမှာပြန်တွေ့ပြီလို့သိရပါတယ္။

ရေနစ်သေဆုံးသူမှာ ချင်းပြည်နယ်၊ တီးတိန်မြို့နယ်၊ Mualhlum ကျေးရွာဒေသခံဖြစ်ကြောင်းသိရပြီး ပြီးခဲ့တဲ့ ဇူလိုင်လ ၂၁ ရက်နေ့ (တနင်္လာနေ့) ညနေပိုင်း၌ တီအိုချောင်းမှာမတော်တဆရေနစ်သေဆုံးခဲ့တာဖြစ်ပါတယ်။ 

သူ့ရဲ့ရုပ်အလောင်းကို မီဇိုရမ် ၊Tlangsam ကျေးရွာ ဒေသခံများက (၂) ဆက်တိုက်ရှာဖွေခဲ့ပြီးနောက် ဒီကနေ့ ညနေ(၁)နာရီခန့်မှာ ပြန်လည်တွေ့ရှိခဲ့တာလို့သိရပါတယ္။

အဆိုပါ ချင်းလူငယ်ရဲ့ရုပ်အလောင်းကို Melbuk ရွာနဲ့ Ruantlang ရွာအစပ် တီအိုချောင်းမှာ Melbuk YMA ဘဏ္ဍာရေးမှူးက ဒီကနေ့ ၁ နာရီခန့်မှာ တွေ့ရှိခဲ့ပြီးနောက် ပြန်လည် ဆယ်ယူခဲ့ကြတာလို့သိရပါတယ်။ သူ့ရဲ့ရုပ်အလောင်းကိုတော့ သူ့ရဲ့ဇာတိရောက်သည်အထိ Melbuk Branch YMA တာဝန်ရှိသူများက တာဝန်ယူ ကူညီပေးသွားမယ်လို့သိရပါတယ္။

သူ့ရဲ့ ရုပ်အလောင်းရှာဖွေရာမှာ ပါဝင်ကူညီပေးခဲ့တဲ့ Pu Lalhmunsiama (အသက် ၆၀ နှစ်)သည် ယမန်နေ့ နေပိုင်း(၅)နာရီခန့်မှာ မောပန်းလွန်းတာကြောင့် နီးစပ်ရာဆေးခန်းမှတဆင့်ဆေးရုံသို့ပို့ဆောင်ပေးခဲ့ကြပေမယ့် ည(၈)နာရီအချိန်ခန့်မှာ အမောဖောက်ပြီး သေဆုံးသွားကြောင်းသိရပါတယ်။

 

========================

 

📌📌 4/ ချင်းအမျိုးသားကောင်စီ-မတူပီသည် မတူပီပြည်သူလူထုကို(လုံးဝ) ကိုယ်စားမပြုကြောင်း MRO/CDF-Matupi သတင်းထုတ်ပြန်

 

The Matupi Times ၊ ဇူလိုင် ၂၅ ၊ ၂၀၂၅ 

မကြာသေးခင်က ဖွဲ့စည်းလိုက်တဲ့ ချင်းအမျိုးသားကောင်စီ-မတူပီသည် MRO/CDF-Matupi နှင့် မတူပီပြည်သူလူထုကို လုံးဝကိုယ်စားမပြုကြောင်း ဒီနေ့ ဇူလိုင်လ ၂၅ ရက်နေ့မှာ MRO/CDF-Matupi ကသတင်းထုတ်ပြန်ပါတယ္။

ချင်းအမျိုးသားကောင်စီကို-မတူပီကို ၂၀၂၅ ခုနှစ် ဇူလိုင် ၁၄ ရက်နေ့မှာ ဖွဲ့စည်းကြောင်းသတင်းထုတ်ပြန်ခဲ့တာပါ။ ကောင်စီဖွဲ့စည်းကြောင်းထုတ်ပြန်ကြေငြာပြီးနောက် တပတ်အကြာမှာ MRO/CDF-Matupi ကအခုလို ထုတ်ပြန်လာတာဖြစ်ပါတယ္။ 

MRO/CDF-Matupi ကို ၂၀၂၅ ခုနှစ် ဧပြီလမှာပြုလုပ်ခဲ့တဲ့ CDF-Matupi (၄)နှစ်ပြည့်ညီလာခံမှ အတည်ပြုဖွဲ့စည်းခဲ့တာဖြစ််ပြီး နွေဦးတော်လှန်ရေးကာလအတွင်း မတူပီမြို့နယ်အရေးတွင် နိုင်ငံရေး၊စစ်ရေး၊ ကိုယ်စားပြုတဲ့အဖွဲ့ဖြစ်တယ်လို့ဆို MRO/CDF-Matupi ကထုတ်ပြန်ပါတယ္။ 

MRO/CDF-Matupiရဲ့ဒီနေ့ထုတ်ပြန်ချက်မှာ တော်လှန်ရေးကာလအတွင်း မတူပီမြို့နယ်၏ နိုင်ငံရေးစစ်ရေးကိုယ်စားပြုနိုင်ရန် ဖွဲ့စည်းထားသည့် MRO/CDF-Matupi အပြင် ထပ်မံဖွဲ့စည်းထားသည့် မည်သည့်အဖွဲ့အစည်း၊ကောင်စီမဆို MRO/CDF-Matupi ကိုကိုယ်စားမပြုသလို မတူပီပြည်သူလူထုကိုလည်း လုံးဝကိုယ်စားမပြုဘူးလို့ဆိုပါတယ္။

ဒါ့အပြင် ချင်းပြည်အရေး ၊ မြန်မာ့အရေးတွင် MRO/CDF-Matupi အမည်နာမတခုတည်းဖြင့်သာ ဆက်လက်ပါဝင်နေပြီး ICNCC/CB သို့ ကောင်စီဝင်များ/အဖွဲ့ဝင်များစေလွှတ်ရာတွင်လည်း MRO/CDF-Matupi အမည်တခုတည်းဖြင့်သာချိတ်ဆက်ပူးပေါင်းလျက်ရှိတယ်လို့ထုတ်ပြန်ပါတယ္။

၂၀၂၅ခုနှစ်၊ ဇူလိုင်လ ၁၄ ရက်နေ့က ချင်းအမျိုးသားကောင်စီ - မတူပီရဲ့ ထုတ်ပြန်ချက်မှာတော့ မတူပီမြို့နယ်ဆိုင်ရာကောင်စီတရပ်အား ဖွဲ့စည်းရန် အတွက် မတူပီမြို့အား စစ်ကောင်စီလက်အောက်မှမသိမ်းပိုက်ခင်ကတည်းက မတူပီတစ်မြို့နယ်လုံးရှိ တော်လှန်ရေးအစုအဖွဲ့အားလုံးမှ သဘောတူညီခဲ့ကြပြီး ကောင်စီဉပဒေမူကြမ်းအား (၆)လကျော်ရေးဆွဲခဲ့ကြပြီးနောက် အဲ့ဒီ့ မူကြမ်းကိုလည်း ၂၀၂၅ ၊ ဇန်နဝါရီလ ၁ ရက်နေ့တွင် အားလုံးသဘောတူ အတည်ပြုခဲ့ကြတယ်လို့ ထုတ်ပြန်ချက်မှာဖော်ပြထားပါတယ္။

 

========================

 

📌📌 5/CDF-ZOTUNG ရဲ့ (၄) ကြိမ်မြောက် Special Force Training သင်တန်းဆင်းပွဲကျင်းပ

 

The Matupi Times ၊ ဇူလိုင်လ ၂၆ ၊ ၂၀၂၅ 

CDF-ZOTUNG မှ ဦးစီးကျင်းပသည့် (၄) ကြိမ်မြောက် Special Force Training ပြီးစီးမှုနှင့် ရဲဘော်သစ်များအား ဆုပေးခြင်း၊ ဆုတောင်းပေးခြင်းအခမ်းအနားကို ၂၀၂၅ ခုနှစ်၊ ဇူလိုင်လ (၂၄) ရက်နေ့တွင် ဇိုတုန်‌ဒေသတစ်နေရာ၌ အောင်မြင်စွာကျင်းပပြုလုပ်နိုင်ခဲ့ကြောင်းသိရသည်။ 

CDF-Zotung အနေဖြင့် တန်းတူညီမျှမှုအပြည့်အ၀ရှိသော ပြည်ထောင်စုနိုင်ငံ‌‌တော်တည်ဆောက်ရေးနှင့် အမိချင်းလဲန်း၊ ချင်းလဲန်းရှိပြည်သူများအတွက် ဆက်လက်၍တိုက်ပွဲဝင်သွားမယ်လို့ဆိုပါတယ္။

CDF-Zotung သည် ဇိုတုန်ဒေသခံလက်နက်ကိုင်အဖွဲ့ဖြစ်ပြီး ချင်းပြည်တောင်ပိုင်း၊ရေဇွာမြို့ကို ZZLMS Operation အမည်ဖြင့် ၂၀၂၃ ခုနှစ်နိုဝင်ဘာ ၂၉ ရက်နေ့နံနက် ၁၀:၀၀ နာရီတွင် သိမ်းပိုက်ခဲ့တာဖြစ်ပါတယ္။

 

========================

 

📌📌 6/ ၂၀၂၅ ခုနှစ်တက္ကသိုလ်ဝင်တန်းစာမေးပွဲတွင် ချင်းပြည်နယ်မှ ၁၁၀ ဦးအောင်မြင် 

 

The Matupi Times ၊ ဇူလိုင် ၂၇ ၊ ၂၀၂၅ 

၂၀၂၅ ခုနှစ် တက္ကသိုလ်ဝင်တန်းစာမေးပွဲအောင်စာရင်းကို မြန်မာနိုင်ငံစာစစ်ဦးစီးဌာန၊ပညာရေးဝန်ကြီးဌာနက ဒီနေ့ မနက်ပိုင်းမှာ ထုတ်ပြန်ပါတယ္။

ပြည်တွင်းမှာ မွန်ပြည်နယ်က ၅၇ ရာခိုင်နှုန်းကျော်နဲ့ အောင်ချက်အများဆုံးဖြစ်ပြီး ရန်ကုန်တိုင်း၊ ကယားပြည်နယ်နဲ့ တနင်္သာရီတိုင်းတို့ကလည်း အောင်ချက် ၅၀ ရာခိုင်နှုန်းဝန်းကျင်နဲ့ အများဆုံး ဖြစ်ပါတယ်။

ချင်းပြည်နယ်မှာတော့ ၂၀၂၅ ခုနှစ် တက္ကသိုလ်ဝင်စာမေးပွဲကို စစ်ကောင်စီထိန်းချုပ်ထားတဲ့အထက(၁) ဟားခါး နှင့် အထက(၁) တီးတိန် စတဲ့ စာစစ်ဌာန နှစ်ခု မှာသာ ကျင်းပ နိုင်ခဲ့ပြီး ဖြေဆိုသူ ၄၀၈ ဦးအနက်အောင်မြင်သူ ၁၁၀ ဦးရှိပြီး ဂုဏ်ထူးနဲ့အောင်မြင်သူမရှိသလို အောင်ချက် ၂၇ ရာခိုင်နှုန်းဝန်းကျင်နဲ့ အနည်းဆုံးဖြစ်ပါတယ္။

ယမန်နှစ် ၂၀၂၄ ခုနှစ်တုန်းက ချင်းပြည်မှာ တက္ကသိုလ်ဝင်တန်း စာမေးပွဲ ဖြေဆိုသူ ၄၃၅ ဦးထဲမှ ၃၃၈ ဦး အောင်မြင်ခဲ့ပြီး ဂုဏ်ထူးဖြင့်အောင်မြင်သူ (၁၇၃) ဦးရှိခဲ့သလို ၄ ဘာသာ ဂုဏ်ထူးနဲ့(၂) ဦး အောင်မြင်ခဲ့ပါတယ်။

#RadioNUGLocalNews

#SpringRevolution