29 Sep 2025 - (Ethnic language program-Matupi) by The Matupi Times

 

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ စက်တင်ဘာလ ( ၂၉ ) ရက်နေ့ ရပြည်တွင်းသတင်းများ

📌📌 1/ မင်းတပ်မြို့ပေါ် ၂ နေရာကို စစ်ကော်မရှင် ဗုံးကြဲ ၊ နေအိမ် ၇ လုံးခန့်ပျက်စီး

 

The Matupi Times ၊ စက်တင်ဘာလ ၂၂ ၊ ၂၀၂၅

ချင်းပြည်နယ်၊ မင်းတပ်မြို့ပေါ်(၂)နေရာက်ို စစ်ကော်မရှင်က ယမန်နေ့ညပိုင်းတွင် ဗုံးကြဲတိုက်ခိုက်ခဲ့ကြောင်း သိရသည်။ 

“ယမန်နေ့ည 9:40 PM အချိန်နှင့် ၉ ၅၁ အချိန်တို့တွင် နေပြည်တော် အေလာလေတပ်တက် ဂျက်ဖိုက်တာ ၂ စီး မှ မင်းတပ်မြို့ပေါ် ၂ နေရာကို ဗုံး ၄ လုံးဖြင့် လေကြောင်းတိုက်ခိုက်သွားတယ်လို့” မင်းတပ်သတင်းတွေဖော်ပြပေးနေတဲ့ မင်းတပ်ဒေသခံ HKl-Mindat ကရေးသားဖော်ပြထားပါတယ်။ 

စစ်ကော်မရှင်ရဲ့ ဗုံးကြဲတိုက်ခိုက်မှုကြောင့်ပြည်သူ့ နေအိမ် ၇ လုံးဝန်းကျင်ခန့် ထိခိုက်ပျက်ဆီးသွားကြောင်းသိရပြီး ၊ ထိခိုက်ဒဏ်ရာရသူရှိမရှိကိုလည်း The Matupi Times အနေဖြင့်ဆက်သွယ်စုံစမ်းနေပါတယ်။

စစ် ကော်မရှင်ဟာ လာမယ့်ဒီဇင်ဘာလမှပြုလုပ်မယ့် ရွေး ကောက်ပွဲကို ချင်းပြည် တောင်ပိုင်းက မင်းတပ်၊မတူပီ၊ကန်ပက်လက်၊ပလက်ဝမြို့နယ် တွေမှာ ကျင်းပပြုလုပ်တေတာ့မည်မဟုတ် ကြောင်း ကြေငြာထားပါတယ်။

 

========================

 

📌📌 2/ ပြည်သူ့ပန်းတိုင်၊ပေါင်းစည်းလမ်းအသက်မွေးသင်တန်းဌာနမှ CDM ဝန်ထမ်းနှင့် စစ်ဘေးရှောင်များ အတွက် အခြေခံစက်ချုပ်သင်တန်း စတင်ဖွင့်လှစ်

 

The Matupi Times ၊ စက်တင်ဘာလ ၂၃ ၊ ၂၀၂၅ 

အိန္ဒိယနိုင်ငံ၊ မီဇိုရမ်ပြည်နယ်၊ အိုက်လ်ဇော်လ်မြို့တွင် CDM စစ်သား၊ ရဲနှင့် မိသားစုဝင်များ၊ အရပ်ဖက် CDM ဝန်ထမ်းနှင့် စစ်ဘေးရှောင်များ အတွက် "အခြေခံစက်ချုပ်သင်တန်း အမှတ်စဉ် (၁)" ကို ပြည်သူ့ပန်းတိုင် ပေါင်းစည်းလမ်းအသက်မွေးသင်တန်းဌာနမှ စက်တင်ဘာလ ၂၂ ရက်နေ့၌ စတင်ဖွင့်လှစ်ခဲ့ကြောင်းသိရသည်။

သင်တန်းတွင် သင်တန်းသား (၁၀) ဦး တက်ရောက်နေပြီး အခြေခံစက်ချုပ်ပညာရပ်များနှင့် ချည်ထိုး၊ ပန်းထိုး ပညာရပ်များကို ရက်သတ္တပတ် (၈) ပတ်ကြာ ဖွင့်လှစ်သင်ကြားပေးသွားမှာဖြစ်ပြီး အခြေခံစက်ချုပ်ခြင်းကို ပိုင်နိုင်ကျွမ်းကျင်မှု ရရှိစေရန် စာတွေ့၊လက်တွေ့ ပေါင်းစပ်၍ ဆွေးနွေးပို့ချပေးသွားမယ်လို့သိရပါတယ္။

အခုသင်တန်းကို တော်လှန်ရေးကာလအတွင်း အကြောင်းအမျိုးမျိုးကြောင့် နေရပ်စွန့်ခွာလာသည့် အမျိုးသမီးများ ရောက်ရာနေရာတွင် ဘဝရပ်တည်၊ရှင်သန်နိုင်ရေးအတွက် သက်မွေးမှုပညာရပ်တခု တတ်မြောက်ထားစေရန် ပြည်သူ့ပန်းတိုင်က ရည်ရွယ်ပြီးဖွင့်လှစ်ခြင်း ဖြစ်ကြောင်းသိရသည်။

 

========================

 

📌📌 3/ ချင်းအမျိုးသားတက္ကသိုလ် (CNU) ရဲ့ အကြိုကောလိပ် ဒီပလိုမာသင်တန်း ပထမသုတ် ဘွဲ့နှင်းသဘင်အခမ်းအနားကျင်းပ 

 

The Matupi Times ၊ စက်တင်ဘာလ ၂၄ ၊ ၂၀၅ 

ချင်းပြည်(Chinland) အစိုးရ ပညာရေးဝန်ကြီးဌာန၊ ချင်းအမျိုး သားတက္ကသိုလ် (Chin National University-CNU) ရဲ့ ပထမအကြိမ် အကြိုကောလိပ် ဒီပလိုမာသင် တန်းဘွဲ့နှင်းသဘင်အခမ်းအနားကို ဒီကနေ့ စက်တင်ဘာလ ၂၄ ရက်နေ့မှာ ကျင်းပပြုလုပ်ခဲ့ကြောင်း သိရသည်။ 

ဘွဲ့နှင်းသဘင်အခမ်းအနားကို ချင်းပြည်လွတ်မြောက်နယ်မြေတနေရာမှာ ကျင်းပပြုလုပ်ခဲ့တာဖြစ်ပြီးအကြိုကောလိပ် ဒီပလိုမာသင်တန်း ပထမအသုတ် တက်ရောက်ခဲ့ကြတဲ့ ကျောင်းသား/ကျောင်းသူ ၁၄၀ ထံ ဒီပလိုမာဘွဲ့လက်မှတ်တွေ ပေးအပ်ခဲ့တယ်လို့ သိရပါတယ်။

ချင်းအမျိုးသားတက္ကသိုလ် (CNU) ရဲ့ အကြိုကောလိပ်ဒီပလိုမာသင်တန်းကို ယခုနှစ်ဇန်နဝါရီလကနေ စတင်ဖွင့်လှစ်ခဲ့တာဖြစ်ပြီး ဒီပလိုမာသင်တန်းပြီးမြောက်အောင်မြင်သူတွေဟာ ချင်းအမျိုးသားတက္ကသိုလ် ပုံမှန်သင်တန်းသို့ သင်တန်းနှစ်အလိုက် ဆက်လက်တက်ရောက်ခွင့်ရှိမှာဖြစ်တယ်လို့ဆိုပါတယ္။

ဒီကနေ့ပြုလုပ်တဲ့ ဘွဲ့နှင်းသဘင်အခမ်းအနားကို ချင်းပြည်(Chinland) အစိုးရ ဝန်ကြီးချုပ်၊ ပညာရေးဝန်ကြီး၊ လွှတ်တော် ဥက္ကဌတို့အပါအဝင် တာဝန်ရှိသူတွေတက်ရောက်ချီးမြှင့်ခဲ့ကြကြောင်းသိရသည်။

ချင်းအမျိုးသားတက္ကသိုလ် (CNU) ၏ အကြိုကောလိပ် ဒီပလိုမာသင်တန်း ဒုတိယအသုတ်ကို ယခုနှစ် နိုဝင်ဘာလတွင် စတင်ဖွင့်လှစ်သွာမည်ဟု စက်တင်ဘာလ ၃ ရက်မှာ ချင်းပညာရေးဝန်ကြီးဌာနက ထုတ်ပြန်ထားသည်။

 

========================

 

📌📌 4/ Chinland Council အဖွဲ့ တာဝန်ရှိသူများကို ရွေး ကောက်ပွဲပျက်ပြား စေရန် ဟော ပြောခြင်းနှင့်လှုံ့ ဆော်မှုဖြင့် စစ်ကော်မရှင်က အမှုဖွင့်

 

The Matupi Times ၊ စက်တင်ဘာလ ၂၅ ၊ ၂၀၂၅ 

စစ်ကော်မရှင်၏ ရွေး ကောက်ပွဲပျက်ပြား စေရန် ဟော ပြောခြင်းနှင့်လှုံ့ ဆော်မှုဖြင့် KNU အဖွဲ့နှင့် Chinland အဖွဲ့ တာဝန်ရှိသူများ၊ တယ်လီဂရမ်ချန်နယ်အချို့နှင့် လူပုဂ္ဂိုလ်အချို့ကို ပါတီစုံဒီမိုကရေစီအထွေထွေရွေးကောက်ပွဲများကို စစ်ကော်မရှင်က အမှုဖွင့်ထား ကြောင်း စစ်ကော်မရှင်ကထုတ်ပြန်ပါတယ္။

ချင်းပြည်နယ်၊ ထန်တလန်မြို့နယ်၌ ရွေးကောက်ပွဲဆိုင်ရာလုပ်ငန်းစဉ်များ ပျက်ပြားစေရန် ဩဂုတ် ၃၁ ရက်တွင် ဟောပြောခြင်း၊ ပြောဆိုခြင်းများ ပြုလုပ်ခြင်းကြောင့် ချင်းလဲန်းကောင်စီအဖွဲ့ဝင်(၁၇)ဦးကို ချင်းပြည်၊ဟားခါးမြို့မရဲစခန်းတွင် ၂၀၂၅ ၊ စက်တင်ဘာ ၄ ရက်နေ့၌ အမှုဖွင့်ထား တယ်လို့ ပြည်တွင်းအခြေစိုက်သတင်းတွေက ရေးသားဖော်ပြပါတယ္။

အမှုဖွင့်ခံရသူများမှာ Chinland Council ဥက္ကဌ ပူဇင်ကျုံး ၊ ချင်းလဲန်းအစိုးရအဖွဲ့ ဝန်ကြီးချုပ် ဦးပါထန်၊ ဒေါက်တာ ရွှေခါရ်း၊ ဦးထောင်ဇလျန်း၊ ဦးရိုဘင်၊ ဦးစိန်အောင်၊ ဒေါက်တာ တိာနှင်း ၊၊ ဒေါက်တာ ရှရွန်ပါရ်၊ ဦးဆလိုင်းမနားကီး၊ ဆလိုင်းဂျိုးဇက် လားရမ်းလော်မာ၊ ဒေါ်နီဆွီလျန်၊ ဦးမန်အုပ်ခမ်၊ ဦးထန်ကမ်းလျန်၊ ဦးမောင်ဦး၊ ဦးဟာမိုရုန်းလျန်၊ ဦးဇလိုင်းဇထောင်းနှင့် ဆလိုင်းခရော်စ်ထန်း တို့ဖြစ်ကြောင်း သိရပါတယ္။

အလားတူ ကရင်အမျိုးသားအစည်းအရုံး (KNU)ဥက္ကဌ နှင့်အဖွဲ့ဝင် (၁၁)ဦးကိုလည်း စစ်ကော်မရှင်ရဲ့ အထွေထွေ ရွေးကောက်ပွဲဆိုင်ရာ လုပ်ငန်းစဉ်များ ပျက်ပြားစေရန် Kayin National Union Facebook Page ၌ ဟောပြောလှုံ့ဆော်မှုဖြင့် သက်ဆိုင်ရာရဲစခန်းများတွင်အမှုဖွင့်ထားတယ်လို့သိရပါတယ္။

ဆက်လက်ပြီး CRPH ၊ NUG နှင့် ယင်းတို့၏ လက်ဝေခံအဖွဲ့အစည်းများ၊ ယင်းတို့နှင့် ဆက်နွှယ်နေသော အဖွဲ့အစည်းများ၊ လူပုဂ္ဂိုလ်များသည် နိုင်ငံတော်တည်ငြိမ်အေးချမ်းရေးကို ပျက်ပြားစေရန်နှင့် အစိုးရယန္တရားများ ပျက်ပြားစေရန် ရည်ရွယ်လျက် လှုံ့ဆော်ခြင်း၊ ဝါဒဖြန့်ခြင်းများပြုလုပ်ခဲ့မှုအပေါ် ဥပဒေနှင့်အညီ ထိရောက်စွာ အရေးယူသွားမည်ဖြစ်ကြောင်းနှင့် ထိုသို့လှုံ့ဆော်သူ၊ ဝါဒဖြန့်သူများအား ရွေးကောက်ပွဲ နှောင့်ယှက်ဟန့်တား ဖျက်ဆီးခြင်းမှကာကွယ်ပေးရေး ဥပဒေဖြင့် အမှုဖွင့် အရေးယူသွားမည်ဖြစ်ကြောင်း စစ်ကော်မရှင်ကထုတ်ပြန်ထားသည်။

 

========================

 

📌📌 ၅/ စစ်ကော်မရှင်၏ ရွေးကောက်ပွဲတွင် ပါဝင်သည့် ပါတီများ၊လွှတ်တော်ကိုယ်စားလှယ်များ နှင့် ရွေးကောက်ပွဲဖြစ်မြောက်ရန် ကူညီသည့် မည်သူမဆို ပြတ်ပြတ်သားသား အရေးယူမည်ဟု ချင်းညီနောင်အဖွဲ့ ထုတ်ပြန်

 

The Matupi Times ၊ စက်တင်ဘာလ ၂၅ ၊ ၂၀၂၅ 

စစ်ကော်မရှင်က ဒီဇင်ဘာလမှာ ကျင်းပဖို့ပြင်ဆင်နေတဲ့ရွေးကောက်ပွဲသည့် တရားမဝင်အတုယောင်ရွေးကောက်ပွဲကို ဆန့်ကျင့်ကန့်ကွက်ကြောင်း နှင့် ချင်းညီနောင်ထိန်းချုပ်နယ်မြေအတွင်းရွေးကောက်ပွဲဖြစ်မြောက်ရန် ကြိုးပမ်းဆောင်ရွက်မှုအားလုံးကို တားမြစ်ကြောင်း ချင်းညီနောင်အဖွဲ့က ဒီကနေ့ညပိုင်းမှာသတင်းထုတ်ပြန်ပါတယ္။

ထုတ်ပြန်ချက်မှာ အချက် (၃)ချက်ပါဝင်ပြီး စစ်ကော်မရှင်ကပြုလုပ်မယ့်ရွေးကောက်ပွဲဟာ ပြည်သူလူထု၏ဆန္ဒမပါပဲ တရားမဝင်ရွေးကောက်ပွဲဖန်တီးပြုလုပ်သည် ဒီမိုကရေစီစနစ်ကိုဆန့်ကျင်ပြီး ပြည်သူလူထု၏ အချုပ်အခြာအာဏာကို အတင်းအဓမ္မရယူရန်ကြိုးစားခြင်းဖြစ်ကြောင်း ၊ နိုင်ငံရေးကျဉ်းသားမျာကိုဆက်လက်ဖမ်းဆီးထားပြီး ပြည်သူများကိုယ်စားပြုသည့်နိုင်ငံရေးပါတီများမပါဝင်ခြင်းတို့ကြောင့် လွတ်လပ်မှုနှင့်တရားမျှတမှုမရှိသည့် အတုယောင်ရွေးကောက်ပွဲသာဖြစ်ကြောင်း နှင့် စစ်ကော်မရှင်၏ တရားမဝင်ရွေးကောက်ပွဲရလဒ်သည် ဒီမိုကရေစီနည်းကျ ရွေးကောက်တင်မြေှာက်သည့်အစိုးရဖြစ်မလာစေဘဲ ပဠိပက္ခကို ပိုမိုကြီးထွားစေပြီး နိုင်ငံရေးအရထွက်ပေါက်ရှာသည့်အနေဖြင့် စစ်အာဏာရှင် သက်ဆိုးရှည်ရေးအတွက် ကြိုးပမ်းမှုသာဖြစ်ကြောင်း ဖော်ပြထားပါတယ်။ နိုင်ငံတကာအဖွဲ့အစည်းများကလည်း အကြမ်းဖက်စစ်ကော်မရှင်၏ အတုယောင်ရွေးကော်ပွဲကို အားပေးထောက်ခံခြင်းမပြုကြဖို့ မေတ္တာရပ်ခံထားပါတယ်။ 

ဆက်လက်ပြီး အကြမ်းဖက်စစ်ကော်မရှင်၏ အတုယောင်ရွေးကောက်ပွဲတွင် ပါဝင်ယှဉ်ပြိုင်မည့်နိုင်ငံရေးပါတီများ လွှတ်တော်ကိုယ်စားလှယ်များနှင့်ရွေးကောက်ပွဲဖြစ်မြောက်ရန် ကူညီဆောင်ရွက်ပေးသည့် မည်သူမဆို ချင်းညီနောင်အနေဖြင့် ပြတ်ပြတ်သားသားအရေးယူဆောင်ရွက်သားမည်ဖြစ်ပြီး တော်လှန်ပြည်သူများအနေဖြင့်လည်း စစ်ကော်မရှင်၏ ရွေးကောက်ပွဲတွင် ပါဝင်ဆောင်ရွက်ခြင်းမပြုကြဖို့ ချင်းညီနောင်အဖွဲ့က ထုတ်ပြန်ပါတယ္။

စစ်ကော်မရှင်က ဒီဇင်ဘာလ မှာပြုလုပ်မယ့်ရွေးကောက်ပွဲကို ချင်းပြည်နယ်မြို့နယ်(၉)ခုလုံးမှာပြုလုပ်မယ်လို့ကြေငြာခဲ့ပေမယ့်ချင်းပြည်နယ်ထဲက ၊ ချင်းညီနောင်အဖွဲ့ထိန်းချုပ်ထားတဲ့ မတူပီ၊မင်းတပ်၊ကန်ပက်လက် မြို့နယ်နှင့် အာရက္ခတပ်တော် အေအေထိန်းချုပ်ထားတဲ့ ပလက်ဝမြို့နယ်တို့မှာ ရွေးကောက်ပွဲကျင်းပနိုင်မှာ မဟုတ်ဘူးလို့ စက်တင်ဘာ ၁၄နေ့က ထပ်မံထုတ်ပြန်ပါတယ္။ 

အထွေထွေရွေးကောက်ပွဲအပိုင်း(၁)ကိုတော့ စစ်ကောင်စီထိန်းချုပ်ထားတဲ့ ဟားခါးနဲ့တီးတိန်မြို့နယ်မှာ ကျင်းပပြုလုပ်မည်ဖြစ်ကြောင်း စစ်ကော်မရှင်က ကြေငြာထားပါတယ္။

 

========================

 

📌📌 ၆/ မလေးရှား AMA:Kickboxing ပွဲတွင် ချင်းလူငယ်ဖိုက်တာ Timothy အနိုင်ရ

 

The Matupi Times ၊ စက်တင်ဘာလ ၂၅ ၊ ၂၀၂၅ 

 

မလေးရှားနိုင်ငံ ၊ ကွလာလမ်ပူမြို့မှာ စက်တင်ဘာလ ၂၇ ရက်နေ့မှာ ကျင်းပပြုလုပ်တဲ့ AMA:Anymartialart / Kickboxing ပြိုင်ပွဲတွင် ချင်းလူငယ်ဖိုက်တာ MT Timothy အနိုင်ရရှိခဲ့တယ်လို့သိရပါတယ်။

 

ယမန်နေ့ည ကွာလာလမ်ပူ ၊ Lalapoer Mall (Bukit Bintang)တွင် မလေးရှားစံတော်ချိန် ည ၁၀ နာရီအချိန်၌ ကျင်းပြုလုပ်ခဲ့တာဖြစ်ပြီး ချင်းလူငယ်ဖိုက်တာ Timothy ဟာ မလေးရှား မွေထိုင်းဖိုက်တာ Norhindham နဲ့ Semi Pro Fight အဓိကပွဲအဖြစ်ယှဉ်ပြိုင်ထိုးသတ်ခဲ့ရာမှာ ဒိုင်အမှတ်နဲ့အနိုင်ရရှိခဲ့တာလို့သိရပါတယ်။

 

MT Timothy ဟာအခုပွဲလည်း အနိုင်ရရှိခဲ့တာကြောင့် နောက်ဆုံးယှဉ်ပြိုင်ထိုးသတ်ခဲ့တဲ့ Boxing ပွဲ(၃)ပွဲလုံးကိုအနိုင်ရရှိထားတာဖြစ်ပြီး လာမယ့် အောက်တိုဘာလ၁၁ ရက်နေ့မှာလည်း Muay Thai:Semi Final ပွဲယှဉ်ပြိုင်ထိုးသတ်သွားမယ်လို့သိရပါတယ္။ 

#RadioNUGLocalNews

#SpringRevolution